La donna Australiana

[refolo]

""La donna Australiana" emancipata, ma felice?

Lassemo da parte per un momento el campanelismo sul fatto della donna
triestina, voio dir due parole sulla donna Australiana, essendo in sta terra da oltre 51 anni, dove la go' sempre ciamada la terra rossa dei Canguri.

In un brutto e caldo giorno d'estate nell'anno 1788, undici
vascelli Inglesi, sbarcava sulle coste meridionali dell'Australia, con un gruppo de 700 non voludi, cioe' indesiderati, e per la maggioranza, Ladri, Assasini ecc. e in quella torma fazeva parte anche qualche donna, del passato molto burascoso, per vegnir a fondar una colonia a favor della Madre Patria....Sua Maesta Britanica.

L'Australia ga assai cambia' da quei giorni lontani, ma el problema delle donne xe resta' da oltre due secoli:
La divarazion tra el popolo maschile-femminile.
Le donne, cioe' le femmine xe stade e sara' sempre el problema de questa terra rossa, perche' nella societa' Australiana ghe xe piu' omini che donne, e per questo xe un fenomeno unico al mondo.

La occupa un posto priviligiado, e nel campo matrimoniale, xe sua scelta, tra vita semplice e la richezza spietada.
Libera, sportiva, la godi fin della tenera eta' la parita' sull'omo, anche per i sacrifizi, compiudi vicin a lui.

L'Australiana in Famiglia"

La vita in famiglia Australiana, s'e' avvicina tanto a quella Americana, la figura della casalinga xe piuttosto raro, non che le trascuri la casa? NO! per l'amor de Dio, ma el lavor fora casa xe quel che val tanto, sia finanziariamente che punto sodisfativo.
Comincio col lavor de cameriera, le xe conossude in tutto el mondo,specialmente nei alberghi, cussi' i lavori de casa vien definido masiccio!

ma fatti coi elettrodomestici., basta un fracada de boton e salta makaco! Per la lavadura xe centri de lavaggio con macchine automatiche, e tante piccole agevolazioni, aiuti casalinghi, panuzze con consegna a domicilio o quelle che se buttain scovazze. Insomma i lavori de fin giornada vien distribuidi fra i membri della famiglia.

Per prima colaizon, come tutti i Anglosassoni, vien elaborada veramente ben, noi femo al sistema Europeo, lore con salsicce, panzetta e ovi. Questa xe la colazion de pramatica e piu' importatnte della giornada.
Per pranzo xe quasi tutti coi TAKE-AWAY specialmente quei che lavora in citta', non esisti siesta e non esisti un pranzo in casa come che iera da noi.

Essendo tanti programmi televisivi alla sera, almeno due membri della famiglia ga' impara' a cusinar per ben, e salvar certe robe in frigorifero per l'indomani.
El Picnic xe de pramatica, SPECIALMENTE TRA' AMICI, RIUNIONI SCOLASTICHE,competizoioni, va' tutto servi' as You help yourself (servite da solo) i piatti xe quei che se butta in scovazzon, tutti porta chi vin o la birra che xe de pramatica nessun lava piatti.

""L'Australiana e l'amor"
per natura la donna non xe romantica ( stabilido da ricerche) le va' matte per la musica metallica, le xe alquanto sportive,e za a 14 anni le xe libere de disponer come che ghe piasi.
Questo xe influenza' dal cameratismo (come ditto su'troppi omini e poche donne). Se le cerca mari' le ga' l'oportunita' de scielier come che ghe comoda. La maggioranza dei matrimoni va' dai 25-29 anni, la carriera val tanto cussi' la convivenza vien stabilida prima.

Per la mamma con fioi pici, xe aiutadi dall'asilo infantile, certe ga' assistenza gratuita. Certe lasse a persone fidade e li ciol dopo lavor.
Sin dai primi giorni d'infanzia la donna Australiana la vivi quasi felice, senza preoccupazioni de crisi, ma tante volte questo diventa un debole, in circostanze differenti la preferissi metter in paglio el matrimonio che sacrificarse de quel che la ga'

El matrimonio consisti in molti casi come compagni de viaggio con diritti e doveri precisi, se questo non funziona.....marcia indrio DIVORZIA, ma sempre segui un'altro matrimonio.
L'Australiana xe come l'ape regina, in un alveare grandioso e perfetto.
Ma come mai xe sotto tutta sta differenza semplificada? che lassa svodi in senso famigliare?

La xe disinvolta non la mostra timidezza, la porta braghe come che la porta cotole atillade, la fuma, la bestemmia, la viaggia nessun ghe trova niente da dir? la frequenta locai pubblici, associazioni, la bevi birra, la urla alle partide, del football Australian, ma sotto sotto ghe xe l'infelicita'
perche' la sua stamina de corre e rivar al punto giusto, xe de ciamarla patetica.
In questo caso la dimostra che la vol sofigar e lassar perder el senso de svodo, e l'insoddisfazion che certe volte la dimostra.

DEDICADO ALLE MIE AMICHE AUSTRALIANE VIVE E MORTE!"

Maria aka Refolo