Vocabolarietto Triestin-Italian

[Nona Picia]

Bongiorno! Gnanche mi le go mai sentide...

[sono piccolo ma crescero]

Come go za dito, gnanche mi, però el Doria le riporta e quindi le rientra nele ragole per meterle nel vocabolario.

Chi che me le ga dade, no'l xe iscrito al forum ma el ne segui, giura che a casa sua le iera comuni.

Gropola doveria eser anche la morchia che se forma in fondo ala bote de vin (italian de Dante feccia).
Insenetir poderia derivar da senex, vecchio.

[babatriestina]

Tateria/ taterie per oggettini, oggetti di poco valore, insomma più o meno strafanici, era usato solo acasa mia?

[Nona Picia]

A casa mia no.....

[Piereto]

A casa mia strafanici = taterie

[Nini Naridola]

Me par che lo usava la sorela de mia nona; ai compleani de noi nipoti la ne regalava de solito un libro (de la collana "Scala d'oro" e un'altra edizion de formato cartonato più piccolo, -me ricordo el titolo de un: Il signor Tito, ecc.). Mi storzevo el muso perché gavessi preferì un zogatolo e ela rispondeva:- No te ga più l'età de ste taterie (o la diseva: tataria?) intendendo zogatoli (roba de tati). Po no lo go mai più sentido de altri.

[sono piccolo ma crescero]

Messo. Al solito ve prego de controlar se lo go definido giusto.

https://www.atrieste.eu/Wiki/doku.php?id=dialetto:t

[sono piccolo ma crescero]

Sia mi che mia moglie dopremo la parola "STRAMACAR" per dir "buttare in malo modo".

Esempio: "el ga stramacà el libro per tera e el lo ga disfà". "con un sburton el lo ga stramacà per tera", ...

Però non la trovo su nessun vocabolario dei mii, e alora domando permeso: xe qualchedun altro che ga sentì doprar o doprà sta parola?

[Nini Naridola]

Buongiorno! Vedo che te meti in pratica, prima del canto del galo, el verbo "stramacar": lo go trova sul Doria-zeper; "1) vt. rovesciare, ribaltare, gettar giù; 2) v.rifl. strumacarse, cadere rovinosamente, tombolare.
A casa mia no lo usavimo; iera più comune el verbo "tramacar" de tutt'altro significato.

[Nini Naridola]

Pensandoghe ben: forsi xe più giusto dir (nel tuo esempio) "smacar el libro" (gettare con violenza, scaraventar con disprezzo)

[sono piccolo ma crescero]

Grazie. Me par, però, che con rovesciare, ribaltare, gettar giù me ritrovo ben.

[sono piccolo ma crescero]

Buongiorno! Vedo che te meti in pratica, prima del canto del galo,

Anche ti te se difendi, però... comunque sì, me son sempre sveià presto la matina.

[Ciancele]

Vado a stramacarme. vado a letto a riposare.
Ciancele inquit.

[Nini Naridola]

Me par che in dialeto xe più usà el verbo riflessivo: me son stramacà sul divano, me vado una mezz'oreta a stramacarme in branda. Che no ga la stessa etimologia de "stravacarse" (o come go sentì da qualche raffinato: "stramucarse")

[Ciancele]

Me par che in dialeto xe più usà el verbo riflessivo: me son stramacà sul divano, me vado una mezz'oreta a stramacarme in branda. Che no ga la stessa etimologia de "stravacarse" (o come go sentì da qualche raffinato: "stramucarse")

No iero per caso mi qel rafinato? Stravacarse xe anca stramacarse, ma più negron e anca in senso di stirarsi.
Saluti dala foresta nera. No son 'ncora là, ma spero de eser verso mezogiorno. Ve pensarò. Buona giornata del padre.

[Piereto]

osservazion del tuto stupida : tra tramacar e stramacar xe solo una s de diferenza ,ma i significati xe diversi. Forsi all'origine (no go leto nisun vocabolario) xe la parola travaco spagnol.(travaglio, lavor, tribolazion).

[Ciancele]

osservazion del tuto stupida : tra tramacar e stramacar xe solo una s de diferenza ,ma i significati xe diversi. Forsi all'origine (no go leto nisun vocabolario) xe la parola travaco spagnol.(travaglio, lavor, tribolazion).

Tramacar xe un termine tecnico, par quanto che ne sapi. Domandemoghe a Sum Culex se xe vero.Tramacar voleva dir par mi scarigar de una parte e carigar su de un'altra. Par talian forsi trasbordare. Ma trasbordar iera de vapori e tramacar de cari. Par gnoco xe umladen.
Forsi quel che te intendi ti iera trabacar, de trabajo, trabajar.

[sum culex]

Tramacar, per mi, vol dir più semplicemente spostar da una parte a un'altra. Go tramacà un pochi de libri de una scansia a un'altra.

[babatriestina]

a casa mi nissun doprava...

[sono piccolo ma crescero]

Ieri go senti la frase "Cos te ga 'l cinciùt?"

Cinciut: El Doria disi "Folletto, incubo notturno, senso di oppressione." e dopo "Gaver el cinciut" detto di persona agitata, scorbutica, di cattivo umore. Nell'appendice el zonta "uomo di piccola statura"

Mi go sentì per la prima volta sto modo de dir che gaverò vu 20 anni; a casa mia non lo go mai sentido, quindi no so ben cosa scriver, anche se dopo de quela volta lo go sentido doprar tante volte nela frase "gaver el cinciut" col significato, me son fato l'idea, de "essere di cattivo umore, intrattabile".

Alora, per far le robe ben, ve domando...

1. Lo gavè mai doprà o sentido doprar in frasi diverse da "gaver el cinciut", "sveiarse col cinciut" e se sì, con che significato?
2. Cosa vol dir per voi "Gaver el cinciut"?

Insomma, iuteme a scriver la vose del vocabolario completando i puntini qua soto. La podemo scriver in due modi:
El primo se cinciut ga un significato a sè per voi

Cinciùt s.m. ...... Gaver el conciùt .....

El secondo, se cinciùt lo doprè solo nele frasi che ve go dito

Cinciùt (gaver el) loc. ..... Usato anche in altre frasi del tipo "Andar a dormir col cinciut; sveiarse col cinciut; ghe xe vegnù el cinciut", ....

Per pensarghe sora, ve segnalo sto articolo del 2006 http://ricerca.gelocal.it/ilpiccolo/arc ... _CARP.html che pareria senza autor...