Diversi anni fa, disemo ancora anni '60-'70, andando a pìe su per la Strada al Monte Spaccato (oggi via Damiano Chiesa) se arivava ala Strada per Basovizza. Se ariva anche ogi in auto ma nisun se ferma più, tuti cori cori.
Per ciapar un poco de fià se se fermava un poco più in su, al n.56, a l'osteria “Al Palombaro”, bona cusina de pesse ma anche i gnochi col gulas no i iera per gnente mal e i costava de meno, no parlemo po' dele palacinke co' la marmelata de armelini.
Xe anni che la xe chiusa, trasformada in un condominio de quatro quartieri e i vani de la osteria i xe diventadi box per auto. Quei rolè me fa tristeza co' ghe passo davanti.
Qualchedun se ricorda de 'sto local e magari sa qualcossa de la sua storia? Una foto?
Osteria "Al Palombaro"
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- babatriestina
- senator
- Messaggi: 41548
- Iscritto il: dom 25 dic 2005, 19:29
- Località: Trieste, Borgo Teresiano
Re: Osteria "Al Palombaro"
me ricordo de una zena con amici là. Bona e no cara. Giusto passando ogni tanto me domandavo che fin che la gaveva fatto, no pensavo che i la gavessi serada. Sic transit gloria mundi . Via Damiano Chiesa me la ricordo con quel nome za nei anni 50: stava una mia amica , la iera con mi ale elementari ma la se gaveva trasferido nela caseta de sua nona che iera ancora campagneta là
"mi credo che i scrivi sta roba per insempiar la gente" ( La Cittadella)
Re: Osteria "Al Palombaro"
Me ricordo che son andà un per de volte in compagnia de muli de scola, ma no se gavemo fato la foto col local.