sondaggin prenatalizio

[babatriestina]

cossa fè per Nadal: albero o presepio ? o tuti due? o gnente?
e magari anche quando?
mi sto anno go cedudo, e.. go ciolto albero finto.. l'anno scorso po no lo gavevo gnanca fato

[Nona Picia]

Albero finto e presepio dela Val Gardena, come ogni anno de quando che no ciolemo più l'albero vero. (el giardin no gaveva più posto per interar le piante)

[babatriestina]

mi farò albero e presepio, ma li fazzo soto nadal, no a metà dicembre. albero finto e presepio vecio triestin, con tochi ( i camei e i pastori) comprai a Betlemme!
Adesso devo meter el Kranz de avvento cole 4 candele

[Lugara]

A casa mia: albero (finto) pien de luci che me piasi tanto e presepio (modesto e picolin).
A casa del mio moroso: albero vero (fato con la cima de un pin) e presepio col mus'cio, le piere carsiche, tochi de tronco de pin, ecc. No enorme ma molto sugestivo.

[Nona Picia]

Adesso devo meter el Kranz de avvento cole 4 candele

Già fatto! Te son in ritardo de due domeniche!

[Nona Picia]

Eccolo qua!

[Lugara]

Che bel Nona!
Mi ogni anno digo che lo fazo e puntualmente me lo dimentico....

[duralex]

Noialtri albero vero e presepe. Albero gavevo conmprà da Standa tre ani fa, e credevo che el fussi un spunton. Gò piantà in vaso, e el xe cressudo fino a diventar un bel albereto. per inciso, cossa xe un Kranz, che no conosso la parola? Comunque auguri ( e non aguri ) a tutti

[Nona Picia]

per inciso, cossa xe un Kranz,:-D

Kranz = corona. Xe una tradizion, per quel che so mi, nordica per festeggiar l'Avvento. Se accendi ogni domenica una candela fin al'ultima de avvento e se unisi le candele con una corona de abete o agrifoglio o pigne o come che fazo mi de solito (tranne sto anno) con un poco de tute ste robe. Dovessi indicar l'unità dela famiglia, ma i significati pol anche esser diversi.