Più de una ventina de anni fa, co xè morto mio zio, mia zia (acquisida), andavo una volta per setimana a trovarla, me ga volù regalar un per de camise e de cravate. 'Come te le porti a casa?' la me fa. 'Metile in una borsa' ghe digo mi e ela: 'Ma no te fa caso a ti, come omo, andar in giro con una borsa de nailon?' La mentalità de una volta.
E mi ghe go contado quel che gavevo fato un per de giorni prima.
Gavevo de cambiar la tazza del cesso che gavevo risitemà el giorno prima e che mio fio più picio per strenzer le vide lo gaveva roto. Bon, iera venerdì, dopo uficio vado in un negozio in via (quela volta Media) sceglio l'ogeto e dopo pagà, ghe digo: vado casa a cior l'auto e torno. Me dispiasi, me fa e comesso, fra diese minuti seremo. Va ben, vegno doman matina. No, me dispiasi, doman xè sabato e semo serai. Alora cossa go fato? Go ciapà el condoto soto scaio e me lo son portà a casa a pie: no podevimo restar tre giorni senza e andar in giardin a far i bisogni al'aperto no andava ben. Sicome che el pesava bastanza, co son rivà in via Rossetti, no ghe ne podevo più. Go ciapà el cesso, lo go pozà per tera e me son sentà sora per riposarme un poco. Ve lasso imaginar come che me guardava la gente che passava!
Gavessi podù disturbarme andar in giro con una borseta de nilon?
Cossa volè che ve digo: son fato cussì!
Sto fato (ve giuro che el xè vero) ghe lo conto come nono ale mie nipotine: prima un poco le inoirridisi e po le taca a rider. E adesso ridè anche voi.
Ciao
sum culex
I due oposti
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- AdlerTS
- cavalier del forum
- Messaggi: 9561
- Iscritto il: mar 27 dic 2005, 21:35
- Località: mail: adlerts[at]email.it
Te saria andado d'accordo con mia bisnona: anche ela jera una che non ghe i nteressava sai se i altri criticava el suo modo de far: in famiglia spesso ridemo ripensando a quando una volta, in piazza Grande, ga cominciado a darghe fastidio l'elestico delle mudande. Non la ghe ga pensado un atimo e la se le ga cavade via in mezo alla piaza (te parlo de 60-70 anni fa)
Mal no far, paura no gaver.