Un poco de storia del Ospedal e dela cesa, tratta da 'Il Piccolo'
Le prime testimonianze de un ospedal a Trieste risali al'età medievale e da queste rusulta che in cità iera ative adiritura due struture con 10 o 12 posti leto, finanziade dala publicà carità e gestide da alcuni ordini religiosi.
Tute due iera ubicade fora de Porta Cavana; la più antica xè probabilmente l'ospedal ciamado de San Giusto (con anessa la cesa de San Bernardino), situado a breve distanza dal mar, dove vol la tradizion che sia stade messe le spoglie mortai del martire triestin, e el iera riservado ai omini. Gestido fin dal XIV secolo dai padri crociferi de Venezia, el 13 febraio 1625 el Comun ghe afida la strutura ai padri dela Misericordia de San Giovanni di Dio, conossudi come Fatebenfratelli. Nel 1785 , dopo la sopression dei ordini minori, l'ospizio xè stà eliminà.
L'altro ospedal, ciamado dell'Annunziata, sorgeva bastanza vizin del primo, nel posto che sucessivamente sarà ocupà dala sede dela curia. Anche sta strutura nel 1627 xè passada ai Fatebenefratelli.
Dopo l'istituzion del Porto Franco e el consistente aumento dela popolazion, le due struture ga dimostrà de esser inadeguade e per esser al'altezza, al tempo de Maria Teresa xè stado realizà un edificio in zona Romagna, vizin de dove che se stava svilupando la cità.
Sto ospedal, progetado dal architeto Antonio Montanelli, xè stà realizado con soldi publici, ma el continua a esser un "conservatorio di poveri e di malati", secondo una vecia impostazion che meti insieme tute le forme de assistenza.
Nel 1785 Giuseppe II fa trasformar in caserma l'edificio teresian, mentre l'antico episcopio de via del Castello e le case adiacenti vien adibidi a complesso ospedaliero, senza però ofrir una soluzion definitiva.
Ne 1819 el governo de Viena afronta el problema de l'assistenza sanitaria sula base de novi criteri medico-teorici per una cità che ga ormai 33.000 abitanti, e vol istituir un ospedal riservà esclusivamente al servizio medico, e no più a una assistenza a malai e poveri, ispirandose al model del Allgemeines Krankenhaus de Viena.
Ale sporadiche e discontinue iniziative de privati e de ordini religiosi se sostituisi una azion programada dal stato: infati la scelta del fondo nel Borgo Franceschin e i criteri per la costruzion i vien da una strutura publica, la Direzione delle Fabbriche e el progeto de base , disegnado dal ingegner Antonio Juris, vien aprovado con qualche modifica fata dal Nobile. I lavori xè cominciai nel 1834 e finidi nel 1841. La capienza del novo ospedal, costruido a nord-est dela cità xè de 1082 posti leto in 70 sale e el Kandler nel 1858 indica nei sui scriti che el novo nosocomio pol ospitar fin a duemila degenti.
L'edificio, a pianta quadrangolare, ga al'interno un cortil de dodicimila metri quadrati con giardin. Incorporada nel ala posterior sorgi la capela otagonal che sporgi per cinque lati dal perimetro interno, e xè sostignuda da un portico caraterizado da solidi pilastri a bugnato lisso e da arcade che continua quele del corpo centrale.
Su ogni lato esterno un grande finestron con arco a tuto sesto dà luce al'interno e l'edificio se concludi con un cornison su cui se inesta la cupola.
Sora la porta de ingresso xè afrescada la Fede e sui due lati xè rafigurade la Speranza e la Carità.
La capela, consacrada el 19 luglio 1841 da un canonico dela catedral ala presenza del podestà Muzio de Tommasini, xè dedicada a San Giuseppe, patrono dei moribondi.
Nel 1855 la gestion dela cesa passa dale man del clero secolare a quele dei frati Cappuccini sia per la cura dele anime, sia per la compilazion dei registri, che qua xè conservai fin dal 1773.
Nel 1870 subentra de novo el clero diocesan e nel 1892 la capela vien elevada a parochia col patronato del comun, e a questo ghe speta la nomina del paroco, coadiuvà da due capelani nominai dal vescovo.
I aredamenti liturgici che decora l'edificio de culto xè ridoti al essenzial e dato che i xè stai in gran parte ricuperai da altre cese, no xè facile colocarli nel poco spazio disponibile.
Notevole el monumental tabernacolo de legno intaià de gusto baroco e el grande crocefisso de legno del setecento, che provien dala demolizion dela capela de San Servolo che se trovava dove che adesso xè l'atual Museo Civico de Via della Cattedrale.
De no dimenticarse dela antica statua de San Giuseppe.
Cese cattoliche - San Giuseppe - Ospedale Maggiore
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
-
AdlerTS
- cavalier del forum
- Messaggi: 9561
- Iscritto il: mar 27 dic 2005, 21:35
- Località: mail: adlerts[at]email.it
I ga fato un bel restauro, diria. L'ultima volta che son passado de la non jera cussì bel.
El porticato esterno con la cupola poi xe un canton molto particolare, con un'acustica particolare. Grazie per le foto.
El porticato esterno con la cupola poi xe un canton molto particolare, con un'acustica particolare. Grazie per le foto.
Messo a postoERRORE: go messo due volte la stessa foto; la giusta iera questa
Mal no far, paura no gaver.
-
babatriestina
- senator
- Messaggi: 41455
- Iscritto il: dom 25 dic 2005, 19:29
- Località: Trieste, Borgo Teresiano
-
babatriestina
- senator
- Messaggi: 41455
- Iscritto il: dom 25 dic 2005, 19:29
- Località: Trieste, Borgo Teresiano
Re: Cese cattoliche - San Giuseppe - Ospedale Maggiore
rimesse le foto di Sum andate perse, forse non saranno nel'esatto ordine originale ma meritano lo stesso..
"mi credo che i scrivi sta roba per insempiar la gente" ( La Cittadella)
