Binari sule Rive

[massimoforte64]

Questo motrice gialla potrebbe essere il famoso mio treno giallo che portava i pezzi dal cantiere alla fabbrica macchine.Un pezzo della salita era a cremagliera per la troppa pendenza, potrebbe essere lui.

[AdlerTS]

L'amico Mario me scrivi che per le "saibe" ciamade anche -piatte- per girar i vagoni, el ga trovado 2 foto, le xè in legno, come che i le gaveva fate in origine dopo i le gaveva fate de lamiera.
Le iera fate de misura pei vagoni "de una volta" (sia pel peso che per la lunghezza). Veniva sganzai i maniglioni de fermo e inganzai con una cadena e i le girava con i tratori che smistava i vagoni in porto (Prima dei tratori iera i cavai), i omini che fazeva sto servizio de manovra de vagoni iera ciamai paizer
(el me domanda : prova a domandarghe a Sum, se el se ricorda la storia dei paizer).

Le foto ve le meto doman

[sum culex]

Me ricordo ben le saibe de legno e dopo quele de fero. Me ricordo i paizer e no xè sai ani fa che co un longo baston de legno che i meteva soto le rode dei vagoni i li frenarva e dopo con quel i li tigniva fermi. El baston iera fato de un ramo de albero con tuta lo cortecia (no so de che essenza) cola zima tuta zufolada a son de esser mastruzada soto le riode e per far più forza anche soto el 'bordin'. El bordin xè quela spece de dente che servi per tignir la rioda dentro le sine. Ogi de paizer no ghe ne xè più: se fa tuto coi tratori che ga un scudo de fero per pozarse sui respingenti del vagon per fermarlo dopo che i lo ga zucà cole cadene o anche per sburtarlo.
Storie sui paizer però no ghe ne conosso.
Ciao
sun culex

[tranvai]

Rispondo in merito al locomotor gialo in Porto. No, no xe quel dela fabrica machine. Xe un dei due costruidi dala Antonio Badoni de Lecco nel 1959 per el porto de Trieste. Risulta che i iera stadi uficialmente fornidi al Commissariato Generale del Governo de Trieste. I iera del tipo VII BXDL. Più tardi xe rivadi altri locomotori diesel in porto, de costruzion Ranzi, Greco e, infine, Henschel.
Quel dela fabrica machine, che el iera a cremagliera per i due trati che esisteva sul racordo tra el cantier e fabrica machine, el xe adeso al museo feroviario de Campo Marzio e el funziona ancora. Dopo che i gà serà la fabrica machine el xe andà ala GMT e da questa in museo. El xe del tipo VII C a cremagliera, sempre costruido dala Badoni, però più tardi, nel 1965. Ala GMT iera stado fornido un altro diesel dala Badoni, sempre del tipo VII C, nel 1970, forsi l'esisti ancora.
Saluti
tranvai

[AdlerTS]

Innanzi tutto, benvenuto Tranvai, xe un piazer aver un esperto in materia nel forum.
Meto adesso le foto che me ga mandado Mario

[AdlerTS]

E questa xe l'altra

[serlilian]

lol

No credo che se podessi viagiarghe su. Credo che fossi solo un treno merci che andava del Porto Novo al Porto Vecio.

E all'altezza dela Stazion Maritima iera... no so come definirla, disemo una piattaforma girevole, rotonda, dele dimensioni de un vagon feroviario, con le sine in crose. Serviva per far girar i vagoni de 90°, per portarli soto bordo dele navi che atracava alal Stazion marittima. El vagon vigniva posizionado sula piataforma, el vigniva stacà del treno, e la piataforma girava, no so come.

Mi, de picia, guardavo scandalizada e spaventata qualche giovinoto che, per no spetar tanto tempo che el treno passassi, el montava su un vagon e el smontava de l'altra parte. Me pareva una violazion dela lege. Iero austro-ungarica za quela volta.

E quante volte che el se doveva fermar perchè qualche auto gaveva parchegià sule sine!

[serlilian]

oops
Go saltà una pagina. lol

[sum culex]

E all'altezza dela Stazion Maritima iera... no so come definirla, disemo una piattaforma girevole, rotonda, dele dimensioni de un vagon feroviario, con le sine in crose. Serviva per far girar i vagoni de 90°, per portarli soto bordo dele navi che atracava ala Stazion marittima. El vagon vigniva posizionado sula piataforma, el vigniva stacà del treno, e la piataforma girava, no so come.

SAIBA che girava zucada con un trator che vigniva ligà con un cavo ai respingenti o a dei ganzi del vagon. Dopo che la manovra de rotazion iera finida e i binari iera in linia la saiba vigniva blocada con dei fermi apositi al esterno dela s0tessa de modo che no la podessi più moverse co i tratotori trainava el vagon sul binario cui el iera destinà.
De ste 'saibe' ghe ne iera diverse oltre che in marina anche in porto.
ciao
sum culex

[sum culex]

Mi, de picia, guardavo scandalizada e spaventata qualche giovinoto che, per no spetar tanto tempo che el treno passassi, el montava su un vagon e el smontava de l'altra parte. Me pareva una violazion dela lege.

E no solo: più de qualchedun fazeva anche el "trenostpp" per sparagnar una toco de caminada el se fazeva menar montado su un predelin.
Mi de giovine no go avù mai coragio de far una roba del genere: son stà sempre e son ancora pauroso!
ciao
sum culex

[AdlerTS]

Metto qua un altro collegamento dal sito segnalado dal nostro Sbriso.
Per contro, te poderia segnalarghe la nostra foto della "saiba".