Buon Giorno!

[oli1939]

... ah dimenticavo,adesso dovemo pagarghe le cure a quei che no pol...e quando che saremo cisti anche noi, sarà i altri che farà con noi la stessa roba? Ciao a tuti.

[Nona Picia]

Bongiorno e bon pranzo! Quando saremo totalmente cisti, anderemo a domandar elemosina e a distirarse sule panchine cussì el vicesindaco ne meti in galera e almeno de magnar gaveremo gratis

[babatriestina]

mi son cressuda in un mondo che ancora se pagava i medici... e me par ancora impossibile che se gabi tanto a gratis o a prezzi de ticket

[Nona Picia]

Mi son cresuda in un mondo che non esisteva i ticket, ieta L'Inam e se gaveva tuto gratis, dela serie, no se gaveva niente ma se gaveva de più

[Ciancele]

Bongiorno e bon pranzo! Quando saremo totalmente cisti, anderemo a domandar elemosina e a distirarse sule panchine cussì el vicesindaco ne meti in galera e almeno de magnar gaveremo gratis.

Xe meio pregar la carità che domandar elemosina. Per cusì poco qua no i te meti drento. Drento vien el prete a portarte giornai. De magnar no. Par quel xe la boba.

[sum culex]

Per tuti sti purtropo veri problemi che xè stai scriti no i dovesi andar in 'bongiorno', ma i dovessi andar in BONANOTE (o in cativo giorno).
ciao
sum culex

[Nona Picia]

Caro sum, el salotin e soratuto e el bongiorno i xe verti per tuti i problemi,oramai, bei o bruti che i sia....o verzemo una sezion Salotin - problemi?

[Ciancele]

De pal in frasca
A scola, ora de storia, el mato me ciama fora e el me domanda de Maria Teresa. De Maria Teresa no savevo gnente, ma mi bambo lo steso e po digo a vose più forte: nel 1831 muore Carlo Felice e sale al trono Carlo Alberto del ramo Savoia-Carignano. Devo gaver leto no so dove. El mato se sveia e el fa ala clase (che giogava batalia navale): Avete visto come sa la storia. Za quela volta savevo contar la storia. Po’l darse che savevo solo contar storie.
De giovine oltra che campion de salto in lungo e salto in alto, son sta campion de salto de pal in frasca. ‘deso ve spiego.
Zo in strada xe fermo un camion dela TNT. Qua gavemo una dita de trasporti che se ciama TNT. Par mi TNT xe sta sempre tritolo, quel par far s’cioche. Po’ me son ricordà che TNT xe anca non woven, tesuto no tesuto.
Saltando de pal in frasca son pasà del TNT (tesuto non tesuto) a Savoia-Carignano (case regnanti non regnanti).
Curioso come che son, son ‘ndà a guglar par saver de più. Go savesto de più e go visto che no son l’unico a perder colpi. Le barufe che i fa iludendose de far no so cosa. No, mi savaria cosa, ma no poso dir. I monarchici me copa. Me vien sempre inamente la barzeleta del putel che domanda: Ciò, chi xe quei? Pierino, no se disi chi xe quei. Quelli sono i signori musicisti. Ben, ‘lora i xe solo musi più dei noi, parchè cisti semo tuti. In analogia se podaria dir che i xe solo “rchici” più de mi, parchè ...

[babatriestina]

Te me ricordi el mio compagno de scola che ala domanda de scienze Anatomia della foglia no ricordandose gnente el ga fa un strano discorso de cui tuti se ricordemo che el spiegava " la foglia ha un picciolo che si chiama picciolo" No so come la vecia la ghe lo ga lassado passar.. a un altro che ga provado istesso la ghe ga dito de tuto!

[Ciancele]

Te me ricordi el mio compagno de scola che ala domanda de scienze Anatomia della foglia no ricordandose gnente el ga fa un strano discorso de cui tuti se ricordemo che el spiegava " la foglia ha un picciolo che si chiama picciolo" No so come la vecia la ghe lo ga lassado passar.. a un altro che ga provado istesso la ghe ga dito de tuto!

El fato xe che mi no xe che no me ricordavo de Maria Teresa. Savevo solo che no gavevo alba. E alora bisognava improvisare. Ma no se se pol permeter con tuti i profesori. Con quel de talian, storia e giografia sì. Do de lori prima de mi i ga ciapà clanfa. Mi iero el terzo. El mato fa: Ciancele. Sei impreparato. Clanfa. E mi: No, sior profesor, io sono preparatissimo. E là no se gavemo capì. Lu intendeva che iero preparatisismo par vignir fora e mi intendevo che iero preparatissimo par ciapar clanfa. Cusì go dovesto andar fora e bambar monade fina che ga sonado la fine de l'ora. La clase me ga ringrazià par gaver salvà tuti i ialtri. La baba de tedesco la ga tentà de impedirme de dormier. Ogni tanto la me sveiaia e la me domandava qualcosa. Visto che no la ga mai 'vudo suceso, la me ga lasà dormir 'vanti in pase.

[babatriestina]

Un'altra volta el mato de latin me ciama. Ma el me gaveva interogado la lezion prima.. no me spetavo e insoma go improvisado... el me fa Ma come te son cussì poco preparada ogi? ghe digo Ma professor la se rendi conto che la me sta interogando do giorni de fila? Ah! no gavevo scrito el voto: e quanto te gavevo dato l'altra volta? oto professor. ben bon te confermo el oto...
Ma papà me contava che Sabbadini al Ginasio iera malignazo: el lo interoga, tuto ben. Conossendolo, el giorno dopo el studia de novo: El lo ciama fora de novo, tuto a posto. La terza volta el se disi ben bon ogi posso riposarme: el lo ga ciamado la terza volta de fila! e el lo ga fregado...

[Ciancele]

..... Ma papà me contava che Sabbadini al Ginasio iera malignazo: el lo interoga, tuto ben. Conossendolo, el giorno dopo el studia de novo: El lo ciama fora de novo, tuto a posto. La terza volta el se disi ben bon ogi posso riposarme: el lo ga ciamado la terza volta de fila! e el lo ga fregado...

Questo no xe eser malignaso, xe cativeria. Contro de un. El mio profesor de matematica, nel compito in clase, el misiava roba vecia e nova e el diseva che bisogna saver tuto.
Ogni ano, co' 'ndavo a scola e ciapavo i libri, li legevo. Come leger Salgari. Po no li go mai ciapai più in man e speravo de ricordarme qualcosa. Qualche volta me 'ndava ben, qualche volta no. Iera sempre gnoco, francese e matematica che me salvava. Ma no xe bel. A scola se va par imparar e no par leger el Guerin Sportivo. Go studià e imparà più fora de scola che a scola. Leteratura tedesca, scienze politiche tedesche, spagnolo, inglese, ragioneria, machine. E cusinar! Veramente solo farme de magnar: ovi friti.

[Nona Picia]

Auguro BONE PALME a tutti! Purtroppo sol su le Palme e piova sui ovi....cussì i disi...

[babatriestina]

Purtroppo sol su le Palme e piova sui ovi....cussì i disi...

ma no iera che se piovi sule palme piovi anche sui ovi? me confondo sempre

[Nona Picia]

Xe come che go dito, ma el più dele volte piovi sule palme e anche sui ovi

[babatriestina]

Buon giorno a tutti!
Chissà se NonaPicia ha letto questo messaggio https://www.atrieste.eu/Forum3/viewtopi ... =61&t=6769 da un nuovo iscritto che vorrebbe leggere il messaggio linkato e non è più visibile

[Nona Picia]

Appena torno a casa vedo se riesco a recuperare lo scritto. Buongiorno! Forse Oli ci può pure lei aiutare

[Nona Picia]

Buongiorno! Purtroppo non sono riuscita a trovare le notizie della madonnina di Rozzol, proverò a curiosare tra le foto di mio marito

[Nona Picia]

Bona sera e Bona Pasqua a tuti! Domani no saremo a casa per cui ve fazemo i auguri ogi!

[Nona Picia]

Bongiorno pololo del forum! Ogi un per de foto de de sum culex...









Se le foto no sta ben qua,podè spostarle nel posto più opportuno