Piazza Venezia - La guerra delle panchine
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- babatriestina
- senator
- Messaggi: 41492
- Iscritto il: dom 25 dic 2005, 19:29
- Località: Trieste, Borgo Teresiano
Piazza Venezia - La guerra delle panchine
Guerra delle panchine e valzer delle statue... el tutto a Piazza Venezia o se preferì Piazza Giuseppina
Oggi xe sul piccolo un bel articolo, in triestin, de Rumiz ( che se qualchedun lo ga, magari se el ne lo posta ) e una pagina intiera sempre de Rumiz su repubblica , sempre dedicada ala guerra delle panchine, che domani xe prevista una manifestazion con adesioni anche de Magris, Corona , perchè qua no xe più solo la question dei barboni , ma el sospetto che se voli limitar le panchine, per favorir i posti sentai a pagamento;: insomma, per star sentado, te devi consumar!
Per la piazza, po, xe stado annunciado:
1-via la fontana del Nettuno, nei depositi in attesa de tornar in piazza della Borsa, suo sito originario , come che vedè qua
2 taiar i due alberi davanti, per far veder meo in mezzo, che ghe sarà
3 una nova statua se Santin, tutto de far
4 sostutir i fanai con fanai stile antico ( ma veramente, quei che xe.. me par antichi za..)
e po qualche pedonalizzazion, cambio de sensi unici, pavimentazion in piera bianca..
Xe comunque de ricordar, per i patidi del "come che iera una volta", che ai tempi dela statua de Massimilian alberi no iera, almeno me par de ricordar in certe cartoline, qua fazzo appello a FrancoK che sicuro gaverà l'imagine che me vien in mente.. in particolar questa:
http://www.misterkappa.it/cvf-sta01.html
o questa, che devo dir me mostra una piazza un poco squallidina
http://www.misterkappa.it/cvf-sch01.html
Oggi xe sul piccolo un bel articolo, in triestin, de Rumiz ( che se qualchedun lo ga, magari se el ne lo posta ) e una pagina intiera sempre de Rumiz su repubblica , sempre dedicada ala guerra delle panchine, che domani xe prevista una manifestazion con adesioni anche de Magris, Corona , perchè qua no xe più solo la question dei barboni , ma el sospetto che se voli limitar le panchine, per favorir i posti sentai a pagamento;: insomma, per star sentado, te devi consumar!
Per la piazza, po, xe stado annunciado:
1-via la fontana del Nettuno, nei depositi in attesa de tornar in piazza della Borsa, suo sito originario , come che vedè qua
2 taiar i due alberi davanti, per far veder meo in mezzo, che ghe sarà
3 una nova statua se Santin, tutto de far
4 sostutir i fanai con fanai stile antico ( ma veramente, quei che xe.. me par antichi za..)
e po qualche pedonalizzazion, cambio de sensi unici, pavimentazion in piera bianca..
Xe comunque de ricordar, per i patidi del "come che iera una volta", che ai tempi dela statua de Massimilian alberi no iera, almeno me par de ricordar in certe cartoline, qua fazzo appello a FrancoK che sicuro gaverà l'imagine che me vien in mente.. in particolar questa:
http://www.misterkappa.it/cvf-sta01.html
o questa, che devo dir me mostra una piazza un poco squallidina
http://www.misterkappa.it/cvf-sch01.html
Ecco fatto:
================================
LE PANCHINE E LA LIBERTÀ CHE NON SI PAGA
di Paolo Rumiz
Ieri go ciolto una carega pieghevole e me son calà in piazza Venezia, quela dove che el Comun ga segà le panchine perché no possi sentarse i barboni. Iera un poco de sol, e anche altri iera vignui fora per gòderse el bel tempo. Per dir la verità una panchina fissa ghe iera - solo che una, quela "soversiva" messa dei muli de Ponziana - ma la iera tuta piena. No de barboni: de siori. Triestini de Cavana e Lazareto vecio. In cinque i stava sentai, e di fronte se gaveva messo anca una siora malada co’ la sedia a rodele. Su nipote la gaveva sburtada fin là. I ciacolava cussì cocoli che go verto la carega e me son sentà con lori a scoltar.
«Se podaria far el funeral dela panchina fissa» diseva un. E un altro: «Se porteremo de casa una cole rodele». Se un consuma, "nema problema", el pol tuto. La mularia pol far casìn fin le tre de note nei bareti, nissun disi niente. No te vedi un vigile gnanca se te s'ciopi. In Borgo Teresian no i ghe ne pol più, no i dormi mai, ma el sior vigile no vien, perché i muli consuma. I manda avanti col spritz l'economia de Trieste. Ciacolavimo de ’ste robe, iera ’ssai bel. Ma dopo xe rivà un camion pien de alberi de Nadal e i ne ga fato 'ndar via. Alberi a pagamento, natural. E mentre che i impiniva la piazza, la fontana e anca la panchina, me xe vignù in mente che co iero picio - e el Comun iera una roba seria - ghe iera un guardian tremendo che girava pel piazal Rosmini. El gaveva el fis'ceto e ’pena che un putel montava sule aiole, el rivava come un levro, el ghe domandava al muleto dove che iera el papà, po' el ghe petava la multa. No’l iera cativo, el tigniva solo de conto el ben de tuti. El lustrava el giardin de tuti come che fussi suo. Oggi i sega le panchine de tuti, i lassa 'ndar in malora le scole de tuti. E ai muli che fa casin per strada, che se insempia de canne e de birete, a quei no ghe disi niente nissun.
Ogni tanto me vien del pensar che i fa ’posta. Per esempio: le mònighe de san Giusto no le va via "perché xe tropo rumor"? Ma come? Per oto secoli le ga vu pase, e desso - varda ti - le devi ’ndar via? No i podeva meterghe un guardian col fis'ceto? Inveze no. El tapedo rosso i ghe metti perché le vadi, e vizin un milion e mezzo de euro dele nostre scarsele. Per far cossa? Un residence. Bon, te pol star sicuro che co 'l residence sarà finì, i meterà el guardian e no svolerà una mosca, cussì i siori poderà dormir.
Col rumor se pol mandar via la gente. Altroché se se pol. Basta lavorar de "schiamazzi", concerti, trivelle, transenne e seghe a go-go. Co vado fora de casa no so mai che sorpresa che troverò per strada. Sega? Trivella? Transenna? Oramai xe come un concerto dela Banda Réfolo. I disi che i fa bela la città: mi digo che co sarà finidi i lavori sarà tuto più bel, sicuro. Solo che no troveremo più Trieste. Gaveremo el mar oltra un'autostrada.
Ve ricordé de Gentilini, el sindaco-scerifo de Treviso che ga sparà la moda dela sega? Xe lu’ el genio che ghe ga dà l'idea a Nembo Kid, l'implacabile mulo Bandelli. Bon, in quela piaza dove che Gentilini ga taià le panchine contro i extracomunitari che se sentava, oggi xe do volte più foresti de tre ani fa. In Veneto i te spiega subito el mistero. No xe dificile: quei de Treviso no i ga più panche e no i va più in piazza. Cussì oggi ghe va solo senegalesi, turchi e muli de l'Ecuador. Come i fa? Semplice: i sta in pie, perché i xe più giovini. Opur i se senta per tera. Cussì succedi nele stazioni: i ga segà tuto e nele coincidenze te toca star in pie ore. Oramai, solo i povereti se ferma nella stazion publica.
Cussì finirà anca in piazza Venezia. Sicuro. La gaverà più barboni de prima e i triestini 'ndarà via. Ma cossa se ga insognà Dipiazza de copiar Gentilini? Cossa ghe entra Treviso con Trieste? El mulo se ciama Dipiazza, doveva esser una garanzia, pensavo mi. Inveze no, el me disfa le piaze. No rivo a capir. El devi aver qualcossa che no ghe bati, drento.
Go sentì che i vol meter in piaza la statua de Santin. Ma con che muso? El vescovo el se rivolta zà nela tomba. Santin, che coi poveri el iera bon come el pan, mai nol gaveria mandà via un barbon. Bellomi, l'altro vescovo, me ricordo ben, una note che el tornava in curia, el ga trovà un povereto distirà in Cavana, solo come un can, e lu se lo ga ciolto in spalle e no'l ga ’vu pase fin quando che no lo ga messo in un leto. El paroco de la Madona del Rosario tigniva la cesa verta de note per far dormir i barboni. I mone protestava, ma lui li fazeva corer, ghe diseva che el barbon xe "Nostro signore Gesù Cristo".
Ghe manderia Gesù Cristo, de note, a casa del sior assessor, a dirghe: «Go fame». Scometemo? Lu lo ciaperia a piade e ’l ghe dirìa: «Va in bareto e consuma». Sopratuto el ghe diria: «No sentarte». In quele panchine, caro Bandelli, ghe xe la nostra storia. Magari suo papà se ga dà un baso con sua mama. Per questo vado a sentarme in piaza Venezia ’pena che posso e ghe domando alla gente de far compagno cole careghe che i ga a casa. Per questo, sempre, sbasso le transenne arancion e passo oltra. Per no dimenticarme che esisti el mar.
Una robeta voleria zontar. Co iera la Defonta de povero Franz, i ga fato l'Ospedal nel stesso tempo che oggi i ga rifato le Rive. E no basta: i ga speso i stessi bori e i ga doprà operai trestini. No cinesi, triestini. L'Austria ga fato el porto vecio in cinque anni e noi xe cinquanta che discutemo come doprarlo, intanto che el casca in tochi. Un pochetin de memoria no fa mai mal. Steme ben.
Paolo Rumiz
================================
LE PANCHINE E LA LIBERTÀ CHE NON SI PAGA
di Paolo Rumiz
Ieri go ciolto una carega pieghevole e me son calà in piazza Venezia, quela dove che el Comun ga segà le panchine perché no possi sentarse i barboni. Iera un poco de sol, e anche altri iera vignui fora per gòderse el bel tempo. Per dir la verità una panchina fissa ghe iera - solo che una, quela "soversiva" messa dei muli de Ponziana - ma la iera tuta piena. No de barboni: de siori. Triestini de Cavana e Lazareto vecio. In cinque i stava sentai, e di fronte se gaveva messo anca una siora malada co’ la sedia a rodele. Su nipote la gaveva sburtada fin là. I ciacolava cussì cocoli che go verto la carega e me son sentà con lori a scoltar.
«Se podaria far el funeral dela panchina fissa» diseva un. E un altro: «Se porteremo de casa una cole rodele». Se un consuma, "nema problema", el pol tuto. La mularia pol far casìn fin le tre de note nei bareti, nissun disi niente. No te vedi un vigile gnanca se te s'ciopi. In Borgo Teresian no i ghe ne pol più, no i dormi mai, ma el sior vigile no vien, perché i muli consuma. I manda avanti col spritz l'economia de Trieste. Ciacolavimo de ’ste robe, iera ’ssai bel. Ma dopo xe rivà un camion pien de alberi de Nadal e i ne ga fato 'ndar via. Alberi a pagamento, natural. E mentre che i impiniva la piazza, la fontana e anca la panchina, me xe vignù in mente che co iero picio - e el Comun iera una roba seria - ghe iera un guardian tremendo che girava pel piazal Rosmini. El gaveva el fis'ceto e ’pena che un putel montava sule aiole, el rivava come un levro, el ghe domandava al muleto dove che iera el papà, po' el ghe petava la multa. No’l iera cativo, el tigniva solo de conto el ben de tuti. El lustrava el giardin de tuti come che fussi suo. Oggi i sega le panchine de tuti, i lassa 'ndar in malora le scole de tuti. E ai muli che fa casin per strada, che se insempia de canne e de birete, a quei no ghe disi niente nissun.
Ogni tanto me vien del pensar che i fa ’posta. Per esempio: le mònighe de san Giusto no le va via "perché xe tropo rumor"? Ma come? Per oto secoli le ga vu pase, e desso - varda ti - le devi ’ndar via? No i podeva meterghe un guardian col fis'ceto? Inveze no. El tapedo rosso i ghe metti perché le vadi, e vizin un milion e mezzo de euro dele nostre scarsele. Per far cossa? Un residence. Bon, te pol star sicuro che co 'l residence sarà finì, i meterà el guardian e no svolerà una mosca, cussì i siori poderà dormir.
Col rumor se pol mandar via la gente. Altroché se se pol. Basta lavorar de "schiamazzi", concerti, trivelle, transenne e seghe a go-go. Co vado fora de casa no so mai che sorpresa che troverò per strada. Sega? Trivella? Transenna? Oramai xe come un concerto dela Banda Réfolo. I disi che i fa bela la città: mi digo che co sarà finidi i lavori sarà tuto più bel, sicuro. Solo che no troveremo più Trieste. Gaveremo el mar oltra un'autostrada.
Ve ricordé de Gentilini, el sindaco-scerifo de Treviso che ga sparà la moda dela sega? Xe lu’ el genio che ghe ga dà l'idea a Nembo Kid, l'implacabile mulo Bandelli. Bon, in quela piaza dove che Gentilini ga taià le panchine contro i extracomunitari che se sentava, oggi xe do volte più foresti de tre ani fa. In Veneto i te spiega subito el mistero. No xe dificile: quei de Treviso no i ga più panche e no i va più in piazza. Cussì oggi ghe va solo senegalesi, turchi e muli de l'Ecuador. Come i fa? Semplice: i sta in pie, perché i xe più giovini. Opur i se senta per tera. Cussì succedi nele stazioni: i ga segà tuto e nele coincidenze te toca star in pie ore. Oramai, solo i povereti se ferma nella stazion publica.
Cussì finirà anca in piazza Venezia. Sicuro. La gaverà più barboni de prima e i triestini 'ndarà via. Ma cossa se ga insognà Dipiazza de copiar Gentilini? Cossa ghe entra Treviso con Trieste? El mulo se ciama Dipiazza, doveva esser una garanzia, pensavo mi. Inveze no, el me disfa le piaze. No rivo a capir. El devi aver qualcossa che no ghe bati, drento.
Go sentì che i vol meter in piaza la statua de Santin. Ma con che muso? El vescovo el se rivolta zà nela tomba. Santin, che coi poveri el iera bon come el pan, mai nol gaveria mandà via un barbon. Bellomi, l'altro vescovo, me ricordo ben, una note che el tornava in curia, el ga trovà un povereto distirà in Cavana, solo come un can, e lu se lo ga ciolto in spalle e no'l ga ’vu pase fin quando che no lo ga messo in un leto. El paroco de la Madona del Rosario tigniva la cesa verta de note per far dormir i barboni. I mone protestava, ma lui li fazeva corer, ghe diseva che el barbon xe "Nostro signore Gesù Cristo".
Ghe manderia Gesù Cristo, de note, a casa del sior assessor, a dirghe: «Go fame». Scometemo? Lu lo ciaperia a piade e ’l ghe dirìa: «Va in bareto e consuma». Sopratuto el ghe diria: «No sentarte». In quele panchine, caro Bandelli, ghe xe la nostra storia. Magari suo papà se ga dà un baso con sua mama. Per questo vado a sentarme in piaza Venezia ’pena che posso e ghe domando alla gente de far compagno cole careghe che i ga a casa. Per questo, sempre, sbasso le transenne arancion e passo oltra. Per no dimenticarme che esisti el mar.
Una robeta voleria zontar. Co iera la Defonta de povero Franz, i ga fato l'Ospedal nel stesso tempo che oggi i ga rifato le Rive. E no basta: i ga speso i stessi bori e i ga doprà operai trestini. No cinesi, triestini. L'Austria ga fato el porto vecio in cinque anni e noi xe cinquanta che discutemo come doprarlo, intanto che el casca in tochi. Un pochetin de memoria no fa mai mal. Steme ben.
Paolo Rumiz
- babatriestina
- senator
- Messaggi: 41492
- Iscritto il: dom 25 dic 2005, 19:29
- Località: Trieste, Borgo Teresiano
xe un momento OT col problema, ma sto passo de Rumiz e del guardian de Piazzale Rosmini me ga sveiado tanti ricordi. Per cominciar, perchè quela volte ghe iera guardiani nei giardini e adesso no? e po, perchè mi e un mio amico, con sto sior, gavevimo creado un zogo de fioi, che se ciamava Caccia al guardiano. Consisteva nel caminarghe drio, de lontan, ma scondendose drio un albero o una colonna che nol ne vedi. dopo un poco el mato cominciava a aver la sensazion de esser seguido e se innervosiva e ne vardava de bruto, ma nol podeva dirne gnente, perchè no fazevimo gnente de mal. Ma qualche volta el ne zigava qualcossa..macondo ha scritto:
LE PANCHINE E LA LIBERTÀ CHE NON SI PAGA
me xe vignù in mente che co iero picio - e el Comun iera una roba seria - ghe iera un guardian tremendo che girava pel piazal Rosmini. El gaveva el fis'ceto e ’pena che un putel montava sule aiole, el rivava come un levro, el ghe domandava al muleto dove che iera el papà, po' el ghe petava la multa. No’l iera cativo, el tigniva solo de conto el ben de tuti. El lustrava el giardin de tuti come che fussi suo.
Paolo Rumiz
la guerra alle panchine
Betta!
perche' te pensi che mi rispondo a certi topic, solo perche' son vecia e vissuda? o ve voio far sgambetta sulle vostre idee? anche se tutto xe stado fatto in pochi anni come che spiega el Romiz? dove xe la gente de quella volta? dove xe i mestieranti? dove xe gioventu' come che iero mi desiderosa de ciaparme qualche soldin extra e andar apiantar fioretti sulle....come ciame' voi aiuole del giardin pubblico? distrutte perche' el guardian girava dell'altra parte? non voio con questo cominciar una guerra, mi manco da oltre mezzo secolo, ma se pol ragionar.
Mi senza paura, ancora oggi senza permesso anderia con la palletta a metter a posto, senza spettar chel sindaco fazi niente, xe solo parole al vento......Manca volonta' e la MANODOPERA!.......
Zighemo ancora qua' in Australia, ""FIOI COME NOI LA MAMMA NON LI FA'PIU'""No rabiarte, ma la Manna non casca dal ciel, xe un Mito antico.
Ma come chel disi de Treviso xe giusto ma la missianze delle razze le gave' voludo voi, o cioe' come che la penso mi' quei dolenti de cuor senza ametter che l'Italia lo ga' fatto piu' per passion che per emigrazion.
Non esisteva emigrazioni, fin quando un icx qualsiasi ga' comincia' a pianzer col vedeva certe robe impressionanti nei altri continenti, allora speta demoghe riparo, ciolemoli qua' i ne dara' aiuto? de cossa? solo che problemi lavorativi seno' politici, gavemo qua' el stesso prblema, fin che sara' mondo nessun sara' cntento. Nel frattempo lori (come ditto) i sta' in piedi, i nostri distirai? voleria esser un useleto e sentir come chei la pensa lori, quei che xe la' sulle panchine, son convinta chei protesta perche' i stranieri ga' piu' de lori? sbaglio? non credo.
Adesso la xe la guerra per via dei alberi de Nadal? nessun vol taiarli...troppo bei poveretti, se non te tai? come te vol riprodur? addio Nadal addio ricordi de gioventu' addio tutto, ma se continua a protestar.
Chei metti statue almeno quel restera' nella storia come che gavevimo da secoli, per niente non ve dimentiche' dell'Austria-Ungheria quei iera e i xe ancora, sia che statue, vie, e musei.
Bon Nadal anche per quei delle panchine.
Maria aka refolo
perche' te pensi che mi rispondo a certi topic, solo perche' son vecia e vissuda? o ve voio far sgambetta sulle vostre idee? anche se tutto xe stado fatto in pochi anni come che spiega el Romiz? dove xe la gente de quella volta? dove xe i mestieranti? dove xe gioventu' come che iero mi desiderosa de ciaparme qualche soldin extra e andar apiantar fioretti sulle....come ciame' voi aiuole del giardin pubblico? distrutte perche' el guardian girava dell'altra parte? non voio con questo cominciar una guerra, mi manco da oltre mezzo secolo, ma se pol ragionar.
Mi senza paura, ancora oggi senza permesso anderia con la palletta a metter a posto, senza spettar chel sindaco fazi niente, xe solo parole al vento......Manca volonta' e la MANODOPERA!.......
Zighemo ancora qua' in Australia, ""FIOI COME NOI LA MAMMA NON LI FA'PIU'""No rabiarte, ma la Manna non casca dal ciel, xe un Mito antico.
Ma come chel disi de Treviso xe giusto ma la missianze delle razze le gave' voludo voi, o cioe' come che la penso mi' quei dolenti de cuor senza ametter che l'Italia lo ga' fatto piu' per passion che per emigrazion.
Non esisteva emigrazioni, fin quando un icx qualsiasi ga' comincia' a pianzer col vedeva certe robe impressionanti nei altri continenti, allora speta demoghe riparo, ciolemoli qua' i ne dara' aiuto? de cossa? solo che problemi lavorativi seno' politici, gavemo qua' el stesso prblema, fin che sara' mondo nessun sara' cntento. Nel frattempo lori (come ditto) i sta' in piedi, i nostri distirai? voleria esser un useleto e sentir come chei la pensa lori, quei che xe la' sulle panchine, son convinta chei protesta perche' i stranieri ga' piu' de lori? sbaglio? non credo.
Adesso la xe la guerra per via dei alberi de Nadal? nessun vol taiarli...troppo bei poveretti, se non te tai? come te vol riprodur? addio Nadal addio ricordi de gioventu' addio tutto, ma se continua a protestar.
Chei metti statue almeno quel restera' nella storia come che gavevimo da secoli, per niente non ve dimentiche' dell'Austria-Ungheria quei iera e i xe ancora, sia che statue, vie, e musei.
Bon Nadal anche per quei delle panchine.
Maria aka refolo
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
Cossa disè, i tirerà via le panchine anche del giardineto de Roian , de piazza dela stazion e tute quele de Barcola? E magari i ghe le rivendi a qualche paese del meridione, come i tram? Opur se qualchedun se senterà là, riverà qualche vigile a dir "Via de qua, o te paghi o te sta in pìe anche se te son con due stampele!"?
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Per cominciar, perchè quela volte ghe iera guardiani nei giardini e adesso no?
..perchè costano. E' lo stesso motivo per il quale la gran parte dei giardini triestini sono "aperti", incustoditi e non hanno nemmeno un incaricato che, se non controlla, almeno chiude il giardino al tramonto. Perchè costa.
Curioso: siamo una delle città più ricche d'Italia, ma ci sono un sacco di cose che non possiamo permetterci: i guardiani, un verde decente (Trieste è una delle città italiane a minor densità di verde per abitante in Italia), una pulizia appropirate di strade tombini e scoli (vedi ieri), il teatro Rossetti.....
Mah.....
Some day you will find me,
Caught beneath the landslide
In a champagne supernova in the sky
Caught beneath the landslide
In a champagne supernova in the sky
- babatriestina
- senator
- Messaggi: 41492
- Iscritto il: dom 25 dic 2005, 19:29
- Località: Trieste, Borgo Teresiano
Ma.. negli anni Cinquanta ( e dico anche dopo il 54, a scanso di equivoci..) eravamo così ricchi da potercelo permettere?Kyeldor ha scritto:Per cominciar, perchè quela volte ghe iera guardiani nei giardini e adesso no?
..perchè costano. E' lo stesso motivo per il quale la gran parte dei giardini triestini sono "aperti", incustoditi e non hanno nemmeno un incaricato che, se non controlla, almeno chiude il giardino al tramonto. Perchè costa.
.
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
Negli anni cinquanta eravamo così poveri che lavorare e mantenere integro quel poco che avevamo era una cosa seria. Anche per i vigili e i guardiani e soprattutto per i triestini.
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
a.. negli anni Cinquanta ( e dico anche dopo il 54, a scanso di equivoci..) eravamo così ricchi da potercelo permettere?
....penso di sì. Da come l'ho capita io, in quel tempo tutti avevano un pò di meno, ma più persone avevano qualcosa. Compresi i guardiani
Some day you will find me,
Caught beneath the landslide
In a champagne supernova in the sky
Caught beneath the landslide
In a champagne supernova in the sky
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
- babatriestina
- senator
- Messaggi: 41492
- Iscritto il: dom 25 dic 2005, 19:29
- Località: Trieste, Borgo Teresiano
- babatriestina
- senator
- Messaggi: 41492
- Iscritto il: dom 25 dic 2005, 19:29
- Località: Trieste, Borgo Teresiano
Prima o dopo el se alzerà.AdlerTS ha scritto:Perché ti te se senti su una panchina dove sta dormindo qualchidun altro (o dove ga lassado la sua mercanzia) ?babatriestina ha scritto:però no xe una ragion de cavar le panchine a tuti i altri!
Mi in genere no me sento su una panchina occupada.
Ma te son mai andado in Giardin Pubblico? cavemo anca tute le panchine in Giardin perchè su qualcheduna xe barboni? e se extracomunitari i te va ben o no?
Adesso mi no so un per de robe:
1 so che la mendicità no xe più reato, salvo casi particolari, fioi o bestie...; esser senza dimora lo xe o no? xe proibido dormir sula panchine? se sì, spetta a chi di dovere allontanar, multar, portar in questura, e far rispettar la legge; se no, i ga diritto a star là.
2 se i lassa la mercanzia, istesso: se xe proibido, se cava; se no, a mi no me dà fastidio ( ma no per quel ghe compro )
3 se i spuzza ( i disi che i stessi barboni se rabbia co un de lori spuzza) , a mi no me piasi, ma no so se esisti una legge che proibissi de spuzzar - te savessi quanti che spuzzava de sudor prima che se diffondessi i deodoranti, anche per quel iera molto apprezzai i tram col rimurcio averto in estate!- altrimente, se ciama l'ufficio d'igiene, soprattutto se par che i porti parassiti.
E per tuto questo no ocori cavar le panchine
In genere, città belle con viali alberai ( penso a Parigi, Vienna, Zurigo..) ga spesso panchine libere nei viali e nei parchi ( te vedessi la quantità de sedie e panchine ale Tuileries a Parigi).
Do robe.
La Piazza Giuseppina al comincio del secolo, de quel che se vedi, no la iera particolarmente bela. La fazeva praticamente parte dela strada, senza alberi, ne aiole e tantomeno panchine
Piena de caretti, peró e de fachini...
Son d'acordo con Betta. Se xe un problema de ordine publico, che se fazi rispetar le leggi e i regolamenti. Taiar banchine xe una misura che me ricorda quel famoso marí, che per farghe dispeto ala moglie el se gaveva taiado....
La Piazza Giuseppina al comincio del secolo, de quel che se vedi, no la iera particolarmente bela. La fazeva praticamente parte dela strada, senza alberi, ne aiole e tantomeno panchine
Piena de caretti, peró e de fachini...
Son d'acordo con Betta. Se xe un problema de ordine publico, che se fazi rispetar le leggi e i regolamenti. Taiar banchine xe una misura che me ricorda quel famoso marí, che per farghe dispeto ala moglie el se gaveva taiado....