Zerca de ricordarme alcune robe, che mi no me ricordo: i Economo in cossa ga investido? i xe andai via de Trieste? no me par, el baron Giovanni xe morto no tanti anni fa...Piereto ha scritto:Tra i veci nomi manca i Economo e i Morpurgo e i Morpurgo xe stadi i ultimi miliardari che gà investi su Trieste. ( Revoltella xe sta el miliardario propulsore de metà ottocento, e Morpurgo quel de fine ottocento e primo novecento. (Le Generali soto de lu xe diventade ancora più importanti anche coi capitali dei ebrei). Altri miliardari che gà continuà nel novecento xe stadi i Cosulich (tacadi a fil dopio co la prima banca austrungarica la Kommerzbanck) e anche lori no iera triestini , ma no ghe iera più l'Austria a agevolar Trieste.
i Morpurgo, quai? quei dela casa- Museo? chi iera el presidente Generali Morpurgo e quando? quai xe stadi i triestini presidenti generali fra le fdue gerre? perchè molto capital dele Generali iera restado a Trieste..
e nel Ventenio gavevimo anche un ministro triestin bastanz a importante un zerto dottor Fulvio Suvich ( che go avudo anche el piazer de conosser de persona, in veciaia)
ricordime meio, chi iera la corente de magioranza DC . Fanfani, Moro? chi iera i triestini DC al epoca? Coloni? Rinaldi? o te disi prima, Bartoli e Franzil? quala te intendi come corente de minoraza DC e magari femo riferimento a qualche anno o periodo preciso, che la DC ga cambiado più volte orientamento...Piereto ha scritto: quando che comandava la DC i furlani stava con la corrente de comando , i triestini con quela de minoranza. Xe stada Trieste la prima in Italia che gà eliminà la DC, co le sesantamila firme de la lista per Trieste, e Pertini ga ciapà la lettera de protesta per Osimo e la ga mesa in casetin.
per le sesantamila firme ( xe anche la mia là dentro..) Me par che le ga promosse el comitato dei Dieci ( ghe xe un post intiero dedicado ala Lista qua in forum.. coi nomi..) ma no xe che i ga eliminado la DC che se ga autodistrutto ( come d'altronde anche altri partidi) ai tempi de Mani Pulite, roba milanese, i ga solo conquistado una magioranza al Comun, no so ala Provincia e no so gnanca ala region... ricordime meio... quela dela letera in casetin xe una storia molto anterior e risali ( troverò i riferimenti se te vol nei libri de Cecovini Del patriottismo di Trieste) a un memorial dei anni 50... no iera una letera de protesta per Osimo formalmente, ma una richiesta de zona franca integral, detto fra de noi i saveva benissimo, i 10, che no iera legalmente possibile otegnirla per legge e per tratati internazionali, e i lo ammetteva anche alora, ma iera come protesta,e qualcossa i ga otegnudo: la famosa ( alora )ZFIC zona franca integrale a cavallo del confine no la ga fata nissun e redo chenissun gannca se ricordi adesso, per diversi motivi, dei ambientalisti ai nazionalisti.. perchè i saveva benissmo che Osimo come tratato no se podeva discuter, anche se adesso i se ga messo a dir ( alcuni) che xe carta strazza. In realtà i antiosimanti ( cussì i se ciamava in contrasto coi osimanti) rugnava perché sufiava soto i esuli istriani che vedeva la cession definitiva dela zona B.
Me par che tuto questo poco ga de far col porto, comunque..
chi disi che al porto manca spazio in magazzin? za ala afin del epoca del Austria el porto no iera più emporio che i comercianti meti in magazin spetando de vender, adesso ghe vol tempi rapidi e el importante xe ricever ordini, far rivar la merce e smistarla svelti: e per questo ocori no magazzini ma piataforme logistiche, e colegamenti, colegamenti! e tariffe agevolade sopratuto per el famoso Hinterland natural, che pareva che con Schengen ormai no fussi problemi e inveze i xe tuti là a difender el proprio ortisel e dir che el Europa danegia la roba nazional..Piereto ha scritto:Quindi caro Ciancele per el porto manca i spazi per acoglier le merci ? No se pol butar zo i magazini del porto vecio perchè la speculazion edilizia vol far altre robe, e el porto vecio no apartien più all'Ente porto.
speculazion edilizia xe un nome de un romanzo ( italian) de Calvino che disi in pratica che i costrutori imbroia e se fa i bori, Ma butar zo e rifar iera una roba che ga stravolto anche Trieste de metà otocento in poi, za co i ga alzado de un pian el case, co i stessi proprietari butava zo le case neoclassiche a tre piani per far quele de 5 che i guadagnava de più coi afiti.. no se pol pretender de conservar e istesso de rinovar... bisogna sceglier e mi no so cossa e dove che sia meio...
alora: no esisti più ( credo) la Sovrintendena ale Bele arti coem una volte, esisti una Sovraintendenza REGIONAL per i beni culturali presieduda de un certo dotor Caburlotto ( dovessi gaverlo anche in qualche foto mia..) che ga idee tute sue, purtropo..Piereto ha scritto: La Sovrintendenza alle belle arti disi che el porto o la città xe intoccabile ? la disi anche che a Miramar no xe spazio per el WWF, che Luci e suoni no va dacordo col castel, ma el sovrintendente xe anche lu un foresto.
ma per i magazzini del porto vecio, intocabili, per esempio ai tempi del progetto Polis no iera Caburlotto sicuro... xe vegnudo de ambienti triestini vicini ala Lista per Trieste de alora, in particolar se bateva per no modificar el Porto Vecchio un dei esponenti, che po iera toscan de origine, Gambassini, le Segnalazioni iera piene de sue letere che diseva che no se toc gnente in Porto vecio... anche la proposta de fare el Expo in porto Vecchio ( che a mi me pareva un pretesto no so se i ghe saria arivai) no la xe stada acetada perchè de Trieste istessa xe rivade vosi che nosepol...