Precenico ( Precnik) e i suoi dintorni

[babatriestina]

Precenico ( Precnik) xe un paesetto fra san Pelagio e Malchina, in una zona alquanto appartada e poco battuda, se non de cacciatori. però el se vandta dde esser diviso in due frazioni, per cui gavemo un Precenico Superiore e un Precenico Inferiore ( un poco come Ober Lesece e Unter Lesece)-
Entrambi ga qualche casa caratteristica, ecco quele lungo la strada de Precenico Inferiore, de tipo de piera con poche finestre: ( sula destra, targa in memoria dei partigiani)

su una casa di fronte, un bel porton con l'architrave scolpida, monogramma de Cristo con crose e sacro cuor e due fiori/frutti incrosai sora:

( un poco maciado de malta, ma bona qualità de scultura)
non funzionante, ma abbastanza in bone condizioni el vecio lavatoio pubblico

[babatriestina]

fra le due frazioni, el pozzo comunal del 1866

con di fronte el monumento ai partigiani

a Precenico Superiore, casa carsica con ballatoio con vecia balaustrada de legno

[babatriestina]

Sempre Precenico de sora, su un porton novo, una testina tipo panduro, stile naif moderno, no molto de mio gusto:

el lavatorio de Precenico Superiore xe più abbandonado

No ghe xe cesa, ma ogni frazion ga la sua edicoletta col imagine sacra: questa xe una Madonna ( per quel che se pol capir visto el vetro molto sporco) e nel altra un sacro Cuor credo ottocentesco: metto questa per la decorazion in piera intorno più elaborada:

[babatriestina]

introno, ghe xe doline con resti dele retrovie austriache della prima guerra, anche alcune strade sterrade xe del epoca, se vedi ancora qualche scalinata

e ingressi de ripari

nelle doline, incomincia a spuntar i bucaneve

[babatriestina]

sui prai xe in fior el crocus reticulatus

e nelle doline più sotto, inveze, el crocus vernus

come vedè, i xe piuttosto diferenti, el primo xe più ciaro, coi petali a punte e le variegature esterne, el secondo , che xe anche in bianco, ga i petali più coloridi, cole punte più arrotondade e come una macia sule punte
no manca le primulette ( primula vulgaris)


sarà anche vulgaris, ma a mi la me piasi tanto!!!

[babatriestina]

salindo verso el monte Na Precniki, se incontra formazioni carsiche tipo campi solcai

e sulla cima, el tondin del IGM ancora del 1935 ( o xe solo la legge?)

più sotto, fra una stradina e l'altra, un monumento al partigian Jozef Knez morto nel agosto del 1944

[babatriestina]

nella zona ghe xe parecchie vasche per abbeverar la fauna selvatica

oggi le iera tutte gelade

ma no ste pensar che sia solo che regalo de amanti dei animali! vizin xe spesso dei casotti de caccia

[babatriestina]

in una dolina, un campo de rave abbandonado!

[sum culex]

el lavatorio de Precenico Superiore xe più abbandonado

No voleria farghe la punta 'ala matita', ma sia questo che quel de una foto precedente no me ga tanto de lavatoio, ma più de abeveratoio per le armente. De solito i lavatoi ga quel piano inclinà dove che le done insavonava e stropiciava la roba de lavar; la vasca serviva solo per el risciaquo in acqua corente.
Purtropo no go trovà nissun pupolo.
ciao
sum culex

[babatriestina]

in effetti, go avudo un poca de esitazion, ma me gavessi parso strano che ghe fussi stadi due abbeveratoi per le bestie e nissun lavatoio!
po sempre de sotto, go visto questa vasche


che me ga fatto pensar che podeva esser per el bestiame.
un lavatoio ancora in funzion lo go visto in Carnia a Illegio, ecotelo qua: el ga efetivamente davanti el piano inclinado, ma se te ghe cavi el piano davanti, fazendolo cascar te ga una roba simile a quel che go fotografado

[carsolin]

Ve confermo che xe abeveratoi per le bestie. Ghe ne xe pien, a San Pelagio ghe ne xe anche dò. Un vizin a zimitero e un sula strada che dal paese porta a Precenico, un xe visibile in pien a Samatorza, co te smonti dela coriera e te son un fià "comoso" ghe xe el risc'io de finirghe drento.

[babatriestina]

Grazie per la correzion, e se in due che me correggè!
mi li fotografo, perchè credo che ormai nissun li dopra più , tanto xe vero che i xe svodi de acqua, e me sa che prima o dopo i sparirà, se volontariamente o sepolti dela vegetazion no so. Iera stado quel lavatoio funzionante in Carnia che me gaveva fatto pensar.. esisti lavatoi pubblici in Carso?

[carsolin]

Che funzioni ancora non sò.
Se no me ricordo mal, ghe ne dovessi esser un a Santa Crose, sula strada che va zò in costiera.

[ffdt]

[...]esisti lavatoi pubblici in Carso?

in carso no so, ma a s. giuxepe dovesi esserghene ancora un ...
sur le karst je ne sais pas, mais à S. Giuseppe il devrait encore exister un ...
on the karst I don't know, but at S. Giuseppe there should still exist one ...