xe un libro che nel scorso dicembre xe stado ristampado in un'edizion a prezzo popolare (12 €) in edicola per conto dela Mondadori.
Lo stago leggendo e lo trovo interessante.
Preciso che go già letto del medesimo autor la storia della seconda guerra, e le caratteristiche e limitazioni del libro xe che el xe inglese, el dà quindi soprattutto risalto alla parte avuda dei Inglesi soprattutto per molte fonti, xe più che una storia una cronaca. Però nol ga nisuna tesi politica de provar ( se no che la guerra xe una brutta bestia) e el riporta, proprio per far "riviver" la guerra un sacco de anedoti, casi personali, episodi e lettere e commenti de singoli, insomma leggendo sto libro se la rivivi e le sofferenze e i orori che se leggi sul fronte de Verdun o della Somme se pol benissimo applicarle al fronte del Carso.
El bel del libro xe che el passa da un punto de vista cronologico, quindi se segui i diversi fronti, vedendo quel che nassi nel medesimo periodo, e come una offensiva su un fronte nassi molto spesso per alleggerir un altro fronte.
No ve stago a riportar tutto ( xe 700 pagin scritte con caratteri assai pici che me ocori i ocia..) ma me permeto solo de segnalar, per chi c he credi che fussi una specialità del fronte italian, che anche sul fronte occidental non solo già nel 1914 i fanti francesi vegniva spinti in taluni casi con la minaccia dela fucilazion da parte dei superiori se noi andava avanti, ma perfin de qualche decimazion nel 17 da parte de Pétain.
Bisogna dir anzi che el libro me ga spiegado molto anche sui fronti meno conossudi, la Mesopotamia, el fronte de Salonicco, per no parlar oviamente dei dettagli del sbarco a Gallipoli.
Un interessante aneddoto che el riporta alla morte de Francesco Ferdinando xe el primo commento che par che gabbi fatto Franz Josef: riportado dal conte Parr che le ga riferide a Margutti che le ga riferide diese anni dopo:"Un potere superiore ha ristabilito l'ordine che io, purtroppo, non sono riuscito a preservare". L'aneddoto par riportado anche nella biografia de Alan Palmer su Franz Josef. Insomma, paresi che el matrimonio morganatico no ghe iera andado mai zo..
