Andreas Vollenweider al Rossetti!

[WolfMacAjvar]

Visto che qua se postadi un poco tuti i eventi che capita mi me permeto de farve notar che giovedì 19 al teatro Rossetti sona Andreas Vollenweider che per mi xe un evento straordinario dato che per quel che me ricordo in sti ultimi diese ani no go mai sentido che el sia vignudo a Trieste a far concerti... Per chi che no sà, questo tizio xe un che sona l'arpa in modo divino e fa musica che va dal new age al celtico contaminado da vari generi... per mi el xe sai roba!!

Ricapitolando:

Teatro Rossetti giovedì 19 aprile.

[Bilbo]

e perchè no go za visto?

volevo anche andarghe, ma no poso che no go dove lasar la picia....

[torziolona]

Scoltavo Vollenweider, Yanni e Enya co iero "signorina". Dopo sposada li go persi un poco de vista, ma iera ottimi come sottofondo musicale in ufficio.
Spero che qualchidun rivi ad andar e contarne come xe dal vivo.

[AdlerTS]

Wolf,

venerdi te ne conti qualcossa?

[WolfMacAjvar]

go prove de teatro e no posso far finta de esserme dimenticado... xe la prima prova del corpo de ballo e mi son el regista... ala fine i me ga fregado dandome la disponibilità solo quel giorno... che gropo...

[Golfoblu]

Vollenweider, un grande.

Nel genaio del 2000 go avudo la fortuna de scoltarlo in una presentazion fata insieme con Milton Nascimento de ste parti. Un spetacolo.

El suo genere xe bastanza legero, e come disi Torziolona, bel anche per sotofondo musical.
A proposito de arpa, bele anche le musiche sonade con l'arpa paraguaya e l'arpa venezuelana ( arpa llanera ).

[WolfMacAjvar]

in sto momento me sento ssai triste... prove finide presto ma tropo tardi e mi fora del teatro a "nasar" l'aria...