Stornei

[sono piccolo ma crescero]

Ogi scriverò ala ffdt, in omagio al paron de caxa, ma xe un esperimento che no ripeterò; spero che no'l se ofendi..

A caxa mia iera un modo de dir: "el xe un stornel" dito cuaxi sempre a un mulo o una mula simpaticamente vivaci, ma un xbich tropo. Cuando go leto la "cavalina storna" de Pascoli, no me son gnanche insognà de 'ndar a veder cosa che volesi dir: go pensà (lugara e rofizal se magnarà le man de la rabia) a una bestia giovane, vivace, adata a tirar svelta cualcosa de legèr e no a cari pexanti. Solo più tardi go imparà che storno vol dir nero a macete bianche.

Solo ogi, po', go capì che el stornel (sturnus vulgaris) se ciama cusì pe 'l steso motivo. O meio, secondo el Devoto Oli e anche el "Garzanti della Lingua italiana" el nome del color del mantel del caval vien dal nome de 'l useleto.

Cuesto xe un stornel



Ma xe de dir che no i xe quaxi mai soli



Una canzon triestina li ricorda

Stornei moreti bei che a nuvoloni
svolè per l'aria liberi e beati
zigando forte come tanti mati
se mati si, ma pur se cocoloni.

Eco, mi go meso la foto tesera per la carta de identità, me manca i nuvoloni. El primo che li ga, li taca cua soto.

P.S. Che fadiga e no so gnanca se go scrito giusto; ffdt perdonime, ma no lo farò più.

[babatriestina]

Ogi scriverò ala ffdt, in omagio al paron de caxa, ma xe un esperimento che no ripeterò; spero che no'l se ofendi..

Ma xe de dir che no i xe quaxi mai soli

ahi ahi ahi, te xe scampada una q !!! ormai savemo che ffdt ghe ga giurado guera ala q, in principio i pensava che se ghe gaveva roto el tasto..
comunque grazie, perchè anche mi go sempre pensado che una "cavallina storna" fussi come una "mula storna", distratta, scapestrata disessimo in italian. e grazie ale foto dei stornei, che no li go mai visti de vizin.
ve ricordè che a un certo punto radio TS fazeva la trasmission "cari stornei" ?

[sono piccolo ma crescero]

[OT]Però me rendo conto che quando ghe digo a mia mama per telefono "tranquila che rivo", el son non xe de qu, ma de cu.[/OT]

[ffdt]

[OT][...]el son non xe de qu, ma de cu.[/OT]

eh ... xe per cuel che la scrivo cusi`

e grazie per le foto de i stornei che no gavevo mai visto de cusi` a rente i xvola tropo in altro e tropo in furia

[babatriestina]

[OT come sora]Se qualchedun me farà capir la diferenza de son fra cu, qu e ku, ghe dirò bravo!!
adesso che me vien in mente:
Co iero picia, iera una canzon de Celentano, Aulì ulè che cominciava:
Scrivevo quore con la q
cuaderno con la c
quand'ero piccolino così..
e per tornanr un fiadin ala fauna.. a cuando la foto del quqù? o qucù? o kukù? e perchè no qq?[/OT]

[sono piccolo ma crescero]

Go trovà tra la foto fate da mia moglie l'anno scorso, la foto de un nuvolo de stornei in ciel, iera in otobre. La meto per completar el discorso.



E a proposito de quel che noi disemo stornel, in italian esisti la parola stornello (dal Devoto Oli: Forma di canto popolare italiano di origine probabilmente toscana...). Sempre secondo sto vocabolario i due nomi no ga niente a che far tra de lori e questo secondo deriva dal provenzale ... ma sarà vero?

Cosa poso dir... mi no me pronuncio, ma, se vedè un ciapo de stornei come questo ... ocio de soto!

[babatriestina]

come se fa a saver, co se vedi un nuvolo de useleti cussì, in autunno, a saver che xe propio stornei? perchè xe i soli che svola cussì? la forma del gruppo? la stagion?

[Nona Picia]

A dir la verità co in autunno te vedi un grande gruppo de useleti che svola de qua e de là, senza una meta apparente e a volte i fa andata e ritorno più volte sempre atorno ala stessa zona, alora quei xe i stornei, diria inconfondibili e xe veramente de dir, come piccolo ga scrito: "OCIO DE SOTO!!!"

[ffdt]

[...]stornello (dal Devoto Oli: Forma di canto popolare italiano di origine probabilmente toscana...)[...]

pero` el pianigiani dixi che "storno" ga un secondo significato che deriva de 'l latin STURNUS che a sua volta ciapa una voxe comune europea che vol dir "zigar" e che 'l storno el vien ciamado anca stornel ... el fa anca la descrizion de 'l uxel e xe de creder che 'l sia proprio lu

[sum culex]

Xè fora tema, ma meto qua visto che se parla de storni.
La parola 'STORNO' ga anche un significato più, ciamemolo, 'comerciale'; no so se xè giusto, ma no me vien una parola più adata.
Guardè sto tagliandin de cassa



ciao
sum culex

P.S.: No stè pensar che gavemo magnà mi e nonapicia tuti quei gelati: gavevimo ospiti i cugini de ela, quei de l'Austria e dela Gemania e ghe gavemo oferto el classico gelato in viale.

[Nona Picia]

Ieri volevo fotografar una cincia che magnava la bala de grasso.... Sti dispetosi de passerotti me ga fregà.... Primo perchè volevo la cincia coi sui bei colori, secondo perchè i passeri ga el stesso color del muro che x dedrio.
E la foto no xe granchè perchè go dovù farla oltre la lastra dela finestra perche senò i useleti scampava.

[Lugara]

Ieri volevo fotografar una cincia che magnava la bala de grasso.... Sti dispetosi de passerotti me ga fregà.... Primo perchè volevo la cincia coi sui bei colori, secondo perchè i passeri ga el stesso color del muro che x dedrio.
E la foto no xe granchè perchè go dovù farla oltre la lastra dela finestra perche senò i useleti scampava.

Bè, cussì podemo aprezar el notevole mimetismo dela livrea dei passeri domestici...

[babatriestina]

curioso: de mi vien solo che cince, gnanche un passero se ga mai visto! poveri pici, anche lori ga diritto de magnar, no?

[Nona Picia]

Mi go in giardin due o tre cince che gira e una trentina de passeri che le frega spesso e volentieri. E ogni tanto passa qualche tortora, quando no xe cornacchie in giro.