Australia

[refolo]

bella mia, questo non te lo posso dir,
El xe esportado solo per i ristoranti, se capissi che sei lo metti prima nelle pescherie nol saria piu' fresco.
i xe contenti d'esportarlo, anche perche' gavemo sempre da far coi Giapponesi, chei se vien cior quel chei vol senza domandar permessi.

e per questo anche a Melbourne nol xe a bon prezzo, mi lo pago quasi 18 dollari al kg.........che tutti ga' protesta' i se domanda sei magna banane o i bevi benzina?

Dopo el ciclon le banane xe quasi al prezzo del Salmon, non del Canada ma della Tasmania a quasi do' passi, ma xe el trasporto, e la benzina al costo dell'oro. Mi xe quasi 2 mesi che metto solo in moto la macchina, ma camino per andarme far la spesa. ogni roba ga' le sue scuse.

Mi' go' el menu' de Opicina dove i mii iera al DANEU'S la ga' paga' quasi 9 euro per un piccolo piattin de pasta col tartufo. Anche qua' li gaveremo,
senza bisogno d'importarli, pensa che chi ga' fatto tutto xe un muletto de 20 anni, che in un anno el xe diventa' milionario.

E parlando de pessi, oggi i scienzati ga' mostra' chei ga' scoperto in Malaysia el pescecan che cammina sul fondal, el ga' due ali sotto la panza, come due piedi e pacifico el va' come le signorinette..........qua' non se podera' nianche andar piu' a nudar.


Maria aka Refolo

[refolo]

Go sempre premesso, che non son una fanatica de quei chei ciama maladi de animali, nel senso de bisse? che mi son allergica, coccodrilli? che magna tutti veci e giovani, bestie che se dovessi lassarle in pase, ma la cerimonia , oggi del famoso Steve Irwin, lassada dalla sua fia de soli 8 anni, la ga'con poche parole messo le lagrime in tutti i cuori anche quei congeladi! xe stado la piu' memorabile elougia mai sentida da nessun umano. Con poche parole, disendo l'amor per el suo papa' el miglior del mondo...la ga' consacra' l'idea de portar avanti la preservation dei wild animals. Una cerimonia da ricordarse per sempre.
L'America (mamma Americana) la xe propensa de accumular l'idea pel futuro, e anche per seguir l'idea de Steve. Nol iera mal, un pocheto fora fasa, come che se disi in triestin, ma senza confronti alquanto bravo, leale, amante dei animali, propenso come dito per la preservazion dei animali.

Maria aka Refolo

[refolo]

Gavemo perso anche la fia de un famoso FOOTBALLER, de Australian rules. Incidente de auto.
Senza chei genitori sappi, sta giovane de 25 anni, sulla patente, iera scritto, che se la mori, la vol donar tutto quel che se pol far per salvar altra gente.

nel frattempo sul Corriere della Sera iera l'articolo de un famoso medico a Milan, chel se lamenta che i Italiani, xe restii de far sto dono tanto bisognoso.

La roba piu' esuberante xe stado che ieri sul giornal de Melbourne, 6 fioluzzi, tutti per man chei corri e salta.......un ga' el cuor-una picia un polmon-un'altra tutta brusada dal fogo i ghe ga' fatto el draft della pelle-e un'altro picio el fegato- un'altra un rene.

Tutti sti 7 familiari, se unira' a una festa per conosserse.
Un episodio de far vegnir la pelle de oca, anche a che xe duri come el corame.

Maria aka Refolo

[refolo]

El Santo patrono D'Italia, oltre che San Giusto per i triestini, quest'altro i lo conossi tutti, anche i non cattolici, tutti sa' chel xe protettore dei usei.

Le fontane pei giardini xe tutte con lui messo vicin, mi me vegneria de urlar, perche' voleria chel porti via tutti sti usei che me sporca la casa....

devo ogni anno pittura i passamani, i se posa sora e dopo i sporca, e non esisti niente per nettar, resta duro come el cememnto, me go' fatto

due spaventapasseri ma non servi i ghe ga' spela' el naso e tira' fora el
bombaso cussi' povero spaventapasseri el xe senza proboscide.

sulle vanese dei fiori go posa' vicin la canfora, questo me ga' ditto un'Australiana,dopo pevere nero, ma niente!
nessun suggerimento?

Maria aka Refolo

[babatriestina]

voleria chel porti via tutti sti usei che me sporca la casa....

sulle vanese dei fiori go posa' vicin la canfora, questo me ga' ditto un'Australiana,dopo pevere nero, ma niente!
nessun suggerimento?

povere bestiuzze! cussì cocoli che i xe! i pagneroi, i pettirossi, le cinciallegre ( ghe saria anca el nome triestin dele cinciallegre. parussole, da parus parus latin, ma ormai ga tuto un altro significato per cui xe meo no doprar ) mi ghe meto aposta una baleta de grasso in inverno che i vegni a magnar de mi, che po i neta via i insetti.
Te ga provato a tegnir ( o ospitar) un gato?
in alternativa, ti te ciol un bel canocial e te fa birdwatching come la Miss Marple de Agata Christie

[Nona Picia]

Anche mi in inverno meto le bale de grasso perchè passerotti e cince gabi de magnar e i vien zo a decine! I xe assai cocoli.
Ciao ciao

[refolo]

Non xe chei no me piasi, ghe davo de magnar ma, el gatto della mia vicina li copava e metteva sempre vicin el mio scalin, gatti mii non posso averli per via della mia Belva maltese....la li odia.

Finche' ghe saria useleti pici, ma gavemo corvi, e papagai crestadi, chei magna anche el legno. Mi go' sveia alle 5-6 de mattina, xe de perder la pazienza. El fatto xe, chei sta taiando alberi da tutte le parti per costruir case e cussi' mi che li go' za alti i vien qua' de mi'.

ghe studiero' su' e vedero' cossa far, pel momento go' impicca' coriandoli de argento, col vento i se movi e oggi (va ben che fa' 30 ) non li go visti nianche intesi.

Maria aka refolo

[Coce]

Tanto per meterve al corente dele atualita' locali.
La stagion estiva ga comincia' presto sto ano e da diversi giorni gavemo " Bush Fires" in 4 Stati d'Australia, Sud Australia, Victoria, N.S.W., e Tasmania, a Hobart e Sydney i foghi xe ale periferie dele Citta'.
Ciao Coce

[babatriestina]

alora per una volta tanto gavemo quasi la stessa stagion , che qua xe sol, no piovi de un mese e saria ancora tempo de bagno ( l'acqua xe sui 20°)

[refolo]

Qua' ga battu' 38-40 per 3 giorni, me piasi el caldo, ma el mio giardin xe Kaput.
Salvo l'acqua della lavatrice, go stagnachi coi piedi dentro co femo la doccia, tutto per veder un poco de verde. E la schena rotta per portarli fora.

Ma go' za, dito al Comun che se ciapa fogo.....(speremo de no', MAI). mi comincio a bagnar a sbrega balon, perche' se non save' noi qua' paghemo l'acqua anche per i signori in citta'.

Lori se bagna i campi de golf, parchi ecc. e noi paghemo 52 dollari annuali, e non vedemo niente, sara' poco, ma moltiplica' per quasi 3 milioni de case feve un concetto.

Adesso pero', finalmente i vol comprar due elicotteri de nome ELVIS americani che ciol l'acqua su' e in pochi minuti el riva a distudar i foghi.
I soldi nostri anderia meio la'. ma come per tutte le parti del mondo, prima i lassa scampar la vacca dalla stalla e dopo i se sveia.

Maria aka refolo

[Coce]

Le stagioni de TRIESTE xe totalmente diferenti de queste qua' nela parte meridionale d'Australia, qua' in questa stagion la temperatura massima
pol eser 37* ogi e 17* domani, e questo sucedi quasi ogni setimana durante la Primavera.
La citta' de Hobart la xe la Capitale piu' meridionale d'Australia, situada
sule sponde del fiume Derwent che xe navigabile da navi de grossa stazza
e questa xe una foto de come che la iera ieri sera. Ciao Coce

[refolo]

te ga' ragion!!

ghe go' conta' a tutti che in un giorno gavemo 4 stagioni, ieri go' dovesto metter l'aria condizionata sul ciclo invernale, mi gavevo freddo, la pelle xe za un pocheto scura dal sol, e sento la differenza.

Maria aka refolo

[refolo]

Coce, te se ricordi?

Oggi, 15 ottobre, xe 36 anni che xe casca' el ponte a Melbourne, 36 morti.
Mio mari' iera' la, 10 minuti dopo della disgrazia, una triestina xe vegnuda in negozio dove che lavoravo, avvisarme. El ciel iero scuro della polvere.
un distanza de nianche 1 1/2 km. tra el ponte el negozio.

Mi son corsa senza avvisar nessun, el mio manager ga' capi' che iera qualcosa de grave. Son andada in 3 differenti ospedai, nel circolo della Citta'. Mia fia pianzeva...dove xe papa'!
Dalle 10 fin alle 6.30 co go' inteso l'auto fermarse fora della porta de casa, non savevo niente.

Ghe zigo? ""DOVE TE IERI""? Ah! el mio boss me ga' manda' nel tunnel
perche' nol gaveva tanti saldadori elettrici?......questo xe mio mari' lui non ga' mai inteso parlar ne de A. Bell nianche de Meucci. El telefono xe el suo piu' grande nemico, negativo.

Maria aka refolo

[Coce]

Si Refolo me ricordo benissimo, quel xe sta' un incidente che no dovaria esser sucesso. Mi lavoravo in un'altra parte dela citta', ma sicome mi iero parte de quel tipo de industria me ricordo tute le polemiche seguenti a quel disastro. Cioao Coce

[nanaia]

e noi che se impresionemo quando l'Etna mola un poco (se fa per dir) de lava che impresion quel riverbero de fogo sul fondo!

quanto al rapporto mariti/telefono, cara refolo, i xe tuti precisi e a tute le età (che i mas'ceti me perdoni )
nanaia

[refolo]

scusa Betta volevo metter come AVATAR....ma stago imparando, comunque cancellime, perche' xe troppo grande.

Maria aka refolo

[nanaia]

te son bellissima!!!! no scancelar niente Betta!
Nanaia

[babatriestina]

go messo come avatar e go scancelado l'original, ma go tegnudo una copia se la volemo modificar. Xe la parona de l'imagine che decidi sula sua publicazion.
per mi rimpicciolido se vedi poco, ma gavevo salvado la cornise, Volendo se pol ciapar solo la parte central.

[refolo]

Grazie!

xe mai possibile che non posso imparar, el fatto xe chel tecnico me ga' dito chel vegnera' a mostrarme, ma ultimamente gavemo assai viruses.

Anche le companie che offri free-download Image, xe in trouble.

Maria aka Refolo

[refolo]

Discutendo della strada de San Giovanni Bosco ( non volevo andar fora strada mi'.)
Mi go' la foto de mio suocero e de quel che diventera' suo cogna'. Circa 1912, la go mandada a Trieste, finche' ghe iera in piedi el Forum de Fabio Fumi NOSEPOL. Non go' mai piu' ricevu' notizie. Saria bel informarse da lori, qualche documento ghe devi esister? niente de niente nei archivi ?
Forsi, sviando, come che disi Lucio, vado su un sogetto che a voi non interessa, un sogetto za messo su un altro Forum , che non se podeva nominar, ma xe sempre un palazzo seno' una costruzion, con la via dedicada a lori. Provero' mi', perche' a circa 2 km. go' el Coleggio dei Salesiani de Don Bosco, dove mio nipote se ga' fatto tutte le superiori. E mi' go' lavora' per 6 anni. Nell'atrio sul muro, ghe xe tutte le Sedi del mondo. Coincidenza la strada adiacente se ciama Salesian Court.

Maria aka refolo

PS. scrivo qua' perche' se tratta anche dell'Australia, non voio che qualched'un me zighi.