Continua un poco la cronologia dei asili: gavemo dito che el primo istituto de carità jera sito in Palazzo Marenzi: questo nei anni se ga spostado in via del Rosario e quindi in via Madonnina angolo via Pondares, dove el resta fino al 1901.
L'odierna scuola di Tor Cucherna jera inveze anche dita Asilo di Rena Vecchia. La differenza stava proprio nel termine "di carità", perché el secondo jera za riservado ad una fascia de popolazion che gaveva modo de proveder un minimo alla sussistenza dei propri fioi.
Nel 1873, in occasion del matrimonio de l'arciduchessa Gisella, fia de Franz e Sissi, el Comun decidi de inaugurar un'altro asilo, el "giardino infantile Gisella", con diritto de precedenza alla frequenza dei fioi de San Giacomo.
Grazie inveze alla filantropia del Baron Morpurgo, vien inveze edificada nel 1877 la scola con giardino d'infanzia in viale Tartini, vizin l'arsenal. El kindergarten vien poi spostado presso la scola De Amicis , oggi scola materna de San Vito.
L'asilo de via Manzoni inveze vien istituido nel 1881 come Giardino d'Infanzia
Rodolfo , per festeggiar le nozze dell'erede al trono. Gnanche che quel mulo portassi pegola, l'istituto xe stado più volte sequestrado per opsitar maladi de vaiolo, colera e morbillo.
L'asilo de Gretta, inveze, non vien verto dal Comun ma dall'associazion pro patria, ma allo scioglimento de questa, nel 1890, el vien assorbido dalla rete civica. Da Salita de Gretta el se sposta in vicolo San Fortunato nel 1894.
In via dell'Istria, rente i Salesiani e la vecia polveriera, un'altro asilo nel 1898.
Prima del ribalton, ancora verzi l'asilo in via dei Pallini ed uno in Guardiella nel 1902, presso la scola A. Grego.
Nel 1896, vien censidi 20.229 muleti frequentanti i giardini d'infanzia.
?
