falso triestin

macondo · Messaggio da **macondo** » dom 15 ott 2006, 15:21

Quando Triestemia gavevimo un divertente topico sui strafalcioni che certi combina quando i vol parlar 'in lingua' ma i se strasina drio certe parole in dialeto che lori 'italianiza' zontandoghe qualche dopia o robe simili...(Capita nele piú bele famiglie).

Tipo: attento al plocchio, indrizzati le tiracche, mangiare e bevere, smontiamo alla prossima fermata ecc.

Se qualchedun ga qualche bel esempio, che per favor el se fazi avanti

nanaia · Messaggio da **nanaia** » dom 15 ott 2006, 15:55

mi go un esempio ala riversa: mio papà iera de Cagliari e con noi viveva una sua sorela che dopo una vita a Trieste la diseva malorsiga pure, ho ciapà un refolo di bora...;

fa freddo, ha ghiazà; passami la fassora

in realtà a casa mia iera bilinguismo: con papà (che iera più triestin de tuti, tra l'altro) parlavimo in lingua e con mama in triestin (quel de Betta, però, no quel vero

)
Nanaia

Nona Picia · Messaggio da **Nona Picia** » dom 15 ott 2006, 16:10

Un girno, anni fa co i fioi iera pici, passeggiavo con lori inCorso e davati de mi iera una signora molto elgante , con una picia molto elegante con una barbie un man. La ga fato un capriceto e la ga butà la pupa per tera. Sua ma ghe ga dito:"Ecco, vedi quello che succede e adesso ingrumala!
Ciao ciao

AdlerTS · Messaggio da **AdlerTS** » dom 15 ott 2006, 21:54

macondo ha scritto:Se qualchedun ga qualche bel esempio, che per favor el se fazi avanti

Sei sporca: vieni qui che ti forbo !

(ma me vegnerà altre

)

babatriestina · Messaggio da **babatriestina** » dom 15 ott 2006, 22:09

Mah, mi me ricordo la ridada co gavemo sentido la vicina dela mia compagna de scola che ga dito Che spussa de capussi!!

per el resentado, ghe xe la poesiola, dela signora Silvia Lepore 2001, riportada da Carpinteri nel suo libro sulle parole triestine:

La me scusi, ma i me spingi
Coss'te scendi qua anche ti?
La me apri qua de drìo?
El borson lo prendo mi
Più no i sburta, più no i smonta,
più no i verzi, più no i ciol:
i sempiezzi no se conta
co parlar finoto i vol
ti te scivoli sul iazzo
te se sbrissi tutintùn
tuti russa quando dormi
no ronchiza più nissun
Chi disbrata più la casa?
Chi più magna i articiochi?
La me taia el polo a pezzi?
Go magnà lepre coi gnochi
del dialeto un luminare
in tv go un giorno inteso
no'l ga dito distirà
preferindo dir disteso.
qeuesto nostro bel dialeto
i lo ga ben resentà
pardon voio far la fina
el xe stado risciacquà
ve postemo a casa noi?
nostro fio do muli ciama
Grazie no spetar dobiamo
Viene a ciorci nostra mama

nanaia · Messaggio da **nanaia** » lun 16 ott 2006, 7:43

grande Betta! Te me ga fato cominciar la giornada con una gran ridada ( a proposito de poesie

)grazie!
Nanaia

Nona Picia · Messaggio da **Nona Picia** » lun 16 ott 2006, 7:51

ottima!
Ciao ciao

babatriestina · Messaggio da **babatriestina** » mar 17 apr 2007, 14:20

Ormai ne succedi de parlar italian e a volte tradusemo in triestin el italian, con risultati comici ( vedi la poesia viene a ciorci nostra mama). ma quel xe una parodia, adesso provemo a metter le espressioni che leggemo nei forum triestini e el vero termine triestin.
Mi go leto un agiunger che dovessi esser zontar

Nona Picia · Messaggio da **Nona Picia** » mar 17 apr 2007, 18:30

Xe una bona idea. Mi so de un prender che sta per cior, xe uno abastanza comune.

babatriestina · Messaggio da **babatriestina** » mar 17 apr 2007, 19:38

el classico scender per smontar

babatriestina · Messaggio da **babatriestina** » mar 17 apr 2007, 21:36

mea culpa: vedo che in un post go scritto riparar inveze de governar

refolo · Messaggio da **refolo** » mer 18 apr 2007, 1:28

Betta,

Questo succedi co te ga da far con diversi dialetti, o persone che parla differente.
Per parlarlo veramente ben, se doveria cior sto famoso dizionario? che me par certe parole anche la' le xe sbagliade.

Mi per esempio i me gaveva suggeri' de scriver le ricette in Italian invece del triestin, ga' un pocheto de volgare ""Zontar?"" me vien sempre in mente VIA DELLA ZONTA!........non sta rider ma xe vero.

Maria aka Refolo

babatriestina · Messaggio da **babatriestina** » mer 18 apr 2007, 6:51

go letto un "ussir" ( uscir) per andar fora

Nona Picia · Messaggio da **Nona Picia** » mer 18 apr 2007, 8:08

Aprir inveze de verzer.

babatriestina · Messaggio da **babatriestina** » mer 18 apr 2007, 9:54

altra perla: "Ghe go chiesto"

Tirabaralla · Messaggio da **Tirabaralla** » mer 18 apr 2007, 14:23

Mea culpa per tuti i erori che gaverò sicuramente fato in sti ani.
No xè mica fazile, ah

babatriestina · Messaggio da **babatriestina** » mer 18 apr 2007, 15:34

Tirabaralla, el divertente xe co le perle le fa i triestini nativi, no quei che vien de fora

magari xe gente che disi chiuder per serar
In realtà a volte xe quel mezo triestin che el mio prof de italian ciamava Triestino annacquato

Nona Picia · Messaggio da **Nona Picia** » mer 18 apr 2007, 16:54

Mi inveze sento spesso:ghe go aprì la porta. Mi capisso che lo disessi mia mama, che iera austriaca, ma de triestini me fa assai de rider!

AdlerTS · Messaggio da **AdlerTS** » mer 18 apr 2007, 17:56

Nona Picia ha scritto:Per fortuna la polizia o i carabinieri xe riuscidi a convinzerla e cussì i pompieri ga podù ciaparla

Xe riuscidi o ga rivado

(no ciapartela, anche mi resento spesso el dialetto

)

babatriestina · Messaggio da **babatriestina** » mer 18 apr 2007, 18:16

se legi anca " me go tolto un dente"