nadal

[AdlerTS]

Visto che Rofizal ga messo anche le canzoni de Nadal, deghe un ociada anche a questo:
http://www.silentnightmuseum.org/joseph-mohr/index.htm

[AdlerTS]

L'originale lo metto nella sezion inglese, questa xe una traduzion "a spanne"

Ricetta degli auguri di Natale

Prendi una grande quantità di decorazioni e spargile bene per tutta la casa.
Aggiungi due dozzine di stelle ed un grazioso albero di Natale.
Prendi uno spruzzo generoso di vischio, un mucchio di agrifoglio
ed un misurino della neve che formava piccole colline lungo il davanzale.
Mettici un canto di Natale e lascia stagionare bene con buona volontà ed un sorriso amichevole.
Accendi le candele: “una per adorare, la seconda per celebrare.„
Lascia che la prima brilli luminosa e possano esserti vicino quelli che ami.
Il risultato: un felice Natale.

Clementine Paddleford

[sum culex]

Ogi son in vena de mostrar robe mie.
Giustamente in 'Trieste de ogi' gavemo messo le luminarie che xè in cità; queste xè quele che go messo mi a casa mia e me par più oportuno de meterle in salotin. Per far tuto ghe go messo do giorni e mezzo de lavor, con calma e senza sfiancarme: per quel ghe go messo tanto tempo. Co iero più giovine iera tuto fato in poco più de un giorno.
Xè roba picia e modesta, ma me par che la fazi lostesso la sua figura.

L'albero e el presepio

[sum culex]

[sum culex]

Le statuine xè delegno fate a Ortisei in Val Gardena.


E adesso le altre decorazioni.

Una "bilancia"



Le lampade a oio

[sum culex]

Una candela



La porta dela veranda

[sum culex]

Un presepieto de teracota



Una finestra



L'arco nell'entrata

[sum culex]

Un particolare



Altre due finestre






Ciao
zoom culex

[rofizal]

Bel ! Quasi quasi te fazo decorar anche casa mia.

[giuli]

Grande Sum!

[sum culex]

Sum Culex: cossa te speti de contar del tuo, anzi dei tui, meravigliosi presepi???? Diseghe tuti , no gavè idea che capolavori. e no rugnar che no te ga tempo
nanaia

Un ano dopo zerco de contentarte.
Su una tola de do metri per uno e mezo con un schenal alto un metro circa preparavo con strichete de legno un teler come base per le montagne dove che vigniva zo i sentierini a tornanti e scalete. Sora sta spece de suporto do/tre strati de carta giornal bagnada e un poco mastruzada. Sora un strato de carta de paia, quela giala, che se trovava dele venderigole de piaza Ponterosso (ogi no esisti più) anche quela bagnada, mastruzada e incolada con un poco de cola de farina bastanza liquida. Co iera suto se piturava tuto cole terete de diversi colori e se zontava in qua e in là pici tochetini de mus'cio. I sentierini iera coverti, previo un strato de cola, con granei de sughero ricavai gratando tapi. I parapeti dei sentierini iera fati de stechi de legneti taiai dai cespugli del giardin. Le staue più lontane iera de una misura più picia de quele in primo pian e tute gaveva in man un piselin per simbolegiar un feral (tuti i fili passava de soto e i vigniva fora per un buseto vizin de ogni statueta). Quela volta no esisteva serie pronte, bisognava tacar sul fil piselin per per piselin e isolar almeno un poco. Anche el piano davanti ala capana continuava cola stesso stile, solo che i sentierini, uguali de quei altri se snodava tra el mus'cio, rigorosamente fresco. Iera anche la sorgentina cola cascatela e el laghto: tuto finto (no esisteva pompete nè come sigilar i pasagi de acqua). Sora el ciel de carta blu (quela che se incartava quela volta i libri de scola) con tanti piselini bianchi che fazeva de stele, sempre col fil che passava de drio.
Sto lavor lo go fato casa mia, casa de nanaia e casa de nona picia per diversi ani, logicamente solo un al'ano, parlo come qualcossa de una quarantina de ani fà più o meno, adesso no lo fazo più anche se nona picia volessi. Pecà, ma sti lavori no xè sta mai fotografai e pertanto ghe lasso tuto ala vostra fantasia e imaginazion.
Bon Nadal!!!!
Ciao
sum culex

[rofizal]

Che bel!!

[babatriestina]

zonto qua, per riferir che Angiolina, de fora del forum, la manda tanti auguri di buon Natale e felice anno nuovo a tutti i forumisti!

zontando che

io porto il cappellino perché qui fa freddo:-D

cola bora che iera fin ieri, anche noi metevimo capel, bareta, e cossasomi pur che restassi in testa!
Augurissimi anche a tutti quei che ne leggi de fora

[sum culex]

Tra albero, presepio, finestra dela veranda e coridoio meto 6 tubi e no so quante serie de piselini de 12 e 24 volt, per un totale de quasi 2.000 lucine.
El numero xè a ocio perchè de un ano a l'altro no me ricordo mai el conto che gavevo fato l'anno prima. Alcuni ani fa metevo anche un altro milgiaio de lucete in tubo per esterni sula ramada in giardin verso la strada; adesso no meto più, perchè co xè de meter e/o de smontar o xè piova, o xè bora, o xè fredo e mi son diventà tropo vecio e no go più tanta voia de bazilar e de iazarme.

Ve meto un per de foto de casa mia del 2006 e del 2007. Alcune gavevo a suo tempo za messe ma Imge(maledeto)shack le ga magnade quasi tute, cussì ingrumo l'ocasion per meterle de novo. Clicaando sula foto se la vedi un poco più in grande; le meto cussì perchè Imagestime no funzia.

ciao
sum culex

[sum culex]

II

[sum culex]

III

[sum culex]

IV
ciao
sum culex

[sum culex]

Purtropo me par che sia fora tema.
Co go leto i messagi de Sono Piccolo e de nona picia go pensà de scriver qualcossa anche mi e meter un per de foto e son andà in oca: go fato rispondi inveze saria sta forsi meio che gavessi verto un novo messagio de un'altra parte: ma dove?
ciao
sum culex

P.S.: Se i MOD pensa oportuno de spostar ........

[AdlerTS]

Te ritaco qua, dove doveva esser le foto originali

[sum culex]

Go fato anche sto ano una serie de foto del mio presepio che voio mostrarve.
Meto anche alcune foto dei ani passai per farve veder le diferenze de ambientazion. Certe foto sarà anche dopie con quele dei post precedenti ma go voludo meter tuto insieme senza far richiami, perchè go visto anche che certe xè stade come al solito magnade.

El presepio tuto cola 'neve' fato nel 2004



questa xè del 2006



la capanna del stesso anno