Cese cattoliche: S Bartolomeo a Barcola

[palpio]

Una riflession in general sule cese:
perchè andarle a analizzar, sopratutto per chi che in cesa no ghe va, o al massimo in ocasion de matrimoni ( co no i xe in Municipio) e funerai (anche quei, sempre più diretamente in cimitero)?
perchè l'edificio cesa xe un riassunto de storia e arte dela zona

In sti giorni xe 58 anni che go fato la prima comunion nela cesa de San Bartolomeo. Forsi qualcun ga delle foto dela cesa e dele strade de Barcola la intorno, che mi no go podesto far.

[babatriestina]

No la gavevo pronta completa, ma gavevo qualcossa:eco de la cesa de san Bartolomeo a Barcola alcuni tochi, stavo zercando quel giorno sopratutto quel che i ga recuperado de vece cese:
ecco la parte alta del roson sula facciata, xe el vecio roson gotico dela cesa de San Pietro che iera fin ala fin del Settecento in piazza Grande , più o meno dove che xe i Speci



De l'interno, eco un altar lateral dela Madonna del Rosario, che iera dela prima cesa, settecentesca, de S Antonio al Canal.

[babatriestina]

e ecco l'altar maggior, che vien de una cesa veneziana del Settecento:

el particolar del bassorilievo de sotto mostra verso sinistra el Palazzo ducal de Venezia

la cesa ga avudo un momento de gloria ai tempi de , che par che gaveva anche una casetta de quele parti,e de Papa el ga fatto un benedizion special per chi che saria andado a visitar la cesa per la festa de San Bartolomeo
e un particolar de un dei angeli de marmo:

[palpio]

Grazie Betta: no go gnanca fato in tempo a "esprimer el desiderio" che iera za realta' ...
Sai bel l'altar maggior ma devo confesar che no me pareva de gaverlo mai visto prima. El roson xe sempre quel: bellissimo!!

[barcola]

Questa cesa conosco, bella e foto anche.
Barcola

[will]

la cesa de s.pietro me par che stava la de palazzo modello no la dei speci .....pol eser???

[AdlerTS]

Per esser esatti, la cesa jera la, sul canton

[babatriestina]

Ogni volta che vardo sta stampa, me domando dove che xe finido el secondo roson, perchè in sta stampa se ghe ne vedi due. Ma me par che xe licenza poetica, e che in realtà ghe ne iera un solo.
Co i ga demolido la cesa, el roson xe stado per anni al orto lapidario, e xe là che el xe descritto nel Matthias Sandorf de Verne ( vedi el mio thread sulla Congiura de Trieste, fra i libri)

[sum culex]

Zonto anche mi alcune foto de sta cesa, sperando che la baba(TS) che ghe ne ga za a suo tempo messe un poche no la se la gabi a mal, ma za che le go fate me dispiaseva no mostrarvele, anche a picia integrazion dele precedenti.

[sum culex]

[sum culex]

[sum culex]

I due altari laterali







El dipinto che se trova nel'abside sora l'altar magiore



ciao
zoom culex

[babatriestina]

Giusto ben le tue foto, che integra le mie vece!
alora: el altar maggior xe de origine veneziana, fin del seicento, e el iera fin ai anni 50 a san Giusto, nella cappella del Santissimo, quela col mosaico dei apostoli, co i la ga rifatta moderna ( Mascherini), nel 1952 i ga spostado el altar come altar maggior a Barcola.
El altar lateral col sacro Cuor xe anche de origine de San Giusto, e prima de questo el fazeva de altar maggior a Barcola. Quel dela Madonna del rosario xe anche antica, la fazeva parte dei altari dela prima cesa de S Antonio taumaturgo, quela del setecento che i ga disfado per far l'attuale neoclassica.

[babatriestina]

Sai bel l'altar maggior ma devo confesar che no me pareva de gaverlo mai visto prima.

e me par anca giusto, perchè se te ga fato la prima Comunion 58 anni fa là, el altar xe stado portado zo de san Giusto 54 anni fa

[babatriestina]

iero giusto ieri e go fato un per de foto


el altar dela Madonna, fato per la prima cesa de s Antonio novo, po passado a san Giusto e dopo qua


la pala de san Bartolomeo, con la Barcola de alora sotto

[babatriestina]

dettagli del altra maggior vien de Venezia de un a cappella che contegniva una icona della Madonna della Pace e i ga distrutto la cappella e el vescovo de trieste Leonardis de alora ga comprado el altar nel 1825 e lo ga messo a san Giusto, po i lo ga portado qua perché el stonava coi mosaici bizantini de sora
la base de marmo a sinistra i angeli che mostra l'icona e angeli che salva anime del purgatorio

Putti classici ai lati


angeli barocchi

[babatriestina]

sti angioletti in origine sostegniva el icona dela Madonna della Pace


e qua xe due Evangelisti, san Matteo xe questo dela foto el altro san luca

[babatriestina]

zonto la foto dela madonna dela Pace, la xe a Venezia e la xe adesso in un cappella de san Giovanni e Paolo

Xe un'icona bizantina