che mismas....mi buto una piera (ma no scondo la man)

[mauri]

Scuseme, mi me par che stia vignindo fora un bel pastroc...mi dopreria un aprocio un fiatin più scientifico....comincemeo cusì....no se pol dissociar un logo dal suo teritorio...questa se una tendenza storica propria del pensar triestin.....(ricordo che la configurazion del' urbe logo+ popolo risali ai misiamenti de nianca 200 ani fa), po, esisti una pletora de studi archeologici svolti dal prof. Lonza nela prima metà del novezendo, dal Marchesetti poco prima, da Dante Cannarella contemporaneo, per no parlar dele publicazione della Socetà di preistoria e protostoria, ecc.ecc,
che se inseridi nel più ampio contesto europeo pol portar veramente a svilupi interesanti...
Giusto per far pupoli .. i Celti...mi li go zercai in longo e in largo...ma nisba...niente de niente.. go studiado i verzelja (portali per sloven) che saria quele spece de menhir ficai sui ingresi dele campagne carsoline...go analizado le casite...a tal prorposito esisisti un otimo libro....ma niente.. solo roba mutuada....tropo recente...go scovado una posibile centuriazion a Basoviza, dove che se suponi fusi teritori dei celti boi attribuidi alla colonia de tergeste...e quindi spartidi ai reduci dele legioni SPQR....e celti niente...me go danado l'anima a studiar tute le posibili implicazion archeoastronomiche de doline a gradoni, paleosuoli e robe del genere (trovando anche robe interesanti) che pero' me alontana ancora de più la presenza celtica....a favor de una cultura locale piutosto forte....fe voi...
Sicura xe la cultura dei castellieri dei cosiddetti "Histri" o modernamente Istri (li ciamava cusi' i romani perche' i pensava che el Timavo fusi la continuazion del Danubio che vigniva ciamado Histro...noi no savemo come che i se ciamava lori), dall'invasion romana cominciada nel 270 ac sai prima de Strabone quindi...con le guere contro i istri e completada torno el 170 ac (nota.. aquileia xe stada fondada dai romani proprio per difender la porta orientale nel 181 ac).....me fa strano.... che tuti sti celti no gabi lasado nianca un repertuccio dela civiltà de La Tene.. che saria quela che li contradistingui.....
Come vedè.. el mis mas se grando......
Però xe ampie trace dela civiltà dei "Campi d'Urne" o de Halstatt.......almeno vardando i rituali cimiteriali.....e alora?
No podemo estrapolar Trieste dal suo teritorio limitrofo....ma bisogna legerlo...nel suo compleso...con ordine e in ordine cronologico....senò zerchemo el mostro de Percedol.....
Se questo aprocio ve intaresa gaveremo cosa discuter.....
Ciau

[babatriestina]

contine un poco de sta civiltà dei campi d'urne e cossa che la ga a che far qua..
po magari sempre per meterse dacordo vedemo fin dove che andemo col teritorio.
Mi i Celti ghe go pensado solo perchè ai tempi de Cesare qua iera Gallia Cisalpina e i Galli Celtae sibi ( o se?) appellantur disi Cesare, parlando però de quei dela gallia transalpina. ma perchè la zona soto el arco della Alpi iera Gallia anca ela? fin dove arrivava i galli cisalpini?No dimentichemo che più o meno all'epoca ellenistica xe stadi dei galli che xe calai zo per la pensiola blvcanica fin in grecia e po i se ga stabilito in Asia minor , che ghe iera la Galazia appunto. e soprattutto in che epoche? e po mi distinguessi fra epoche storiche (almeno, prima del arivo dei romani, anche se de solito se fa cominciar la storia cola scrittura e no so se quei che iera prima dei Romani scriveva.. o sì? e cossa?) e epoche preistoriche ( fin quando? )
ve confesso che no me go mai mesa a aprofondir ste robe e co vado al Museo de storia e arte che xe un do sale dedicade a sta roba, passo a roba più artistica in altre sale là vizin.
Concordo che tentar de ricostruir la storia solo che sui miti xe un poco riduttivo, anche se no i va dimenticai. Purtroppo scrittori antiche che parli de ste parti xe pochi e dovemo far molto riferimento ai reperti.
gavemo studi anche ancora in lavor, cossasomi, el castellier de Elleri, chi ne conta qualcossa?
anche mi adesso go butado su un poco de roba tuta insieme...

[mauri]

Iera un civiltà che se gaveva sviluppado in Europa centrale tra la meta' del bronzo e l'inizio del fero, pero' la ga avudo la carateristica de espanderse ela e anche de influenzar le altre culture europee, la xe ciamada cusi' perchè sti antichi cremava i morti e li ficava dentro dele orne (anche dite situle), e quindi con un coredo adeguato ste orne finiva soto tera in busi de varia spece.. anche qua la tipologia dela sepolutra variava da logo a logo, qua i doprava la tomba a cassetta..se sta la cultura che favorido l'introduzion del uso del fero...e a seconda dele direzioni de espansion ga dado vita a un futio de altre culture, inanzitutto quela de Halstatt per alcuni protocelti, per altri venetici, comunque sai vicini per cultura materiale ai popoli indoeuropei che stava difondendose. La presenza piu' vicina a d noi se a S. maria de Tolmin, con una necropoli studiada dal Marchesetti notevolissima, da cui le do sale del museo..se una cultura de trnasizion probabilmente, tra le usanze precedenti e la neocultura celta. (quela vera, no quela mitica, detta cultulra de La Tene).
Alora.. sti antichi torzolava sai, influenzando anche la "cultura dei castellieri" nostrana (la se ciama proprio cusì), el castellier de Elleri (Monte Castellier degli Elleri) ancora in studio ne ga riportado ua certa quantità de tombe a incenerizazion tipo a cassetta.
Assolutamente da visitar, xe el picio ma secondo mi sai ben fato, museo dei scavi muiesani, de cui al seguente:

MUSEO ARCHEOLOGICO
Indirizzo: CALLE OBERDAN, 14
Orario visite: ore: 10-12 e 17-19.

E dopo consiglio una sai cocola caminada sul sentier atrezado de Muja vecia, anche quel sai cocolo, come periodo se va dall'età del bronzo medio fino al tardo medioevo.

A grandi linee, deso gavemo pasado u periodo de tempo de zirca 900 ani, tra el 1300 ac (cultura dei campi d'urne) al 400 ac Cultura de La Tene.
In europa central.. e qua?
Qua gavevimo i Castellieri, i più antichi se datadi torno el 1700-1900 ac ano più ano meno.....
Perchè i xe sai importanti per zercar le origini de Trieste?
Perchè iera la forma abitativa tipica del periodo, un forma che andava dal
Baltico all'Asia minore, longo quela che gaveria podudo eser una dele diretrici dela via dell'ambra.

A tal propoisito, no esisteva una sola via del'ambra, ma piutosto se podria considerarla l'insieme dele diretrici nord-sud percoribili senza costruzion de strade ma sfrutando i posti favorevoli naturali. Pasi de montagna, guadi de fiumi, zone libere dala foresta.

El castelier rapresentava no solo una forma de difesa dela tribù che lo abitava, ma un vero sistema de difesa, visto che iiera mesi in posizion de vardarse un con l'altro, sia se in altura che se i iera in pianura (in friul ghe ne se un pochi, de cui uno studià da poco sai bel a Sammardenchia

http://www.comune.pozzuolo.udine.it/inf ... rcheologia

in pratica iera un sistema per controlar una diretrice de trafico importante, overo probabilmente, i xe sorti proprio là che i xe proprio per la presenza dela diretrice.
A sto punto, la Trieste del bronzo saria stada sai difizilmente una roba diversa de un castelier.

per deso bloco i manzi....(se pareva boves alba pratalia arabat negro semen seminva)....sintimo qualche altra campana
Ciau