Ben, zercherò de meter un pochi de dati: la cesa xe stada fatta del architetto Giuseppe Kranner da Praga nei anni 1866-7, in pietra del carso, con zonte de vari marmi, porfidi, i bori a Revoltella no ghe mancava
El stile xe dificile definir, o meo xe el solito eclettismo-storicismo de fin Ottocento, insoma no i gaveva un stile loro e i copiava quel che iera stado fatto secoli prima. solo che nel tempo le tecniche iera cambiade, e nela società industrial molte robe no se fazeva più a man come prima. esempio: gavè mai vardado i capitei de una vera cesa romanica? o quei de san Giusto? i xe fati a man, no xe un preciso de l'altro. Adesso vardè i do fotografai sora: i xe precisi un de l'altro, perchè fati "in serie". El portico xe con a rchi un fiadin gotici, a sesto acuto, ma mi no volessi che l'ispirazion sia un poco dela cesa de Aquisgrana, dove che se incoronava i imperatori.. vardè el abside, del pittor Mattia Trenkwald , boemo: xe piturai su fondo oro, e adesso vardè a san Giusto:
eco, qua xe un vero mosaico antico, e confrontè con quel de san Pasqual, aveder a mi me par.. i scenari dele opere liriche, finto Medioevo...
sui pennacchi dela cupola, una roba più original: de solito nele cese i metti evangelisti, per dir che i xe i 4 pilastri de sostegno, qua xe 4 padri dela chiesa , altre immagini de santi xe de un Domenico Fabris de Osoppo e i affreschi che rappresenta la vita de san Pasquale Baylon Tuti sti pittori no li go mai sentidi nominar in altri casi.
El gruppo dela Pietà xe de un Francesco Bauer de Vienna.
Le tombe xe del baron Pasquale e sua mamma Domenica. Lu no se gaveva mia sposado e adorava la mamma.
Insoma, meza cesa, mezo mausoleo, come se farse sepelir a S Anna no ghe andassi ben... scusè, spero che ve sia ciaro che al de là dei dati go espresso solo le mie opinioni personali, e che se digo che a mi no me piasi no me permetto de dir che sia bel o brutto nè criticar chi che no la pensa come mi...
E me auguro che sarà anche utile!!! E che no sia come rampgarse sui speci 
se no ve dispiasi vado a prepararghene altre altre.
