Cucina triestina

[Nini Naridola]

Anche in Olanda se magna pesse crudo. In gioventù, co iero là, me son fato bele magnade de "maatje" la renga (aringa) cruda che i vendeva in barachete come de noi i vendi le castagne. Dopo go savù dai biologi marini dela Anisakidiosi provocada da un parassita intestinal del pesce. Me par che bisogna congelar le renghe per purificarle e no servi gnanca la salamoia. Vet Ritter i ghe ne saverà de più.

[Ciancele]

Anche in Olanda se magna pesse crudo. In gioventù, co iero là, me son fato bele magnade de "maatje" la renga (aringa) cruda che i vendeva in barachete come de noi i vendi le castagne. Dopo go savù dai biologi marini dela Anisakidiosi provocada da un parassita intestinal del pesce. Me par che bisogna congelar le renghe per purificarle e no servi gnanca la salamoia. Vet Ritter i ghe ne saverà de più.

Spero che te gabi magnà co' la zivola cruda e dopo bevù un bicerin, de quei pici col manigo a sinistra. Mi son sta nel 1957. Co' la Vespa 150. No in gioventù, gavevo za 30 ani. Matusaleme.
Ma forsi el problema xe coi sardoni FRESCHISSIMI. Cito un mio invio ala Citadela: ... e pedoci e pulisi senza babe bikarize, ma anca nostri crepa se no ga drugarize. (Traduzione per i non autoctoni: ... e pidocchi e pulci nell'atollo di Bikini senza le loro abitanti, pure i nostri decedono se non hanno le compagne. Go tradoto a senso. Speremo che se capisi.) Co' i riva de noi i xe za mortus est e i parasiti xe tuti morti, de fame. Forsi par quel no xe pericolo magnarli senza cusinarli. El sugo de limon sarà al masimo a temperatura ambiente, in tai sardoni FRESCHISSIMI la temperatura devi rivar oltre i 70 gradi. Mi provarò a farli. Se dopo no ciapè più post de mi, comincè a farve pensieri.
Con tute le renghe ch'el ciapa in tal Po, el ne podarà dar boni consigli.

[Ciancele]

no so, per mi pesse crudo xe roba de giaponesi.

Parchè te la ga coi cin ciun cian. Lori i disi che el manzo crudo (carpacio) xe pai taliani.

[babatriestina]

mi no magno gnanca manzo crudo. No so gnente de cusina giaponese ma no me ispira. preferisso el cin ciun cian dei Cinesi,c he almeno go una vaga idea perchè le rizete le go provade a far in casa mi. E iero in Cina nei anni 80 che o se magnava quel che i te sbatteva o nisba. E no iera preciso de quel che i te da qua nei ristoranti cinesi. Pesse crudo magnava el Gollum

[Ciancele]

El mio dotor me disi sempre che legio tropo, e più che legio più m…ediamente erudito divento. Sta volta go leto de novo una roba sule aciughe in bianco. Bianco xe anca el ninziol dela morte. Le acciughe portatrici di morte. Parchè? Ma, come che gavemo za visto, a causa dele larve de un parasita (anisakis simplex). Nela riceta i consiglia de tignir i pesi nel congelator per 12 ore a –30 gradi. Sicome che noi a casa no gavemo una roba compagna, ‘lora per 1 setimana a –18 gradi. Le larve mori. O de fame o de fredo. Me par de vederle che prima le comincia a bater broche e po senza pluzer ghe se iaza i pie. Dopo i sardoni vien friti, e coi sardoni anche le larve. Noi credemo che sia i sardoni a gaver bon gusto. No, sbaliemo! Se i anisakis simplex friti che i xe cusì boni. No me maravilio che vermi sia boni, i ga proteine.

[nonna ivana]

Una logica perfetta, Ciancele...che occorre fare oltre alla lettura, per mantenere la mente ben oliata ed efficente, come la tua?
Scusa gli errori di battitura, con 'sto aggeggio mi sento all'asilo a scrivere le...aste!
Non mangio le alici in bianco...ma solo cotte, a strati, con pangrattato, prezzemolo e aglio, poi in forno, o sono sardine, boh!

[Ciancele]

Una logica perfetta, Ciancele...che occorre fare oltre alla lettura, per mantenere la mente ben oliata ed efficente, come la tua?

Troppo buona. Prova con petesismi de petes (alcol).

[VetRitter]

Vet Ritter

scuseme, 'rivo tardi, e Ciancele gà zà spiegà ben l'anisakiasi, in pratica xè come el verme solitario che se podaria ciapar magnando porco crudo..

tute le renghe ch'el ciapa in tal Po

renghe da po co...

[Ciancele]

mi no magno gnanca manzo crudo. No so gnente de cusina giaponese ma no me ispira. preferisso el cin ciun cian dei Cinesi,c he almeno go una vaga idea perchè le rizete le go provade a far in casa mi. E iero in Cina nei anni 80 che o se magnava quel che i te sbatteva o nisba. E no iera preciso de quel che i te da qua nei ristoranti cinesi. Pesse crudo magnava el Gollum

Mi iero nel 1944 ala Tot. Anca là o te magnavi quel che i te sbateva o nisba. Fazit: La fame è il miglior cuoco.