Donne del latte

[babatriestina]

La metto qua, perchè venivano dai paesi del circondario, ma potremmo metterla anche nella sezione arti e mestieri.
Ho trovato questa ricerca e mi è sembrata interessantissima:
http://www.trst.it/solatomazic/milk/ita ... mmario.htm
La storia delle donne del latte ed i loro ricordi.
Io quella di casa mia la ricordo bene, ma non ne conoscevo il nome, venne da noi fin verso gli anni 70, credo dalla zona di Caresana, o di qualche paese vicino.

[AdlerTS]

Sito molto completo !

[Lugara]

Grazie Babatriestina, sito molto interessante, ricordo anche mi la dona del late che veniva zo a San Giovani de Padrician o Basoviza credo. La spetavimo sule scale con la botiglia de vetro e per mi che andavo in asilo iera una festa vederla impignirse de quel late spumoso cussì bon. Le done del late se ciamava mlekarze o qualcossa del genere.
Mama mia come che xe cambiade le robe!

[AdlerTS]

Le done del late se ciamava mlekarze o qualcossa del genere.

Mlekarica (mlecariza)

[Nona Picia]

Anche a Roian dove che stavo mi veniva la dona del late, una signora che a mi me pareva vecia e grassa chela portava el late fin daventi la porta de casa, pian per pia. E che bona "panna" fazeva quel late! Alto che quel de ogi!

[AdlerTS]

Da "Giorgio e io, un grande amore nella Trieste del primo '900" de Anna Fano: C'era a quel tempo a Trieste l'uso di consegnare la biancheria da lavare alle contadine slave che abitavano nel Carso e che dovevano fare chilometri e chilometri col pesante fagotto sulla testa. Niente ferrovia, nè corriera, solo le gambe. E magari col freddo e la bora. "quella povera lavandera, la xe tuta iazada. Faghe un poco de minestra che la se scaldi" [...]In un angolo della cucina mangiava a gran cucchiaiate da un pentolino. Ma anche in una casa aperta come la nostra sarebbe parso uno strappo troppo grosso invitare la lavandaia alla nostra tavola

Certo che ste done che vigniva zo del carso non se la passava sai ben ....

[angiolina]

Da "Giorgio e io, un grande amore nella Trieste del primo '900" de Anna Fano

Scusate l'ignoranza, ma chi è Anna Fano ?:?

[Nona Picia]

Anche de noi veniva la lavandera, che po' iera la stessa che ne portava el altte. E anche mia mama ghe dava el piato de minestra. se la acetava!

[AdlerTS]

Anna Fano jera una ragazza della piccola borghesia ebraico-triestina che incontra un uomo affascinante, filosofo e mercante, geniale e coraggioso, ottimista e volubile, di sedici anni più grande di lei, Giorgio Fano, già sposato, con due figli. Anna Curiel Fano è stata la fedele compagna e collaboratrice del filosofo e scrittore Giorgio Fano che sposò nel 1931. Ha scritto numerosi racconti, alcuni dei quali comparsi su giornali e riviste, il libretto autobiografico "Noi ebrei" e una commedia intitolata "Vittoria".

[angiolina]

Grazie Adler, l'ho visto solo adesso

[serlilian]

De noi la lavandera vigniva fin ai anni Sessanta, credo.
Ghe davimo de lavar i linzioi. La distirava per tera un linziol, piegado in quatro, la meteva tuta l'altra roba sora e la fazeva un per de gropi nei cantoni e vigniva fora un gran fagoto, che la se meteva in testa. Mi la guardavo afascinada. Doveva esser pesante. La andava po' fino in Largo Bariiera e la ciapava la coriera.
Un per de volte son andada anche a casa sua, a Bolùnz e semo andade a far una bela caminada in Val Rosandra, anche con su fia, che doveva aver la mia età.

[serlilian]

Tornando ale done del late. I disi che Via dela Zonta se ciama cussì perchè là iera una fontana e le done del late se fermava .... a darghe una zonta al late. Me ricordo una mia zia che diseva: "Le porta ela late nele case dei siori e pò, co 'l bidon xe mezo svodo, le zonta aqua. Ala fin, de noi le porta solo aqua".

Late... lota de classe?

[Nona Picia]

De noi la lavandera vigniva fin ai anni Sessanta, credo.
Ghe davimo de lavar i linzioi. La distirava per tera un linziol, piegado in quatro, la meteva tuta l'altra roba sora e la fazeva un per de gropi nei cantoni e vigniva fora un gran fagoto, che la se meteva in testa. Mi la guardavo afascinada. Doveva esser pesante. La andava po' fino in Largo Bariiera e la ciapava la coriera.
Un per de volte son andada anche a casa sua, a Bolùnz e semo andade a far una bela caminada in Val Rosandra, anche con su fia, che doveva aver la mia età.

Anche de noi veniva la lavandera, che po' iera la dona del late. E la se meteva el paco de straze in testa.....

[babatriestina]

De mi le iera distinte, e no me ricordo per quala delle due nona salvava el pan vecio per le bestie in stalla: la dona del latte, imagino! e, fin che le ga lavorado, nona ( che comandava a casa) no ga mai ciolto latte pronto e anche la lavatrice la la doprava per robe pice, ma " no se ghe cava el lavor a ste done". Anche mi me ricordo el lenziol col fagotto dela lavandera, e mia nona che gavea un quadernetto che ogni volta la segnava cossa che va fora e cossa che torna . E la gaveva fatto , e la me gaveva fatto far anche a mi, un piccolo monogramma su tuti i tochi che andava a lavar, che cussì no la se confondi con roba de altri. Praticamente la ghe dava alla fin la roba dela liscia grossa, lenzioi, tovaie, strazze de cusina...

[serlilian]

Noi inveze el monograma... lo compravimo pronto. In merceria i vendeva un nastrin con le iniziali in rosso. Se taiava, tra una letera e l'altra e se lo cusina sul linziol o la straza dei piati.

[1382-1918]

Me ricordo anche mi che vigniva la dona del late, la iera de Basoviza, e spesso vigniva anche suo marì, i iera tuti do ogni matina in giro a portar el late con quei recipienti de aluminio, credo, con tacadi su con dele cadenele tuti i misurini per svodar le quantità giuste.

La baba iera un donon, robusta, ma gentile, e la se fazeva tuta la zona de San Giovani alta, la zona del'Università e la parte alta de via Fabio Severo e via Cologna, me par che in una setimana la vigniva do volte in ogniduna de ste zone.