Umor militare

[Ursus Canadiensis]

Chi ga dito che i militari no i ga el senso del'umor?

Sto filmeto me l ga mandado qualchedun per email. El xe sai cocolo e dunque el merita propio de eser visto.

L'onor più alto che una compagnia, regimento o magari ploton de militari posi far xe de voltar la facia a destra in segno de saludo al general, la regina o.... insoma ala persona eminente che li pasa in rivista.

Xe suceso in Belgio a sto fioluz belga durande el ritorno de una compagnia de militari Canadesi che i tornava dal cimitero militare. Deghe un'ociada...


Arnie

http://xo.typepad.com/blog/2009/03/vide ... roops.html

[sum culex]

Assai cocolo! Chissà chi che ga istruì quel muleto che là iera solo, o forsi el ga imparà guardando qualche film per TV.
Forsi, pensandoghe ben, no'l iera solo, ma probabilmente cola persona che lo filmava.
Grazie, me ga piasso.
ciao
sum culex

[Ursus Canadiensis]

Son sicuro che jera i genitori con lui e che i ghe gabi comprado una bela uniforme perchè el posi anche lui saludar i militari. La sorpresa xe che l'uficial comandante del ploton gabi dado l'ordine de ritornarghe el saluto.

Me ga piaso anche che el picio gavesi tanto l'aria naturale che el saludava se el fosi come un militar de cariera.

[sono piccolo ma crescero]

Mi me ricordo che quando che iera el soldà de guardia fora dela caserma de via Rossetti, ghe iera muli che se divertiva a passarghe davanti e saludarlo, e la sentinella che iera in posizion de riposo, scattava su l'attenti. Me ricordo che un mio compagno de classe ghe iera passà davanti parecchie volte, avanti e indrio, e ogni volta el saludava e sto soldà scattava su l'attenti. E a un certo punto, dopo parecchi passaggi, sta sentinella come che el passava ghe ga ditto "E che cazzo, hai finito di rompere!" e el mulo se scampà via.

Conto sta roba perché me xe vegnù un dubbio: no sarà che i ga l'obbligo de risponder al saluto?

[Ursus Canadiensis]

No secondo la tradizion britanica o canadese te pol pasar diese volte davati una guardia de caserma o palazo del governo e no la se movi gnanche un tantin. Infati le putele speso le se meti de fianco ale guardie reali, quele con el capel de pelicia e le se fa fotografar. Se podaria per fin far el caso che quel che l'uficial de quel ploton ga fato saria perfin contro el regolamento, ma son sicuro che nisun mai più noghe dirà gnente per gaver comeso quel'infrazion.

Arnie