gavè ricette triestine de condivider? volè parlar de roba che se magna e se bevi a Trieste? zerchè una ricetta che gavè dimenticado? e se ve sbrissa una non triestina.. ve perdonemo, se la xe bona!
Ciancele ha scritto:una medicina senza efeti colaterali no la val gnente.
Ciancele ha scritto:E per fasoi co’ le crodighe o con l’oso de parsuto crudo, fazo dopo volentieri tre o quatro giri dela casa. In auto, naturalmente. Adeso che savè che son anca peteson augureme cin cin. Prost!
Per mi le crodighe più bone xè quele che resta del lardo bianco, che mi uso per far i capuzzi garbi e la jota. Quele che se compra le xè bele rosee ma troppo molle. Quele del lardo bianco inveze le xè un poco resistenti sotto i denti, le xè .... più de sodisfazion. Provar per creder. Purtropo le xè più pice e bisogna guadagnarsele, però xè tuta un'altra roba. Stago diventando ... romantica.
Un visitator- no iscritto ne manda un messaggio co consigli su folpi e sepe.
Tratandose de rizeta, la riporto
Bondì, vojo solo dirve che non savè coss' che perdè nettando folpi e sepe .
Entrambi va lassadi pieni del nero, risi, ovi e pasti. Una volta lessadi i
va taiadi fini con tutto quel che ghe resta. Ajo persemolo sal e pevere e
oio evo. Con una bona polenta zala liquidizza magnerè la bandiera Austriaca
nostra de prima dela prima guera. Co' i soldai tirava fora la bandiera zalo
nera i veci nostri diseva: ..bon 'desso gavemo polenta e sepe... Scolteme
mi..: butè via solo oci e rostro. El resto concorri a far una
"delicatessen" de mar...............
in effetti se pensè che i vendi a parte el nero de sepe o la "pasta al nero do seppia"..
"mi credo che i scrivi sta roba per insempiar la gente" ( La Cittadella)
Ogi ho un dubio atroce. Eruditemi. Parchè se ciama polenta e sepe? Parchè che se fa cole sepe? Se pol far sepe in umido ciolendo inveze caramai? Pensando ben, a casa mama fazeva sempre sepe, anca frite a anei. Caramai li gavevimo solo quando papà li ciapava, cola pus’cia. Qua xe dificile trovar sepe, solo sepoline za verte. Caramai inveze de tuti i tipi. Ai mii tempi el folpo iera l’amichetta, el toco con il quale andaimo. Vado del folpo: Vado a casa della ragazza. Noi muli ‘ndaimo mati pai folpi.
Me rispondo mi. Par che se posi far anca coi caramai. Go visto una riceta per totani, che saria i caramai pici, con do milimetri de carne. Ma mia mama la gavarà vu un motivo par cior sepe. Pol darse che i caramai sia un poco dureti? Co' gavevimo caramai grandi, mama li bateva par far la carne più tenera, dopo li taiava a anei e po li frizeva.
per mi sepe xe sepe - e fazo in umido o in brodeto, in bianco o in rosso e caramai xe caramai che de solito i magna friti. Ma non son entusiasta perché come che te disi ti i xe spesso dureti e gomosi..
"mi credo che i scrivi sta roba per insempiar la gente" ( La Cittadella)
Le ho fatte secondo le istruzioni e sono fantastiche! Ho usato la polenta taragna che avevo in casa e volevo finire. Non sono stata tirchia con la cannella proprio perché volevo assaporare questo accostamento per me inusuale. Un buon bianco e via... una bella cenetta grazie alle vostre ricette. Grazie per averla condivisa. Vorrei mettere la foto ma devo ancora decidermi a usare image shack
guarda che con imageshack le immagini dopo qualche tempo spariscono! usa l'allegato con l'editor completo, la linguetta è sotto il riquadro dove si scrive.
"mi credo che i scrivi sta roba per insempiar la gente" ( La Cittadella)