Un bosco strano

[sono piccolo ma crescero]

Provo a scriver in dialeto per rispeto ai altri

In via del Veltro, di fronte ai numeri 81 e 83 ghe xe un boscheto, sai picio a dir el vero...




dove tuti i alberi più giovani ga un toco de tubo alla base col suo nome latin e el nome de qualchedun



Chi sa perché? Xe el nome de qualche muleto che lo ga piantà o xe i alberi che una lege da ani fa obligava i comuni a piantar co naseva un picio?

[babatriestina]

Apprezzemo el sforzo... ma no te son obligado , i te capissi istesso anche in italian

Stessa roba sui alberi che xe nela parte bassa de Villa Giulia, no so se i xe nele foto che go postado qua.

[ffdt]

[...] Xe el nome de qualche muleto che lo ga piantà o xe i alberi che una lege da ani fa obligava i comuni a piantar co naseva un picio?

no so se xe una lege, ma ani indrio 'l comun ne gaveva mandado a caxa un bel toco de carta indove che i dixeva che i gaveva piantado u albero a nome de la mia seconda fia ... semo andadi a zercarlo e go la foto de la fia a rente de 'l albero, ma l'aventura no la xe andada ben e 'l albero 'l xe morto presto

[sono piccolo ma crescero]

Anche là ghe ne xe qualchedun seco. Forse i podeva piantarli senza meterghe el nome soto, perché penso che se l'albero mori i fioi resta mal

[ffdt]

[...]penso che se l'albero mori i fioi resta mal

e gnanca poco ... co' la me ga domandado de andarghe de novo e no lo gavemo trovado piu` la domanda xe stada "ma papa`, perche` proprio 'l mio?"

prima te se strenzi 'l cuor e dopo te vien mile dubi ... robe tipo "forsi iera meio se no ghe dixevo gnanca che 'l iera", o pur "podevo spetar che la diventi granda prima de dirghe" ... pero` c'o xe rivada la carta a caxa pareva tuto bel e anca 'l no dirghe no iera una bona sielta ... che magari ani dopo la me gavesi domandado de perche` che no ghe go mai dito che iera un albero co' 'l suo nome ...

certo che una volta morto cuel i podeva anca impiantarghene un altro ... fusi stado un segno de atenzion che gaevsi avesto un rixultato poxitivo