la storia no la so, ma el significato xe doppio; el primo saria "un che fa gattini", intendendo la prolificità dei italiani.storia del vocabolo Katzelmacher
El secondo significato, deriva dai furlani che anticamente i andava a vender cuciari e posate de legno. Sarìa anche una storia interessante, che fazeva le babe e la saria anche epica, Mauro Corona ga scritto qualcossa. Ma indifferente.
Katzelmacher i diseva in Austria, dopo i gnochi i ga copià, tanto che se trova el termine nei loro racconti de Caporetto. No so se i usa ancora in Germania che lori i usa gasterbeiter, però xe stà fatto el noto film de Fassbinder "maledetto katzelmacher".
El più noto vignettista austriaco iera Arpad Schmidhammer, nato in boemia; xe lui che el ga diffuso el personaggio con un noto volumetto che se ciamava "maledetto katzelmacher", che in poche parole iera un brigante dela cabiria che diventava bersaglièr per andàr a derubar l'Austria de qualcossa. A proposito, trovo ricorrente che i boemi iera i più sfegatài austriacanti, a volte a livello de fanatismo. Facile capìr, lori i se sentiva minacciài dai ceki e savemo tuti coss' che xe nato dopo per via dei "sudeti".
L'alter ego de Arpad iera Rubino, che sul Corriere dei Piccoli el disegnava pupoloti de Otto Kraffen, che no xe la barzeletta del più famoso pasticcièr tedesco, ma iera el gendarme austriaco, grasso e stupido.