... a proprio ris'cio e pericolo ;-D
mi vado a far la spesa in Barriera, 3 minuti a pie de casa: in 200 metri circa go a scelta:
1 el mercato coperto per fruti e verdure
2 un supermercato de fruti e verdure una cadena furlana che ga ottima roba e bon prezzo. provenienza indicada e ciogo tuto italian.. sti giorni xe persighi ottimi e ultimi armelini, oltre che i primi susini. Sì, xe anche la roba cilena se un vol in sta stagion manderini..
3 due supermercati, una coop e un despar con un poco de tuto
4 Prunk carni, carni slovene dei loro allevamenti subito oltreconfin, butiro sloven ( caro come el nostro ma più bon. più bon prezzo el bavarese al supermercato e ottimo), con anche pan, dolci gnente mal, scatolette tipo pasteta.
5 Due negozi Masè se se vol parsuti locali, mortadelle, formai...
6 Pirona se se vol dolci tradizionali
7 un per de negozi de drogheria, tipo CAD...
8 un a pizzeria che vendi pizze al taio
9 un poco oltre, el negozio con varietà de tuti i tipi de magnar per el gato
10 un negozio de surgelati ( anche se Picard, meio, xe a 5 minuti de casa ma de l'altra parte)
in mezzo anche un per de cafè uno coi tavolini fora sotto el lodogno.
Meza ora al massimo, e torno a casa piena de roba.
), anzi do posti, una paneteria ben fornida e do supermercati dove che se pol crompar anca carne, formaio e luganighe. El problema xe che se trata de supermercati. Prezi relativamente bassi, ma la qualità xe quela che xe. Co’ voio una bona mortadela devo far 25 chilometri tra andata e ritorno, pesse con bona scelta circa 15 chilometri. Per fruti e verdure gavemo ogni giorno un (ciamemolo) mercatino rionale. Martedi, venerdi e sabo vizin casa mia. Mercoledi e venerdi xe anca circa 10 chilometri, ma più grando de piazza Ponterosso de prima. Nela stessa via go un grego, quel che go za dito, dove che trovo le crodighe, sardoni e parsuto. Là vado in palestra a scassar i mii veci ossi e go do passi fina al mercato. Una volta iera là anca un arabo che gaveva bela carne de vedel. Ma co’ se crompa del contadin la zivola dura, la carne no mola liquido rosso e le patate no xe marze. No se pol ‘ver tuto. Gnente 70 chilometri gnente carne, patate e zivole. Prendere o lasciare, se diria par talian. Go za dito che i picoli negozieti xe squasi tuti sparidi e le becherie come a Trieste no esisti. Qua xe studi per salsicce (Wurstboutiques) e te trovi carne, insacati vari, formaio, ma anca insalate diverse per far piati fredi. Naturalmente a prezi altini, ma bona qualità.
