Nostra Signora della Provvidenza in via Besenghi

[sum culex]

La cesa de Nôtre Dame de Sion la ga un certo fascino de dentro anche se de fora no xè gnente de atraente.

Come disi el proverbio: una cesa al giorno cava el fotografo de torno, o me sbaglio?

Ecove le foto de quel poco che xè de fora:














Andemoghe dentro:

[babatriestina]

Ahi ahi ahi Sum.. che te me ga sbagliado monighe!!!
questa no xe la cesa de notre Dame de Sion ma la cesa del (ex) convento dele Ausiliatrici del Purgatorio, vulgo le monighe francesi de via Besenghi!!
Anche questa xe una cesa dei anni intorno al 1910, che le monighe francesi se ga stabilido qua, e le xe restade fin al 1966, co le ga serado el convento e le xe tornade in Francia. Co i ga serado el convento i ga butado zo tuti i edifici conventuali, lassando solo la cesa che nei ultimi anni iera deventada parrocchia. Nel giardin i ga butado zo bona parte del parco per far condomini moderni.
Mi sta cesa e el convento me li ricordo ben perchè go fato la prima comunion, ecove noi con le suore che vegnimo zo, tute in bianco e con un giglio ( finto) in man, ma la prima comunion no gavemo podudo farla in sta cesa, che no iera ancora parrocchia, ma i ne ga spostado a san Giusto


e ecove inveze una foto del interno dela cesa nel 1937, alle nozze de amici dei mii genitori, come vedè, la iera un poco più sovraccariga de adesso

[sum culex]

Questa xè una dele due sclette a chiocciola per andar in cantoria: se guardè ben, tra le colonine che tien su el passaman i ga messo una chiusura de tavolete (par perline), savè perchè?
Perchè che la gente no ghe guardi su per le cotole a le monighe co le fazeva le scalete per andar a cantar.
Sarà po vero?




Verso l'uscita





Tuto qua e me par anche tropo!
ciao
sum culex

[babatriestina]

la cesa xe una delle prime in cemento armato stile gotico vagamente inglese ( tipo Oxford), gavevo messo anca mi i finestroni nella sezion vetrate.
la xe bela, omogenea, ma tutta de produzion industrial: i fregi tuti precisi, le statue fatte in fabbrica, solo l'altar maggior in legno vien dela Val Gardena. Ma i lo ga cambiado, in origine iera in mezzo la madonna de legno che adesso xe a sinistra, e i ga messo in mezzo un Crocifisso dono della duchessa d'Aosta che de bona francese frequentava le monighe francesi. Anche perchè le fazeva ritiri spirituali con predicatori francesi. E le organizzava feste de beneficenza, che mi là go calcado la prima volta el palcoscenico a 4 o 5 anni cantando una canzoncina dedicada alla neve.
Come che la xe deventada adesso, mi sta cesa la trovo molto nuda, manca i fiori che metteva le suore, e mi me manca la moniga guardiana subito a sinistra dela porta.

[babatriestina]

Le sculture moderne xe del scultor Mario Rudelli.
Manca ancora la foto dela Madonna ex del altar maggior, la zonto mi

[sum culex]

Mi son ssai bravo de sbagliarme: iero de sempre convinto che sta cesa se ciamassi in sto modo; inveze dovessi esser, guaradando le pagine gialle: Nostra Signora della Provvidenza, in via Besenghi 8. O me son sbaglià de novo?
Nôtre Dame de Sion dove la xè? sule pagine giale no la trovo! La xè forsi in vai Don Mizoni?
ciao
sum culex

[babatriestina]

Mi son ssai bravo de sbagliarme: iero de sempre convinto che sta cesa se ciamassi in sto modo; inveze dovessi esser, guaradando le pagine gialle: Nostra Signora della Provvidenza, in via Besenghi 8. O me son sbaglià de novo?
Nôtre Dame de Sion dove la xè? sule pagine giale no la trovo! La xè forsi in vai Don Mizoni?
ciao
sum culex

Propio cussì: Notre Dame de Sion xe la cesa in via don Minzoni ( ex via Alice)
Sempre monighe francesi, iera!

[Tirabaralla]

La prima foto della comunione è moltomolto bella, Betta.

[sum culex]

Alora, come che xè sta dito, sta cesa xè 'NOSRA SIGNORA DELLA PROVVIDENZA': che sia la patrona de l'INPS?

Per far ammenda (che no xè la multa, nè sanzion pecuniaria) del mio sbaglio son corso el giorno drio a far le foto dela capeleta de Capofonte (per contentar la baba(TS) e due giorni drio dela Siora de Sion, nonchè de strada de altre cese: manderò cola fiaca (cola fiaca? NO, col computer) un poco ala volta.
ciao
cum culex

[babatriestina]

'NOSTRA SIGNORA DELLA PROVVIDENZA': che sia la patrona de l'INPS?

mah, col aria che tira per le pensioni, no ne resta che afidarse ala Madonna ( qualchedun inveze tira.. madonne!)

[babatriestina]

Forsi xe quela che xe andada persa, ma rimetto una foto fatta oggi dela piccola vetrata al ingresso, visto c he la xe in tema natalizio