Foro romano a Trieste

[babatriestina]

Un picio mistero dela Trieste romana:
Dove iera el foro roman?
adesso legendo el sito universitario su Citavecia de l'università, i disi che iera presumibilmente a San Giusto, dove che xe la parte lastricada fra le do file de cipressi, verso el monumento ai Caduti.
Me me ricordo el vecio Rutteri nele sue conferenze, che diseva de no, che lu pensava che el foro roman fussi più o meno soto l'atual Orto lapidario.

[Tu1]

Sempre savù che el jera a S.Giusto, a lato dell'attuale Basilica (un abside xè sulla strada), come el tempio ala Triade Capitolina jera approssimativamente e in parte sotto l'attual basilica (se vedi i resti de un avancorpo soto el campanil e el scalin più alto dela rampa de accesso vizin l'entrata ala cesa, sula sx).

A che altezza, no so, ma forsi un poco più in basso el jera (basta veder el livel dela strada romana là de l'orto lapidario).

[AdlerTS]

Go letto, inveze, de un altro ritrovamento che ignoravo: quando i ga tirado su el palazzo della cassa marittima sul fondo Greinitz (ogi sede UPIM) i ga trovado i resti de un tempio roman, probabilmente dedicado alla dea silvestre Bona Dea.

[babatriestina]

Go letto, inveze, de un altro ritrovamento che ignoravo: quando i ga tirado su el palazzo della cassa marittima sul fondo Greinitz (ogi sede UPIM) i ga trovado i resti de un tempio roman, probabilmente dedicado alla dea silvestre Bona Dea.

savevo, e xe ben riportado sui libretti dei musei civici, mi savevo più vizin de Piazza Benco, una volta Piazza Santa Caterina.. ma perchè la Bona Dea te la ciami silvestre? no iera la famosa dea dele donne, quela del scandalo dela moglie de Cesare? che xe entrado in casa Clodio vestido de baba? e che Cesare ga butado fora la moglie Pompea disendo che la moglie di Cesare no devi gnanca esser sospettada ? (tanto, lu se la fazeva con Servilia.. )