Sondaggin: letterine a chi di dovere

[babatriestina]

Cole festività passade ( ben, xe ancora la Befana, ma qua no la xe tanto sentida), i vostri fioi pici ( o anche i adulti, no se pol mai escluder) ga scritto lettere a san Nicolò, Gesùbambin, Angioletto, Babbo Natale o chi de dover per far el elenco dei regali desiderai e magari prometter de meritarseli o la tradizion xe andada persa?

Mi de picia i me fazeva scriver sempre... e nele cartolerie se trovava la carta intestada per le lettere e le risposte.

[Nona Picia]

A casa mia scrivevimo sia per S. Nicolò, che però portava solo roba de magnar, sia a Gesù Bambin, perchè Nadal xe la festa per la nascita de Gesù e no de babbo Natale. De quando Babbo Natale se ga aproprià del Nadal, la ricorenza ga perso per mi gran parte dela sua poesia.

[babatriestina]

A casa mia scrivevimo sia per S. Nicolò, che però portava solo roba de magnar, sia a Gesù Bambin, .

e le tue nipotine? ga mai scritto?

[Nona Picia]

Sì le ga scrito, ma no so se solo a S.Nicolò o anche a Babbo Natale. Stefania ormai la xe za al corrente de due anni, per cui la esprimi a voce.... Le altre due, la picia ghe credi ancora e la grande no se esprimi , forsi per no deluder la sorela, perchè sta volta go avù l'impression che qualcossa la sospetti.

[AdlerTS]

Alla mia, da quando la ga un'età per intender, ghe go sempre insegnado che Babbo Natale xe una goffa parodia dell'unico e vero San Nicolò, e quindi la ghe scrivi solo a quest'ultimo.
Credo anche che sia una della poche che se ricorda che el 06.01 se dovessi festegiar i Re Magi e non una vecia con la scova