torta bischinger ( Pischinger)

[ffdt]

un mio colega che ga ascendenze austriache el me contava ogi de sta torta Bischinger ... se ciol cialde per torta, se le meti a strati con in mezo un misiot de fiordilate e ciocolata gratada e dopo se ghe meti per de sora un pexo, tipo una pignata piena de acua, e se lasa la` per 3 giorni

toca de lasarla in fredo, in modo che diventi tuto una roba compata (iera roba de far de inverno): pasadi i 3 giorni se ghe meti per de sora una glasa de ciocolata e la xe pronta

cualched'un de voi la ga mai intexa nminar? ... el colega 'l dixeva che xe sai ani che no 'l la vedi piu`

ciau

Franco

[sono piccolo ma crescero]

Se te cerchi bishinger torte (lo so che go sbaglia de scriver, ma cusì go scrito e se gavesi scrito el tuo nome giusto no gaveria trovà niente) Google te rimanda a Pischinger torte. Ghe xe anche la riceta, ma i siti xe in tedesco (e a mi el tedesco me par ... turco , sopratuto per le ricete de cusina). Una riceta in inglese la xe qua

http://www.hungrybrowser.com/phaedrus/m0808M05.htm#1

ma me par che la sia un poco de quel che te disi (ghe xe le cialde: wafers).

[Nona Picia]

El nome dovessi esser Pischinger torte Se trovo la riceta la posto.

[Lugara]

Interessante! Sta torta proprio no la gavevo mai sentida nominar prima...
Speto la riceta con molta curiosità.

[babatriestina]

Oh santo cielo!! mai magnado una Pischinger? spetè che me meto in pari e ve passo tute le varianti de casa mia... xe la torta preferita de mio cugin!

[babatriestina]

ben, eco qua:
per cominciar, l'insegna del pasticcer viennese, col nome, cussì no gaverè dubbi che el se ciama propio Pischinger:

po ve dirò, a casa mia i la fazeva, ma la nostra vecia coga sparagnava sul grasso e sula ciocolata, per cui ala fin la iera cussì suta che no la me diseva gnente. El motivo che xe dificile vederla in giro xe che no te trova ben le Oblatten che saria le cialda par tedesco ( ma magari vien del latin oblate, offerte, del ostia dela Messa), che una volta se trovava de Meinl in ponterosso e adesso me le fazzo portar dela Serbia.
Ben, questa xe la ricetta de l'amica de mia zia, che co la go magnada go dito Xe tuto altro!
150 gr cioccolata
180 zucchero a velo
sciogliere a bagnomaria, quando sono raffreddati o tiepidi aggiungere
150 gr margarina
1 etto nocciole tostate e macinate
2 tuorli e un po’ del bianco
con le chiare si fa la glassa:
mescolare 60 gr zucchero a velo 90 gr cioccolato fondente
e le chiare, il tutto a bagnomaria
le chiare non tutte 1 e ¾, l’altro quarto si mette nella crema
mi però ve devo dir che no me piasi per gnente cola margarina, e se fazessi metessi buro.
Mio cugin, tirado su con questa torta , el se ga fato una version semplificada, che xe cussì:
200 gr cioccolata amara nestlé
200 gr margarina
250 gr zucchero
2 uova rosso solo

e po lu ga zontado una variante, che no ghe n'entra cola torta original, ma che xe ciolta dela Dobos, e el ghe zonta un strato de caramel de sora, ma ve assicuro che la xe assai bona, e questa xe la torta come che la gavemo magnada per un compleanno de mio nipote. se vedi che gavevo postado su Triestemia

[babatriestina]

Eccola qua, fatta oggi per el mio compleanno e ben divisa ala fin del pranzo fra i ospiti che se ga portado un tochetto a casa..
version semplificada. Le cialde vegniva dela repubblica ceca, stavolta. Ovviamente go fato col burro, e no cola margarina!!

[nonna ivana]

Ecco, ero curiosa di sapere cosa era la pasta che sostiene la farcitura!
Ho visto immagini da siti austriaci, dai quali si possono far spedire questi Oblaten, che anch'io ritengo come delle "nèval'" , quelle dell'offerta, come dici tu!
Ma come è la consistenza? Come la cialda dolce che si fa con il ferro, Waffeln, o come quella insipida perlacea?
Bene, interessante anche questa...approfondirò la conoscenza!!!!

Da leccarsi i baffi, la foto è proprio "attraente"!!!!

[babatriestina]

Ho visto immagini da siti austriaci, dai quali si possono far spedire questi Oblaten, che anch'io ritengo come delle "nèval'" , quelle dell'offerta, come dici tu!
Ma come è la consistenza? Come la cialda dolce che si fa con il ferro, Waffeln, o come quella insipida perlacea?
:

le Waffeln che ho visto io sono molto più spesse, o se vuoi più intagliate. queste sono più o meno come quelle dei wafer commerciali, quelli che chiamavamo "napoletani". Poi la forma e lo spessore può variare a seconda del luogo di produzione: queste erano ceche, e più sottili, le serbe forse sono un po' più spesse. Non è sempre facile trovarle.