El Carso de qualche anno fa

[rofizal]

Questo xe una foto de l'aprile del 1953. Ghe laso a l'esperta de sentieri de identificar el posto esato. Mi una meza idea la go (e se la xe giusta no saria dificile), ma no son sicuro.

[rofizal]

Qua inveze xe un muleto che me par se ategi a Piero Angela e che ne volesi mostrar una Trieste sempre dei primi anni '50, vista dal Carso (da Basovizza-Pese?)...

[babatriestina]

Questo xe una foto de l'aprile del 1953. Ghe laso a l'esperta de sentieri de identificar el posto esato. Mi una meza idea la go (e se la xe giusta no saria dificile), ma no son sicuro.

el solo riferimento xe Miramar abbastanza in fondo. E xe un sentier abastanza rettilineo, e con pochi alberi. per cui, nonostante vegnissi de dir la Napoleonica, mi suggeriria quel che adesso i ciama Sentiero Derin sora cava Faccanoni, che iera stado averto poco dopo la guerra
per confronto con la Napoleonica all'epoca.

[rofizal]

nonostante vegnissi de dir la Napoleonica

e infati mi a quela pensavo, con qualche dubio per la strada che porta da Basoviza a Opicina lungo el coston, che me par a trati la sia ancora piena de piere (se no i la ga sistemada). Quel sentir che te disi ti no credo de conoserlo e quindi no so (o te parli del steso che digo mi???).

(ma i fiori che ga la muleta iera per quel muleto? solo che me par i ga sbaiado logo de incotro! )

[babatriestina]

credo che parlemo dela stessa, del valico de Monte Spaccado fin a Conconello, un poco sotto dela cresta e al riparo dela bora.
Go in man un mazzo de foie rosse. Chi gaveva el basco, e chi el capelin de veludo rosso.
L'ipotesi Napoleonica me lassa in dubbio perchè quela dela foto xe troppo dissestada e no la ga traccia dei pini nella prima parte, e nella seconda parte la xe troppo vizina a Miramar per vederlo cussì lontan. e el sentier che digo mi, inveze, iera de poco averto, quindi più selvadigo.