Norimberga in cartolina

[babatriestina]

Ciancele ne diseva che xe bela Norimberga, ma la doveva esser tuto altro rima del aguera, co la iera come una volta e no rifatta. Go un gruppetto de cartoline che papà devi gaver ciolto poco prima dela guerra, che el iera a corsi e congressi de medicina
Savendo che a tanti ghe piasi vece cartoline, ve le metto qua

[babatriestina]

[babatriestina]

La casa de Duerer


e quela de Hans Sachs

[Ciancele]

Norimberga in cartolina. Diverse cità xe in cartolina più bele. Specialmente se le cartoline xe del secolo scorso. La Germania xe stada ‘sai bombardada, in qualche posto butada zo fina a l’80%. Mi, co’ son rivà a Francoforte ne l’agosto 1953, son vignù fora dela stazione e go visto una piaza a più de un chilometro de distanza e da questa piaza go visto un’altra piaza anca ‘sai lontan. Dove che una volta iera la zità vecia, e i veci contava ‘sai volentieri e se vedi vece fotografie, dal 1953 xe una viuza a quatro corsie, tuta drita, longa almeno un chilometro, che taia in mezo quel che iera la zità vecia. Tuti parla del municipio ecc. Ma xe tuto ricostruì. De fora vecio, de dentro moderno con asensor. Dei veci muri xe restà un toco, sconto int’una corte dove che xe una casa de risparmio, e qualche metro in fondo ala strada. Se no te sa dove che xe, te pasi davanti senza ‘ver visto gnente. La stesa roba sarà sucesa a Norimberga. E anca Regensburg no ga ‘vudo più fortuna. Me ricorda un poco la cità de Dijon (no te la trovi su l’atlante tedesco, la xe in Francia xx ). Gavevo leto dela citavecia. Mi ciapo l’auto e coro. Giro, giro, giro e po stufà, ghe domando a un: La sa dove che xe la citavecia? El mato me fa: Ma la xe in mezo. El mezo iera una piazeta contornata da case modernissime. Po el me disi che i la ga butada zo. Contentemose de quel che xe, de quel che xe sta ricostruì. Altro posto de andar xe Celle e anca Lüneburg, nela Lüneburger Heide (ma la brughiera in general). Tuti va in agosto parchè l’erica xe in fior. ‘sai bel. Par chi che devi star in dieta xe el ‘rosto de castrà dela region: Heidschnucke.
Come diseva Bocuse: Bon appetit!

[babatriestina]

E anca Regensburg no ga ‘vudo più fortuna. Me ricorda un poco la cità de Dijon (no te la trovi su l’atlante tedesco, la xe in Francia xx ). Gavevo leto dela citavecia. Mi ciapo l’auto e coro. Giro, giro, giro e po stufà, ghe domando a un: La sa dove che xe la citavecia? El mato me fa: Ma la xe in mezo.

de Regensburg i disi inveze che la ga avudo fortuna e che la xe restada intatta dei bombardamenti, tanto che i la ga fatta salvaguardar del Unesco- el centro storico- come patrimonio del umanità. Dove che adesso no se pol butar zo gnente e rifar, perchè par che qualcossa nei anni 50 / 60 i gaveva cominciado.. mi go visto Monaco nel '56 e i me mostrava ancora case con resti de bombardamenti. Per Digione, metto un per de foto, go poco, quel giorno iero senza machina fotografica e go comprado una de quele usa e getta de carton. Xe un per de stradine con case de tipo vecio e po el palazzo dei Duchi de Borgogna, che xe museo adesso. La parte de drio, del Quatrocento. che lori costruiva ancora in gotico, e la parte davanti settecentesca.

eco le case vece

la strada principal che porta dela stazion al centro mostra che la case xe molte del settecento o stile simile e drio le viuzze de quelc he xe restado dela cità vecia


E po xe la cesa gotica de Notre Dame, incastrada che la xe in una stradina strenta che se fa fadiga a fotografar per via dela prospetiva. dovessi tornar cole machine fotografiche che go adesso..
ecola qua

[Ciancele]

Baba Triestina, te me ciapi in contropie. Ma grazie ale tue informazioni se vado de novo a Dijon vardarò la cità con altri oci.