Aquila bicipite fiumana

[AdlerTS]

Dal web:

Fiume, 15 settembre 2006.
La Citta’ di Fiume e l’associazione Stato Libero Virtuale di Fiume promuovono una tavola rotonda vertente sul tema "Ricollocazione dell’aquila bicipite fiumana sulla Torre civica”. L’incontro, al quale parteciperanno numerosi esperti fiumani che si occupano della storia della nostra citta’ ovvero dell’identita’ culturale di Fiume, si terra’ mercoledi’, 20 settembre 2006 con inizio alle ore 19 nella sala congressuale della Transadria, in Riva Bodoli 1.

L'aquila, che a differenza de quela imperiale austriaca tien le due teste rivolte in un'unica direzion, xe sormontada dalla corona arciducale e xe pozada a un scojo con la zata destra, mentre con quella sinistra tien tra gli artigli un vaso da cui scorri acqua. Sotto, la parola "Indeficienter".

L'originale xe andado distrutto, ma resta le foto dalle quali ricavar un doppion. L'unico toco ancora salvo xe proprio la scritta.

Dovessi esister anche un sito web per votar el sondaggio, ma non son capace de trovarlo

[refolo]

Clicca sotto AUSTRIA, coat of arms

Maria aka refolo

[babatriestina]

Dal web:[....]

mi ogni volta che te me scrivi dal web voleria leger un link preciso, cussì xe tropo generico

[refolo]

The first flag was hilsted in Fiume until 1835
When the town was ""CORPUS SEPARATUM of the Austrian Empire

Le due teste guarda verso l'Occidente, nel nov. 1919 sotto el governador G.D'Annunzio Fiume ga infiltra la bandiera tricolor e cava' via una testa dell'aquila, per non farse ricordar dell'Austria.

Baba cerca e clicca sempre sotto the Eagle flag of Fiume non te sbagli.

Maria aka Refolo

[babatriestina]

Le due teste guarda verso l'Occidente, nel nov. 1919 sotto el governador G.D'Annunzio Fiume ga infiltra la bandiera tricolor e cava' via una testa dell'aquila, per non farse ricordar dell'Austria.

Baba cerca e clicca sempre sotto the Eagle flag of Fiume non te sbagli.

come fa do teste a vardar nela medesima direzion ( occidente) che le se volta le spale una col altra?
el discorso de zercar che te me disi no dubito, ma el mio iera un altro discorso: mi disevo che co un conta che ga trovado "sul web" xe generico e che dovessi dir quel toco dove che el lo ga trovado e riportar el indirizzo. Sta roba la go imparada sul SitodeSandro e me par molto giusto. Perchè sul web se trova anche dischi volanti, elfi, roba che no esisiti, siti e blog de fanatici che la storia se la inventa come che vol , no sta a noi andar a zercar ma a chi che posta dir dove che ga trovado , costa poco dir " go trovado sul sito XY", anche per far capir se xe un sito attendibile o meno.
Mi volevo che Adler ne conti dove xe e qual che xe el sito che riporta el passo che comincia con
Fiume, 15 settembre 2006 ( no dubito che un Adler se interessi ale aquile )

[AdlerTS]

Dal web:[....]

mi ogni volta che te me scrivi dal web voleria leger un link preciso, cussì xe tropo generico

Te ga ragion.

El sito xe quel istituzionale della città de Fiume

http://www.rijeka.hr/default.asp?ru=615 ... d=&jezik=4

[babatriestina]

go zercado e anca mi go trovado questo

col el stemma che zonto qua sotto, e capisso adesso come che le do aquile varda dela stessa parte e un testo su wikipedia http://it.wikipedia.org/wiki/Stato_libero_di_Fiume che disi

Il simbolo cittadino dell'aquila bicipite, il cui uso fu vietato sia dal regime fascista che da quello comunista, torna in uso appena nel 1998 ma ancora monco del motto Indeficienter, nonostante un gruppo d'opinione cittadino e di esuli stia premendo per la sua reintroduzione

[refolo]

E cossa go' dito ? dipenti tutto da secondo l'interpretazion de chi che vol aver ragion? sia che la politica o quel chei ga' cerca' de far restar la solita
question de come che se presenta quel che xe stado, i voleva fora l'Austria? e cussi' xe stado.

Adesso stago cercardo de stabilir el motivo, ragion, interferenza, religion,
politica, de come l'aquila co do' teste, la xe rivada fin ai piedi dei monti de
quei che ga' servi' con la Marmora in Turchia!

Maria aka refolo

[babatriestina]

Adesso stago cercardo de stabilir el motivo, ragion, interferenza, religion,
politica, de come l'aquila co do' teste, la xe rivada fin ai piedi dei monti de
quei che ga' servi' con la Marmora in Turchia!

qua la storia per mi se complica, perchè esisti più Lamarmora ( scrito tuto tacado), tuti generai piemontesi, uno ga combattudo in Crimea 1853 56 ( e quindi podessi gaver a che far coi Turchi), un altro xe quel che le ga ciapade a Custoza nel 1866.
Per l'aquila, xe tanti che gaveva insegne de aquile, ghe xe un'aquila russa, un'aquila albanese.. e più che vardo sta aquila fiumana più la me par una coppia de aquile più che un'aquila a do teste, , perchè xe doppio anche el collo e el petto. Gavemo perfin un'aquila nel stemma dela Region Friuli venezia Giulia!

[babatriestina]

Sul Piccolo de ieri iera un resoconto dela tavola rotonda e adesso me par de capir un poche de robe ( anche se per gaver le idee ciare ghe volessi saverne de più):
1 l'aquila bicipite : un aquila bicipite no xe dubbio che xe un'aquila con do teste, e quela de Fiume la ga due , come che se vedi dela imagine che go postado sora. Ma no la xe l'AQUILA BICIPITE ( tuto maiuscole per antonomasia) quela che ghe piasi a Adler, perchè no la xe quela dei Asburgo! anzi, me piaseria saverghene la storia, quando la xe nata, etc.... per cui, visto che no la xe QUELA, anche se el nome xe quel, el post andassi più in Istria o Dalmazia ( ben Fiume cossa xe? mi diria più Dalmazia che Istria visto che el xe stado per secoli soto la Corona ungherese) che in Miteleuropa, anche perchè gavemo visto che l'aquila no xe la asburgica. Ma no basta:
2 no la xe tanto asburgica, che chi che sostien la sua ricollocazion no xe i nostalgici asburgici, ma el rappresentante dela Comunità degli italiani L'aquila bicipite è uno dei simboli di Fiume e l ga dito Invece l'accademico Petar Strèiae e Branko Kukurin ga dito che I fiumani non hanno mai appoggiato questo simbolo. Ciò significa che se l'aquila bicipite verrà ricollocata sulla torre, allora verranno ripristinati pure i simboli fascisti e ciò nessuno vorrà. Per Kukurin la xe una gallina spennacchiata. Insomma, a sta aquila i ghe sta dando quasi del fascista.
Par che la iera dal 1906 ( gnanche tanto antica, ma paressi - el Piccolo xe poco ciaro- che la fossi una ricostituzion, ma no disi de cossa).
El sondaggio ga 93,24 % de favorevoli, ma i votanti xe 932, tanti o pochi? Ocio Adler che se te voti a favor de l'aquila bicipite i te pol accusar de gaver sostegnudo un simbolo italian

[AdlerTS]

Un link abastanza esaustivo xe

http://www.rigocamerano.org/fsfproda.htm

in sintesi l'aquila xe stada adottada con diploma d.d. Vienna 6 giugno 1659 dall'imperatore Leopoldo I. Del 1906 jera quela proprio della torre e D'annunzio ghe ga cavado una testa perché ghe pareva tropo austriaca.



Che dopo ognidun che pol dar significati diversi xe dovudo al fatto che ghe xe stadi tanti ribaltoni nelle ns. zone nei ultimi 100 anni.
Personalmente, non la vojo veder come italica, slava, tedesca o magiara: rappresenta comunque lo stato delle cose prima de quel danà 1918 e quindi me va mejo de quel che xe vignudo dopo

( ben Fiume cossa xe? mi diria più Dalmazia che Istria visto che el xe stado per secoli soto la Corona ungherese)

Per la geografia, la denominazion giusta xe Quarnero !

[babatriestina]

rappresenta comunque lo stato delle cose prima de quel danà 1918 e quindi me va mejo de quel che xe vignudo dopo

ma se la iera del 1906, fin al 1918 la ga durado solo che 12 anni??? chi la ga tirada zo?

( ben Fiume cossa xe? mi diria più Dalmazia che Istria visto che el xe stado per secoli soto la Corona ungherese)

Per la geografia, la denominazion giusta xe Quarnero !

mi no ghe ne fazevo un problema geografico, ma pratico, dele ripartizioni del nostro forum- no gavemo una sezion Quarnero!