cese cattoliche: san Marco

[babatriestina]

Ma no quel de Venezia! sempre per la documentazion dele cese moderne, questa, per mia nche una scoperta, la xe in strada de Fiume, zona che poco frequento se no de passaggio, e che me ga colpido per la sua originalità, la xe su due livelli: in effetti, la xe del 1981-1992 e la xe dela ditta Celli e Tognon, che ga firmado tanta roba a Trieste verso la fin del secolo scorso.
L'edificio dal lato esterno, parte superior, con una spece de campaniletto e dei corridoi a volta coverti de vetro:



un'immagine del interno, solito edificio " a sala" come che adesso i fa molte cese moderne


No go trovado immagini particolari de san Marco, ma una Madonna de legno de stile moderno

[babatriestina]

curiosamente, in una cesa cussì moderna, sotto Nadal ghe go trovado un Presepio del tuto tradizional:

col laghetto de specio

ormai sti presepi sta sparindo dele cese del centro

[sum culex]

La cesa de San Marco xè in via dei Modiano - Strada per Fiume nel rion Campanelle

Un poco de storia (Tratto dal 'Piccolo' del 29 novembre 2007).
In seguito al grande svilupo edilizio nela zona de Santa Maria Madalena Superiore e Montebello Inferiore, nel 1972 la diocesi gaveva intenzion de fondar un nova parochia.
La confraternita dei Padri Sacramentini che gaveva za precedentemente dado la sua disponibilità al vescovo Santin, se dichiara pronta a seguir sta nova parochia. I Padri Sacramentini rivai tempo prima in cità, ospiti de Nôtre dame de Sion, el primo novempbre 1972 se trasferisi provisoriamente in una casa in via Modiano: la Villa Rinascita.
El 3 dicembre 1972 xè stada inaugurada la nova capela dedicada a San Marco. Pareria che sta dedicazion sia derivada dal simbolo dei leoni de San Marco che se trova nela vila de Brigido e in vila Sartorio, che gavessi dovudo esser i confini dela nova cesa.
El 3 novembre 1977 xè stada canonicamente costituida la nova parochia derivada dal smembramento de quele de San Giovani Bosco e dela Santissima Trinità e la comincia la sua attività autonoma el 12 febraio 1978.
Ma in breve tempo le aree ocupade risulta tropo pice e bisogna costruir una nova cesa più grande e più consona ale esigenze dei parochiani. A sto punto la curia compra un teren de 2.000 metri quadrati in via Modiano, però per veder la posa dela prima piera, benedida da parte del vescovo Bellomi, se ga dovù spetar el 25 aprile 1981, festa de San Marco.
El progeto per la costruzion de sto complesso ghe vien afidado ai architeti Carlo e Luciano Celli e Dario Tognon. Se prevedi la costruzion de una nova cesa e de una casa per la comunità. Tute due ste costruzioni se afacia a un vasto spazio scoverto.
L'interno dela cesa con la sua forma avolgente a pianta semicircolare fa in modo che l'atenzion e l'interesse dei fedeli sia portada verso el punto più importante: l'altar.
Tra el presbiterio e el resto dela cesa no ghe xè alcuna balaustra de sudivision, ma solo un picio dislivel del pavimento (alcuni scalini) che dà l'idea de magior union tra i due ambienti.
La cesa xè stada consacrada el 25 aprile 1992 dal vescovo Bellomi, mentre la casa parochiale xè stada inaugurada circa un ano e mezo dopo.

Queste xè le foto ghe go fato

Panoramica del'esterno



La cesa de fora: el lato che dà verso Santa Maria Maddalena



Questo xè el lato dela cesa che dà verso Rozzol

[sum culex]

El campanil xè quadrato e un poco tozzo



El piazzal col campanil tra la cesa e la casa parochiale



Un altro scorcio del campanil con in zima le sue grandi finestre quadrate

[sum culex]

Verso nord una grande crose che de note xè iluminada



La porta de ingresso



Panoramica del'interno

[babatriestina]

Me permetto timidamente de far osservar che gavevo za postado qualche immagine de sta cesa col nome de san Marco in questa stessa sezion un poco più sotto e che podessi esser conveniente unificar, per no far pensar che sia do cese diferenti, anche se el tuo titolo, per no parlar del servizio, xe più completo

[sum culex]

Dal presbiterio verso l'ingresso



L'altar semplice e lineare



De qua se vedi ben la forma semicircolare dela zona dela cesa dedicada ai fedeli

[sum culex]

Un particolar



Verso l'altar magior

[sum culex]

De drio de l'altar xè un Cristo in crose inciodà in tel muro senza crose



L'ultima cena



La 'Madonna dell'Eucarestia' a sinistra del altar magior

[sum culex]

A sinistra, tra l'altar magior e la statua dela Madona xè sta scultura che no so cossa che la pol rapresentar



Una stazion dela Via Crucis



Prima de andar fora ancora un sguardo verso l'alto per osservar per l'ultima volta el sofito a 'spighi'.



Ulteriori comenti, notizie, ecc. xè come al solito compito dela mia amica BabaTS, che sempre me ga iutà in modo egregio e che spero che me iuti anche sta volta.

ciao
zoom culex

[sum culex]

Me permetto timidamente de far osservar che gavevo za postado qualche immagine de sta cesa col nome de San Marco in questa stessa sezion un poco più sotto e che podessi esser conveniente unificar, per no far pensar che sia do cese diferenti, anche se el tuo titolo, per no parlar del servizio, xe più completo

Perchè timidamente, se te ga perfetamente ragion? No me son acorto, perchè no me go ricordà e de conseguenza no son andà in zerca , perdnime!
Logicamente xè senz'altro meio, per no dir quasi necessario, meter tuto insieme.
ciao
sum culex

[babatriestina]

unificade, col tuo titolo più completo. la mia introduzion xe in testa per question de anzianità, come che fa el forum co unissi do topic

[babatriestina]

Due comenti finali: la cesa xe dedicada a san Marco, ma mi de imagini de san Marco in cesa no ghe ne go viste.
per quela strana scultura, me domando anca mi cossa che la pol rappresentar.