un altro giardinetto- via Catullo

[babatriestina]

Ieri, spetando che verzi un negozio, me son trovada in una zona che de solito no frequento e go trovado un giardinetto, abbastanza central, no molto grande, ma che no conossevo. Cussì, col solo telefonin go fato un per de foto: lo riconossè? ghe sè mai stadi?
No xe gran chè, un pochi de alberi adesso nudi, un asfalto scrostado, un per de zoghi per fioi..



questo gaveria bisogno de un poco de "riqualificazion"

[AdlerTS]

Dove xe ?

[Bilbo]

lo riconossè? ghe sè mai stadi?

rispondo "no" ala prima domanda, de conseguenza la seconda diventa un "no so"

[babatriestina]

ve lasso un poco de stroligarve, disemo che sarà un quarto de ora a pie de Piazza Goldoni.. abastanza central..
se dopo no ghe rivè, ve meterò una foto de uno dei edifici ai sui lati e alora dovessi esser più ciaro

[Nona Picia]

Giardino Basevi?

[Nona Picia]

PS: no so se el nome del giardin xe giusto!!!

[babatriestina]

Giardino Basevi?

se te intendi quel andando verso san Giacomo ( percorso della 10) la risposta xe NO. Anche quel xe scrostado el asfalto e abbastanza lassado andar, e in riva, ma nol ga campetto zoghi per fioi e xe assai più grande. Acqua, acqua...

[cenerentola82]

Via Catullo?

[babatriestina]

Via Catullo?

Brava!!!!
per completar, ve meto la foto del sfondo, e se dovessi capir che xe el drio del ospedal militar. sarà stado in origine el giardine del ospedal?

[ffdt]

mai savesto che ge fusi un giardineto la` ... ... gavero` de andar a cucar