Le rive

[rofizal]

Le rive nel 1964, quando ancora ghe iera pescadori che rivava a viver con le loro picie barchete e le barche da regata, quela volta tute in legno.

[AdlerTS]

Da notar anche el numero de auto nella prima foto

[rofizal]

Qua xe una foto noturna dele rive del gennaio 1964.

Per i fotografi:
diaframma f. 4
Tempo de posa: 30 secondi

[babatriestina]

Qua xe una foto noturna dele rive del gennaio 1964.

Per i fotografi:
diaframma f. 4
Tempo de posa: 30 secondi

come te fa a ricordartelo dopo 44 anni??

[rofizal]

Qua xe una foto noturna dele rive del gennaio 1964.

Per i fotografi:
diaframma f. 4
Tempo de posa: 30 secondi

come te fa a ricordartelo dopo 44 anni??

Eh sì.. co la mia memoria!

Xe scrito drio de la foto!

[Zigolo]

Qua xe una foto noturna dele rive del gennaio 1964.

Dovessi esser la Dionea quela atracada, no?

[rofizal]

Dovessi esser la Dionea quela atracada, no?

No se riva a leger (la foto xe de quele picole, solite de una volta), ma el nome me par più longo.

[sono piccolo ma crescero]

Forsi Ambriabella?

Me par che in quel periodo ghe fusi tre vapori, el Ledra, più grande e che andava più lontan, in Istria e forsi Dalmazia, el Dionea e l'Ambriabella che iera gemelle: l'Ambriabella andava a Grado, el Dionea me par che andava avanti e indrio Trieste, Grignan e Sistiana (so che lo ciapavo qualche volta per andar al centro de Fisica teorica).

[Zigolo]

Forsi Ambriabella?

Me par che in quel periodo ghe fusi tre vapori, el Ledra, più grande e che andava più lontan, in Istria e forsi Dalmazia, el Dionea e l'Ambriabella che iera gemelle: l'Ambriabella andava a Grado, el Dionea me par che andava avanti e indrio Trieste, Grignan e Sistiana (so che lo ciapavo qualche volta per andar al centro de Fisica teorica).

Xe vero, me dimenticavo del'Ambriabella e de tuto el resto che te ga dito e che me corispondi.

De una roba go el dubio: LEDRA o EDRA?

[Nona Picia]

EDRA

[spaos]

[babatriestina]

Questa xe un classico del 1954, molti pensa al 26 ottobre che inveze pioveva a dirotto e xe la parata del 3 o 4 novembre, con Einaudi. Mi geh iero, ospite de amici su una finestra che dava sule Rive

[Piereto]

Visto che iero in zona de la stazion de sant'andrea per documentarme,go scatà alcune foto. (anno 2012)
Questo xe el cordolo del primo lazareto de trieste roba del 1700 ,e el ga sta sagoma perchè no iera sta ancora imbunida la via Giulio Cesare e nianche el spazio per far posto al scalo feroviario e al porto novo. Xe un cordolo come frangi flutti ,e la spiagia sarà stada de scoi tondi e sabia,visto che la colina de punta sant'andrea xe de arenaria e flisch. Tuta la zona de campo marzio iera marcio, cioè paludosa ,causa l'aqua basa e le tante vene de aqua dolze che veniva zo dal monte ancora ogi (via guido reni).

z1060839.jpg (19.37 KiB) Visto 1567 volte

Questo xe el museo del mare che una volta iera lazareto,po caserma de marina ,e el porton su la sinistra ,gaveva un suo gemel sul lato destro,sparì nei lavori de rerstauro del 1960.

z1060860.jpg (15.18 KiB) Visto 1567 volte

z1060861.jpg (15.61 KiB) Visto 1567 volte

La colina de sant'andrea nel 1700 la iera più grosa e la xe sta scavada verso la via mbelpoggio per eliminar el campo marcio,e costruir i edifici che xe ogi in androna campo marzio e che ospitava nei primi del 1800 i magazini e i mulini de le granaglie per far farina proprietà dei Economo.

z1060856.jpg (22.58 KiB) Visto 1567 volte

z1060858.jpg (52.15 KiB) Visto 1567 volte

[Piereto]

La androna campo marzio po la finisi soto el monte con un amuraglion che tien su via belpoggio.

z1060859.jpg (23.36 KiB) Visto 1565 volte

Proseguendo per viale campi elisi se capisi che la punta sant'andrea doveva eser bastanza simile a quela de punta sotile,e no se se inacorzi che la strada sali leggermente.

z1060844.jpg (24.65 KiB) Visto 1565 volte

El muraglion che sostien el terapien del viale romolo gessi ,ma da l'altra parte de la strada xe la sotostante stazion de la ferovia (sant'andrea scalo) che po iera la prima stazione de fermata dei treni prima che i fazesi el grande edificio in riva in sacheta nel 1908.Xe anche el steso logo dove che i ga fato la esposizion nazionale austriaca nei ani 1880,una prima fiera triestina ante litteram. La strada xe za alta un 4 metri sora la ferovia.

z1060846.jpg (27.25 KiB) Visto 1565 volte

z1060847.jpg (19.25 KiB) Visto 1565 volte