Pasticcerie

[Zigolo]

Ma me sa che questa xe una "versione speciale anniversario". De solito le xe più grandi e col strato de pana più consistente, anche se xe sempre più crema che pana.

[Ciancele]

A proposito de paste, i me ga dito che in sti giorni i sta celebrando el 60° aniversario dela kremšnita, quela pasta quadrata, anzi cubica, con pasta sfoia de sora, pasta sfoia de soto, e in mezo un strato grando de crema pasticera e un più picio de pana.

Pararìa che ghe xe grandi festegiamenti nel suo logo de origine, Bled.

Intanto stamatina le iera in oferta al Tuš de Sežana: ciol dò e paga una!

Co' iero a Bled l'ultima volta le go ciolte anca mi: tre, e pagade tre. Iera una pasticeria co' la fila fina fora par ciorle. Grandi, quasi un magnar (pasto)! Ma bonnneee!!

[babatriestina]

chissà che senza andar fin Bled no le trovo de Prunk in Barriera

[Nona Picia]

Mi gavevo trovà una roba simile tempo fa al mercato coperto de Masè, quando iera ancora Masè....

[Ciancele]

A proposito de paste, .... Intanto stamatina le iera in oferta al Tuš de Sežana: ciol dò e paga una!

Dime inte la recia, quante te ga pagà?
Mi gavesi panza piena e tanti soldi risparmiai.

[Zigolo]

Dime inte la recia, quante te ga pagà?

I oci, el cuor e la panza me diseva de ciorle tute quei pochi dei neuroni restadi me ga dito de cior due, che zà sarìa massa

[danilo43]

Me iero dismentiga de contarve sta storia de Poth.
Un giorno el me telefona se poso farghe un tondo de legno conpensado per far de base a una torta.
Vado de lui e el me da una sagoma in carton de una roda coi denti che iera el stema del Rotary.
La iera granda squasi un metro.
Co ghe la go portada el me ga promeso de ciamarme per mostrarmela come la iera vignuda.
Mi me son dismentiga de andar, ma el me ga dito che el me mostrerà la foto.
El màrtedi dopo me fa véder una foto con sta granda torta in tera con i rotariani che la magnava ingrumandola col cuciar.
El fotografo la gaveva alzada de una parte per fotografarla meio e la ghe iera sbrisada in tera

Grande!!

[danilo43]

Le paste creme carsoline, nei ani '60 andavimo a magnarle a Basoviza, sai bone, ma me par senza la pana.

[Zigolo]

Le paste creme carsoline, nei ani '60 andavimo a magnarle a Basoviza, sai bone, ma me par senza la pana.

Infati le vere carsoline no ga strati de pana.

Te dirò de più: se te vedi una pasta crema (solo crema e sfoia) la pol esser de tre tipi diversi. I me ga spiegà in una pasticeria de Aurisina e la diferenza xe nela crema, che pol esser crema pasticera, crema con pana (missiada e quindi uniforme, no a strati) opur crema con tanto buro drento.

Giuro che no me ricordo quala che xe la vera carsolina e gnanca come che i ghe ciama quele altre do.

[molighe el fil]

Le paste creme carsoline, nei ani '60 andavimo a magnarle a Basoviza, sai bone, ma me par senza la pana.

Infati le vere carsoline no ga strati de pana.

Te dirò de più: se te vedi una pasta crema (solo crema e sfoia) la pol esser de tre tipi diversi. I me ga spiegà in una pasticeria de Aurisina e la diferenza xe nela crema, che pol esser crema pasticera, crema con pana (missiada e quindi uniforme, no a strati) opur crema con tanto buro drento.

Giuro che no me ricordo quala che xe la vera carsolina e gnanca come che i ghe ciama quele altre do.

Le creme che me piasi de più xe quele che fa mia molie con un stampo de trenta centimetri fodrà de pasta frola (buro, farina, zuchero, ovi e sal) pien de crema pasticera coverta con un cercio ancora de pasta frola.
Me basta questa feta per zena

a crema 002.jpg (46.69 KiB) Visto 2977 volte

[babatriestina]

passando davanti de Penso, per mi la pasticceria storica che meio se ga conservado

[babatriestina]

dentro

vedì anche un ritratto d e Franz Josef anche se la xe del 1918, che el iera morto de do anni e forsi anche la ga averto dopo la fin dela guerra.