Cese catoliche nel cimitero de S.Anna

[sum culex]

La cesa nova dedicada a CRISTO RISORTO: questa xè la targa al ingresso.



La porta de ingresso



Sora el passagio de acesso xè sta scrita, giusta per un cimitero.

[sum culex]

L'interno abastanza vasto



No xè la solita pianta nè navate, xè come una grande sala de forma iregolar.



Verso l'altar ultramoderno senza fronzoli

[sum culex]

Ancora alcune inquadrature del'interno

[sum culex]

El lato sinistro del'aula



El sofito in particolar de forma piutosto strana e diversa del solito.



Un crocefisso stilizà in metal

[sum culex]

La statua dela Madona con in brazo el bambin Gesù



Soto altre angolature

[sum culex]

E con questo go finì la cesa nova; andemo verso l'altra cesa, ma no go rivà a trovar a chi che la xè dedicada e che la xè sempre serada. La se trova nel centro del lato sinistro del cimitero.
Se la vedi in fondo a un viale



Se avicinemo



La pianta xè otagonal con un pronao su quatro lati

[sum culex]

Particolari dei pronao

[sum culex]

La cupola rivestida in rame

[sum culex]

La 'campanella'



Una tomba su un lato



Su un altro lato la tomba de Kandler

[sum culex]

El busto



L'epitaffio



Purtropo go trovà la cesa sempre serada e no go podù far foto del'interno.
Me alontano e torno a casa.



Go provà a zercar notizie su ste due cese ma no son riuscì (no son sai bravo in ste robe) a trovar gnente, ne su la Guida de Trieste nè in internet. Ghe saria grato al'amica 'babaTS' che sa sempre tuto de tuto e de più, se la poderia trovar qual'cossa per completar sta pur modesta serie. Rongrazio in anticipo.
ciao
sum culex

[babatriestina]

Dela cesa nova, poco so, ma come sempre so de più dela vecia. La cappelleta xe neoclassica, del 1824, dedicada a Sant'Anna ( chi gavessi mai pensado? ) al posto de una precedente che iera anche dedicada a Sant'Anna. No son sicura del architetto.
L a tomba coi basorilievi neoclassici xe del vescovo Antonio Leonardis 1821-1830, e po ghe xe una vizin con una crose ,del vescovo Matteo Raunicher, suo successor.
le gavevo fotografade anche mi, anche se meno ben de ti, ma.. mentre che stavo fotografando propio vizin dela Cappella un bellissimo bassorilievo neoclassico de una tomba, me xe saltado suso un guardian : lei, cossa la fa? Ma no la sa che NOSEPOL ??
xe vero che forsi gavevo sbagliado giorno, iera el 1 novembre de do anni fa, iera un fiadin de gente.. go messo zo la macchian fotografica.. e go continuado più discretamente!
In cimitero no xe alcuna indicazion, ma zercando el sito Acegas xe scritto che se pol fotografar solo col loro permesso.. che me ripromettevo sempre de farme dar. Po su internet xe pien de album fotografici cole tombe dei cimiteri, nostro incluso..
ma per questo, pur avendo fotografado , a mi me interessava statue de scultori triestini e tombe de gente famosa.. no go postado gnente finora

[sum culex]

mentre che stavo fotografando me xe saltado suso un guardian : lei, cossa la fa? Ma no la sa che NOSEPOL ??

Anche a mi co fotografavo l'ingresso dela cesa nova un 'guardian' me ga dito che no se pol far foto. Là dela cesa vecia no iera nissun. Dopo co stavo per andar fora e volevo far una foto dei ferai del ingresso xè saltà fora del uficio un tizio strillando a più no posso e xè vignù anche quel sior de prima.
Ghe go dito: volevo far solo una foto dei ferai.
La vadi a far le foto de fora! el me ga risposto con bruta maniera.
Stessa roba me ga tocà in via Carducci sul porton del palazzo della Regione, dove che senza andar dentro, xè una transena, fotografavo dal de fora i ferai che xè in cortil (el custode sia pur gentilmente me ga dito che se i me vedi i ghe tira longhi a lui). Idem e con bruta maniera in atrio del Ospedal magior. A Catinara, sia pur più con più cortesia, che no devo verzer la machina fotografica. Banca d'Italia, Tribunal go chiesto e me xè sta dito che ghe vol chieder el permesso per iscrito. Ala RAS go avù el permesso de fotografar, ma solo i leoni del'atrio.
In conclusion: go savù che no se pol far foto al interno de nissun edificio pubblico senza el relativo permesso.
In stazion nissum me ga dito gnente e ala Posta centrale go rinuncià.
ciao
sum culex

[babatriestina]

u
In conclusion: go savù che no se pol far foto al interno de nissun edificio pubblico senza el relativo permesso.

credo che sia in effetti una norma genaral, e val anche per i musei italiani, solo che ghe xe modo e modo de applicar :
una roba xe agredir col Nosepol come che i fa qua, e un'altra xe presempio nei musei che iero in Puglia, dove che xe un avviso: Non si può fotografare senza permesso: ritirate QUI i moduli per il permesso! e xe un modulo serio, con dati de carta de identità, che se se impegna a no far uso economico dele foto, mi go scritto motivi culturali e no go avudo problemi. Ma el cimitero no xe el interno de un edificio.. in posta go fato e nisun ma ga dito gnente..e per i esterni, se un vol tirar rogne, se el architetto no xe morto de 70 anni, podessi esser problema de diritto de autor. insoma se podemo fotografar ti e mi. le torte che femo.. forsi el mar... no per strada per la privacici del persone, no in città che no sai un edificio recente... no i fiori al orto botanico ( ma i me ga dito che no i disi gnente..)
ala RAS mi go fotogradado, e nissun gaveva dito gnente, co ierimo co le visite col FAI e gavevo domandado se podevo. Po ala Camera de Comercio ( Borsa) me spetavo che in atrio el me piombi col Nosepol e inveze el uscier me ga perfin verto la luce che vedo meo..

ben tornando ale cese, go trovado qualcossa de più:
La cesetta originaria se S Anna doveva esser anterior al 1338, disi Cuscito, ma nel 1784 ( el solito Giuseppe II) la ga dichiarada superflua e serada al pubblico. I Burlo per un periodo la ga usada privatamente.
L'attual i disi che la xe ispirada ( in picio) dela Rotonda de Palladio. El interno no ga più gnanca elarredo del ottocento e se ben ricordo ga dei scranni de legno tuto in giro.
La nova cesa del 1986 xe progettada de Paolo Gasparini.

[babatriestina]

me taco qua, perchè oggi go avudo un'occasion de far una visita guidada al Cimitero, e per l'occasion i organizzatori gaveva ottegnudo l'autorizzazion a fotografar per el gruppo ( ovviamente, restando in gruppo e no andandosene per le proprie) .
Ma i me garantissi che se se va alla palazzina del Acegas là e se compila el modulo, no xe problemi e dopo se pol fotografar liberamente. Difatti, per l'occasion , savendo che gavevo el permesso, go sfoderado el zoomon e co i me ga domandado "Ma la ga l'autorizzazion ?" ghe go risposto con un "Ceerto, col gruppo" e un bel sorriso e nissun ga dito gnente.
Intanto me taco qua e zonto qualche piccola variante dele foto de Zoomy, tanto per el nostro abitual confronto, e vederè che zoom che go..
ben, per cominciar un dettaglio dela stessa tomba del vescovo Leonardis

mi no go avudo la pazienza come lu de spetar de gaverla tuta in luce, e la xe meza in luce e mezza in ombra, quel che volevo metter in evidenza xe le due figure ai due lati, come due lampade ma anche una specie de usel ( fenice?) che ghe fiammeggia la coda, mi no so che simbolo sia, ma se el xe sula tomba de un vescovo diria che nol podessi esser un simbolo solo che pagan
e anche in mezzo ghe xe una figura che ghe somiglia quasi al sol alato dei egiziani, se la trova su tante tombe ottocentesche, ma anche qua el devi gaver ciapado sicuramente un significato cristian..

come che vedo mi el busto de Kandler, sula sua tomba, che po el xe assai simile a quel del Giardin pubblico

e el dettaglio superzoomado dela campana, che se riva a legger la scritta col testo latin del Requiem. Sta campana ga sonado per el funeral de mia mama..

[sum culex]

El 15 febraio 2012 ierimo in cimitero per un funeral e per combinazion gavemo trovà verta la cesa vecia de sant'Anna, che precedenytemente gavevo sempre tovada serada. Bisogna far foto! Mi no gavevo la nachina fotogtafica, ma, per fortuna, Nona Picia gaveva con sè la machineta picia (bati ben le robe: nona picia= machineta picia) e la ga fato le foto dei sogeti che ghe indicavo mi.

Queste xè le foto del interno dela cesa de Sant'Anna:

L'nterno tondeggiante



L'altar



in particolar la parte superiore del tabernacolo

[sum culex]

El tabernacolo con el calice e l'ostia in un bel bassorilievo



Soto l'altar un testa de Gesù che par in marmo



De fronte, tuto atorno una serie de scranni che compagna la forma circolae del muro

[sum culex]

La pala d'altar



Una statua dela Vergine



Un crocefisso cola statua de Gesù



Le foto no xè el massimo, ma clola luce bastanza balorda e cola machineta che gavevimo no podevimo pretebde de più.
Questo a completamento dle cese del cimitero de sant'Anna
ciao
sum culex