Problemi del tram de Opcina

[Nona Picia]

Oramai no fa più notizia, xe la normalità!
Ciao ciao

[Nona Picia]

Sul Piccolo de ogi:
G
"Guasti, il tram di Opicina resta fermo". Bela novità!!
Ciao ciao

[ffdt]

.....Ma per 4 ore nol ga podù rivar al capolinea, causa macchine posteggiade sule rotaie[...]

ma iera auti de gente "importante" che no i podeva ciorghele via?

mah ...

Ciau


Franco

[nanaia]

me vignissi de dir che xe diventada una barzeleta, questa del tram: adesso el xe fermo a tempo indeterminado
Però, dopo un attimo, me comincio a rabiar : ma ghe pensè a quanti soldi i sta butando via per no parlar del pericolo!!! gavemo presente la pendenza? bisognassi ricordarse che no xe un zogatolo, usado solo raramente per far folklore (intendo dir che un uso più limità ridusi anche l'usura e i pericoli de roture, almeno in teoria):xe UN TRASPORTO PUBLICO CHE VA SU E ZO OGNI VENTI MINUTI
mi stago a Opcina e quindi el problema me toca asai: con bona pase de tuti, viva la coriereta 2 che in 15 minuti scarsi me porta in cità
ciao
nanaia

[Nona Picia]

Ogi sul giornal xe scrito che el resta fermo fin a sabato., ma mi no me fazo ilusioni oramai gavemo visto come che va a finir ogni volta.
Ciao ciao

[Nona Picia]

Come previsto, el tram de Opcina xe fermo "per un'altra settimana.".....
E dopo avanti.... Xe come la fiaba de sior Intento....
Ciao ciao

[babatriestina]

Sempre del Piccolo de oggi: ogi i fa prove e i riaverzi el tram domani ( in attesa del prossimo guasto? )

[Nona Picia]

Sempre del Piccolo de oggi: ogi i fa prove e i riaverzi el tram domani ( in attesa del prossimo guasto? )

Sempre se durante le prove no vien fora altri "casini"!

[Nona Picia]

Ogi xe scrito che el riprendi a caminar "ogi", speremo ben!

[Nona Picia]

El tram ga deraglià denovo, ma a causa de grossi sassi posizionati ad arte sulle rotaie. Per fortuna nessun se ga fato mal e domani el riprendi con sole due vetture. Occorreva anche i disgraziai combinamalanni!

[babatriestina]

Ma alora i fa aposta: insoma, xe andado qualchedun che ama romper le togne a meter le piere?

[Bilbo]

ostia doveva eser sasi sai resistenti per rivar a far deragliar un tram che pesa un centinaio de tonelate....
opur i iera sai grandi, ma cusì grandi che el "frenador" no se gnanca inacorto....

scuseme, ma sinceramente no ghe credo.....

[AdlerTS]

Tecnicamente credo de aver capido che non xe stado el sasso ad alzar la vettura, ma la se ga ribaltado su un fianco per la brusca frenada in curva quando "el povero frenador" se ga trovado l'ostacolo sule sine.
Bon che andando fora strada non ga ciapado i pai della luce !

[nanaia]

son pienamente d'acordo con Bilbo e anche la radio stamatina gà messo seri dubbi sul presunto sabotaggio: se pensemo che un per de volte che qualche furbo ghe gà traversà le sine con l'auto, el tram ga frenado e anche ralentado el ga spostà l'auto con tuti i pasegeri per un per de metri...
mi me sà che sti lavori li ga fato gente che no capissi un boro: comunque, mi che stago a Opcina, xe sicuro che no ghe monto più su
nanaia

[Nona Picia]

Credo anche mi che la storia no sia ciara, ma me ga fato impression l'magine del tram mezo ribaltado. Me dà l'idea che se no iera i alberi magari el finiva de soto con danni ben peggiori!

[babatriestina]

possibile denuncia per tentata strage.
I metterà dele "spazzole" davanti per netar le sine, insoma, come le ferrovie del West del 800 che gaveva el respingente scacciabufali. Ma ve par!

[cenerentola82]

http://www.funivie.org/documenti/video/ ... 251006.wmv

[Bilbo]

possibile denuncia per tentata strage.
I metterà dele "spazzole" davanti per netar le sine, insoma, come le ferrovie del West del 800 che gaveva el respingente scacciabufali. Ma ve par!

e zà... i xe andai vanti zento ani senza niente, e senza che sucedesi niente, e deso el ga bisogno del'aspirapolvere davani ale riode, che se no el se fa mal.... povero tram.....

[nanaia]

scusa, Cenerentola, ma no go capì cossa che te intendi (pensavo che el video gavessi ciarì, ma almeno mi continuo a no capir)
Nanaia

[cenerentola82]

scusa, Cenerentola, ma no go capì cossa che te intendi (pensavo che el video gavessi ciarì, ma almeno mi continuo a no capir)
Nanaia

El servizio de tele4 xe sta fato subito dopo l'incidente quando i stava ancora indagando. Go messo quel che go trovà in rete più che altro per chi no xe a Trieste e no vedi tele4.
Solo ieri i ga confermà che xe sta a causa dela frenada dopo che el frenador ga visto le piere sule sine. E probabilmente xe sta mularia che ga fato cazade e no se pol parlar de tentata strage.