Cesa de S Francesco in via Giulia

[macondo]

E che ciesa xe questa? Voio dir, dove la xe o jera?

[palpio]

La xe in via Giulia.

[babatriestina]

Cesa de San Francesco, architetto Arnaldo Foschini, 1939 -1951, con la collaborazion de Umberto Nordio.

[sum culex]

San Francesco d'Assisi xè la cesa dei frati francescani in piera arenaria che xè in via Giulia.
La xè tuta in piera a giorno sia de dentro che de fora.
De dentro cole piere cussì in vista la me par un poco tetra e triste e la trovo anche un fià troppo nuda.
Bel, almeno a mi el me piasi, xe el portico (podemo ciamarlo pronao?) che xè sula fazada.

Sta volta i comenti strico/artistici, ma varda che strano, ghe li lasso ala SIGNORA (baba(TS)) che sa certamente più de mi.


Eco le foto:

























El fonte batesimal



Le foto del'interno xè miserete, ma sta cesa no ofriva de più. D'altro canto i frati francescani, seguindo la regola de San Francesco, fondator del'ordine, i ga fato voto de povertà!
ciao
sum culex

[babatriestina]

La cesa xe del tempo de guerra, 1939 1951 e forsi ga anca risentido de questo. presempio, no xe dito che nel progetto la doveva restar cussì cole piere a vista almeno al interno, po i ga lassado, xe arenaria local.
El progettista xe un architetto roman Arnaldo Foschini, ma po ga colaborado el solito Umberto Nordio, che per una volta no ga fato le sue robe moderne.
Per el portico, mi diria che portico sia el termine più adatto, pronao pol anca andar, e forsi anca endonartece, se te vol dir per difizile...
Nordio doveva esser soddisfatto del lavor, perchè el la ga definida " una chiesa veramente grandiosa, che farà epoca in questa città poverissima di monumenti religiosi" ( cito dal libro Trieste 1918 1954) . Contento lu..
una roba no vedo ben nele foto , e no me ricordo in cesa, come xe el pavimento? che dovessi esser a scaglie de marmi colorati, esclusi i verdi (chissà perchè, po?)

[Tirabaralla]

A Firenze...io abito in Via Locchi. Fra le tante coincidenze (Franco mi capirà ) della mia storia con Trieste...la mia casa triestina si affacciava su Via Locchi (e dall'altra parte su Campi Elisi). Mentre la chiesa della Via Giulia è quella che ho visto più spesso (per altri motivi)...
Grazie di questi posts "su misura", Sum. :-*

[molighe el fil]

La cesa xe del tempo de guerra, 1939 1951 e forsi ga anca risentido de questo. presempio, no xe dito che nel progetto la doveva restar cussì cole piere a vista almeno al interno, po i ga lassado, xe arenaria local.
El progettista xe un architetto roman Arnaldo Foschini, ma po ga colaborado el solito Umberto Nordio, che per una volta no ga fato le sue robe moderne.
Per el portico, mi diria che portico sia el termine più adatto, pronao pol anca andar, e forsi anca endonartece, se te vol dir per difizile...
Nordio doveva esser soddisfatto del lavor, perchè el la ga definida " una chiesa veramente grandiosa, che farà epoca in questa città poverissima di monumenti religiosi" ( cito dal libro Trieste 1918 1954) . Contento lu..
una roba no vedo ben nele foto , e no me ricordo in cesa, come xe el pavimento? che dovessi esser a scaglie de marmi colorati, esclusi i verdi (chissà perchè, po?)

L'archetetto Foschini, che gaveva fato el progeto, iera amico del fradel più picio de mio papa,
Mio zio che gaveva sposà una de Roma, diverse volte el iera vegnù a Trieste con el suo amico, a casa de mio papà in scala Bonghi.
No xe vero che la xe stada lassada con le piere a vista per no spender, anzi in prinzipio l'interno iera tuto finido con intonaco e dopo diversi ani i ga fato el rivestimento de arenaria.
Se pol veder che le capele sui fianchi le xe ancora smaltade e dai voltatesta dele piere se vedi che l'arenaria xe stada mesa dopo.
El pavimento fin do ani fa iera a scaie de marmo de diversi colori, ma co i frati ga ristruturà la cesa i ga meso un bel pavimento de marmo rosa fazendo novi anche i scalini e el pavimento de l'abside.
Aprofitando del remitur che iera nela cesa, se stade verte anche due finestre in ogni capela,
Le finestre ga un vetro comune stampà, meno quela col batistero che ga due vetrade lavorade.
I lavori xe duradi squasi un ano e xe sta fato novo anche l'altar magior e l'aredo de l'abside.
I confesionai xe stadi fati qualche ano prima e l'unica roba che stona xe i banchi che ga el fusto de tubi de fero e le parti in legno fodrade in formica finto legno mogano.