Pei apasionadi de rally

[rofizal]

No rivo a trovar filmati de Trieste, perciò meto qua.

La Lancia Stratos per mi xe stada la più bela auto da rally mai costruida. El mitico Sandro Munari la gaveva portada a inumerevoli vitorie.
Xe merito dei giaponesi se se pol veder dei filmati originali de l'epoca (1975-76).
Iera una machina molto dificile de guidar, perché non la iera mai drita, ma sempre de traverso. Ma se un saveva portarla...

NB: se rivo a trovar filmati triestini (gare o piloti) li meto nela sezion aposita, altrimenti qua.

[rofizal]

No xe facile trovar filmati de quei anni. Questo xe un Rally di Montecarlo 1977.

[rofizal]

Questo xe un Rally Montecarlo 1961 e questo un filmato ufficiale 35th Monte Carlo rally Mini Cooper 1966 de quasi 10 minuti, anche se la qualità, visti i anni, no xe ottima (forsi el vien da cassetta VHS).

[AdlerTS]

Iera una machina molto dificile de guidar, perché non la iera mai drita, ma sempre de traverso. Ma se un saveva portarla...

Mi nel mio picio co go ciapado la prima paga degna de sto nome me jero comprado una Ford Sierra: gnanche quela non stava tanto dritta

Quela volta non gaveria cambiado la trazion posteriore per gnente al mondo.

[Zigolo]

Iera una machina molto dificile de guidar, perché non la iera mai drita, ma sempre de traverso. Ma se un saveva portarla...

Mi nel mio picio co go ciapado la prima paga degna de sto nome me jero comprado una Ford Sierra: gnanche quela non stava tanto dritta

Quela volta non gaveria cambiado la trazion posteriore per gnente al mondo.

La Ford Sierra andava guidada come tute le machine a motor anteriore e trazion posteriore, con tuti i problemi che questo comportava. Mi go imparà a guidar su una Fiat 124 quindi semo più o meno pari

La Lancia Fulvia, inveze, motor anteriore e trazion anteriore, la iera normalmente incolada ala strada. Per la guida estrema, agonistica, Munari & C. la guidava in modo tuto particolare, tanto che pareva che no la gavessi proprio tenuta de strada.

In realtà, quela de intraversarla parzialmente fazeva parte de sta tecnica e serviva anche per frenar de più prima dele curve. Me ricordo che i doprava fren (a pedal) e acelerator simultaneamente: i frenava per blocar le riode posteriori in modo de far sbandar el dedrio e contemporaneamente i acelerava per tignirla in tiro.

[Zigolo]

Go visto solo desso che Rofizal se riferiva ala Lancia Stratos: lapsus.

No cambia gnente su quel che go dito dela Fulvia.

La Stratos inveze iera motor e trazion posteriori e quindi ancora un'altra tecnica. Questa efetivamente sì, se no savevi portarla ben, ma sai ben, la te podeva andar per le sue.

[rofizal]

Afinché no ghe sia più dubi a che Lancia me riferiso:



La Lancia Stratos iera el sogno de tuti i ralisti, ma dei pochi che rivava a gaverla una infinitesima parte rivava a far risultato. No iera un guidar normale, iera come sciar, balar... una vera e propria arte insoma.

Esteticamente la me par ancora insuperada, avicinada forsi solo dala Lamborghini Miura, che però machina de corsa no iera. Oltre che dificile de guidar podeva eser scomoda (sai basa, spazi ridoti), ma anche le formula 1 xe scomode e picie.

Co i la ga eliminada dale squadre uficiali per sostituirla con quel obrobrio de Fiat 131... che delusion! Ma le ragioni comerciali iera più importanti. Fato sta che mentre prima la Lancia vinzeva tuto, poi pian pian Fiat e Lancia xe sparide dale gare de rally e ogi, ad alto livel, se vedi Citroën, Subaru, Peugeot... per trovar una Lancia vincente el Campionato del Mondo bisogna risalir a quasi venti anni fa (Lancia Delta Integrale nel 1991 con Kankkunen). Alora forsi le strategie no iera proprio vincenti.

Godeve ancora sto filmato che raconta la storia dela Stratos dai primi prototipi (no credo capirè niente del comento, ma el filmato merita).

[rofizal]

Me son ingropado un poco coi browser... bon riscrivemo sto ultimo mesagio.

Volevo proporve un ultimo filmato con Bjorn Waldegaard ala guida de una Lancia Stratos. Xe forsi el più bel filmato de tuti e veramente impresionante perché fato con telecamera a l'interno de l'auto. Se vedi, oltre che la strada, le mani de Waldegaard che le se movi quasi in continuazion, sterzade e controsterzade senza sosta. Guai a sbaiar! Per chi ghe piasi guidar l'auto, xe una emozion unica.

Ogi con le 4 riode motrici xe tuta un'altra storia, ma anche la formula 1 xe cambiada e fa tuto el computer. Mai più simili emozioni.

Concludo, visto che la gavemo citada, con una foto dela belisima Lamborghini Miura che no iera una machina da corsa... ma da sogno sì.
(de drio la gaveva la nota grata che qua no se vedi, ma acontenteve de questa foto )

[rofizal]

Scuseme...ancora uno
Questo filmato dedicado ala Lancia Stratos xe come una poesia!
Cosa volè? Rivo a comuoverme anche per ste robe.
Comunque la presenza de numerosi filmati dela Lancia Stratos su internet volerà pur dir che questa auto ga fato sognar milioni de persone? E che no la xe MAI stada dimenticada?
(intanto torno a riguardarme el filmato )

[Bilbo]

La miura verde?!?!?!
cusì bruta no la go vista mai....

meio rossa anche se giala xe el suo color



e de questa go anca el dedrio (ovio go fato mi le foto....)



ma no dovemo dimenticarse gnanca de questa, che xe un toco de storia

[rofizal]

Bele foto!

[rofizal]

A sto punto, per completar le machine da sogno metemo anche la Lotus Esprit (i ga cesà la produzion nel 2004) :


La Lotus Elan:



e la bela, anche se più modesta, Triumph Spitfire, che una volta stavo per cior, ma go rinunciado visto che per gaver el hardtop ghe voleva 6 mesi e i tochi de ricambio.... i rivava "speso, almeno i più comuni" :

[rofizal]

A Trieste la Miura forsi qualchedun la gaveva ma no ghe ne go mai viste. Ricordo solo una Espada che ogni volta che pasavo davanti ala casa del propritario, se la iera presente, me fermavo ad amirarla.
Ma la Miura iera un'altra roba.
El mio primo vero (e forsi unico) contato con ela xe stado proprio con una Miura verde . Iera ala Lamborghini de Bologna nel, ormai lontano, 1969. Xe pasadi tanti anni, ma el sogno xe rimasto tale e no se ga mai realizado.

[rofizal]

Certo, prima che qualchedun me lo fazi notar, no xe el verde dela foto precedente. Ma nianche un gialo canarin. Dixemo che xe un gialo-verde.

[Larry]

Quando go visto il titolo di questo thread, go pensa che saria stato di qualchedun che participava nei rally. Che delusione! Xe soltanto che amirati macchine. Ma queste son soltanto pezzi di metallo con un motore, che alla fine non resta altro che ruggine. Vuoi che ti dico una roba? Quand'ero in Palestina nel 1947, ero l'autista del colonello che si ciamava W.A.K. Stoddart (Wakkie come nomignolo). Egli prima della guerra (39-45) xe sta un campione dei rally nella Gran Brittania e Europa. Egli mi ga insegna come guidare giusto con delle lezioni nel deserto Negev. Poi negli anni 63-65 prendevo io parte nei rally (compreso anche rally tulipani) del Sud Inghilterra con un Hillman Minx prima come guidatore poi come navigatore. E la maggior parte di questi rally furono durante la notte dalle 23 sino alle 03-04 ore di mattina. Facevamo parte della squadra del esercito di bass-Inghilterra. Questo, si, xe essere appassionato ai Rally. E c'e una coppa (o era) con il mio nome e quel della mia navigatore scritto sopra in qualche parte del esercito!!
Pero, quel Hillman Minx era ben messa a punto dai nostri meccanici perche dovevamo combattere contro i civili in quei rally, specialmente il White Horse rally. Ed ero ben conoscente del Hillman Minx perche possedevo una personale quando ero nella Francia alle Quartiere Generali dell'OTAN a Fontainnebleau dal 1955 al 1958. Venivo a Trieste con la famiglia dentro per le ferie in quella macchina.
Larry

[Zigolo]

Ho un vago ricordo della Hillman Imp, ma la Minx non l'ho mai sentita nominare: che macchina era?

[rofizal]

go pensa che saria stato di qualchedun che participava nei rally. Che delusione! Xe soltanto che amirati macchine.
...
xe sta un campione dei rally nella Gran Brittania e Europa.
...
negli anni 63-65 prendevo io parte nei rally (compreso anche rally tulipani) del Sud Inghilterra con un Hillman Minx prima come guidatore poi come navigatore

Te trai dele conclusioni che xe solo che tue e del tuto sbaiade!
Volevo evitar de far discorsi personali, ma se go lanciado questo topic con questo titolo no xe per pasion de tochi de metallo, come te dixi ti.
Go fato rally per tre anni, come pilota e non come navigator, e go anche vinto un campionato triveneto. Poi go molado perché i costi per patecipar a un campionato italiano iera tropo alti per i miei mezzi.
La mia prima gara xe stada el Rally Internazionale de San Martino de Castrozza, dove ghe iera tuti i magiori piloti del momento. La gara se svolgeva su tre notti intere, ma purtropo mancava l'esperienza e dopo la prima notte son stado costretto al ritiro per un eror del navigatore (salto de un controllo a timbro), quando ierimo comunque terzi de categoria.
Nel vecio sito, o in un sito personale che gavevo una volta, gavevo anche meso dele foto ma, come dito, cerco de evitar discorsi tropo personali.

El mio scopo iera de veder se ghe iera altri apasionadi su questo forum e eventualmente de farli vinir.

Però el passato xe passato e ormai xe purtropo solo ricordi lontani.

[rofizal]

Visto che te me ga stuzigado , te meto alcune foto, prima con la FIAT 128 coupé...

[rofizal]

queste con la A 112 Abarth 70 HP...

[rofizal]

...mentre questo xe stado l'unico incidente che go avudo, peraltro piutosto serio.
Iero andado a finir in un vigneto a 140 km/h, sradicando un pal de cemento. Se son ancora qua a contarvela xe perché me ga salvado el roll bar, che se gaveva piegado proprio sora la mia testa.

Unica consolazion, la gente che me fazeva i complimenti dixendome:
"Nessuno è arrivato così veloce!"