Provemo a parlar de scola

[rofizal]

Qualche volta me sveio con qualche idea in testa. I dixi che la notte porta consiglio e in effetti nel mio caso la matina xe sempre la parte migliore del giorno (sopratuto se rivo a dormir ben, roba che purtropo no sucedi speso).

Bon, stamatina me xe vignudi alcuni pensieri sula scola, ma son veramente a digiuno su l'argomanto e alora, me son dito, perché no confrontarme con Babatriestina che la iera un'insegnante?

Pensavo che podesi eser utile rivar a crear dele scole per chi dei fioi se senti portado alo studio, in barba a certe idee politiche dove tuti devi eser uguali (ma poi no xe mai cusì). Mi me par sai stupido aver tuti laureati sbasando el livel dei studi, cusì che la laurea perdi de valor e poi tuti vol far lavor de alto conceto anche se no i xe minimamente capaci. Poi i risultati se vedi nela vita de ogni giorno, ma questo xe un altro discorso.

So che esisti za le scole sperimentali e quele a tempo pieno, ma el mio pensiero xe che saria utile far un paseto più in là. Eco in detaglio:

1) lingua straniera: la vien xa insegnada ale elementari? facoltativa? (non lo so). Render obligatorio l'insegnamento de l'inglese ale elementari con posibilità de altre lingue (vivemo ormai in un mondo de globalizazion, el tanto criticado "extracomunitario" sa più lingue de noi). Render facoltativo l'insegnamento del inglese agli asili

2) se non dale medie, almeno dale superiori, crear dei college, dove i studenti posi viver 24 ore su 24, imersi nelo studio, non trascurando lo sport e altre atività culturali. Per andarghe ghe volesi vinzer una borsa de studio o aver dei meriti particolari o a pagamento, ma superando coumque dei esami de amision. Xe inutile impiegar risorse per chi no xe portado alo studio, anche se ga i genitori che paga. Per far sti colege credo se gabi perso una vera ocasion preziosa: la dismision de numerose caserme. Queste le vien stupidamente rase al suolo, mentre podeva forsi con poco sforzo eser trasformade (ma le case rendi de più e le xe un groso business). Inoltre adeso i sta asumendo un mucio de insegnanti precari che dopo magari no i gaverà de lavorar (lo stato li pagherà lo steso, ma per no far niente). Questi college podesi forsi anche eser sponsorizadi da industrie italiane e straniere.

3) nele scole "normali" aumentar el "tempo pieno", dove uno gavesi la posibilità de aprofondir certe materie, compresa ad esempio la musica (che me par de gaver capido che ogi no la vien più nemeno insegnada).

4) Credo che i conservatori italiani sia uno dei pochi esempi italiani de scole che funziona, chi vien fora da questi in genere se fa valer profesionalmente a livel internazionale. Se podesi studiar perché, e adotar i stesi criteri anche per altri tipi de discipline (specializion dei studi fin dala tenera età?)

5) Xe asurdo che uno, tra laurea, dotorato, masters etc etc rivi a trenta anni prima de poder lavorar. I pian dei studi, da l'asilo in poi, dovesi eser rivisti e le età sbasade. Xe cambiadi i tempi, xe cambiado el mondo, la scienza e la tecnologia, la scola no pol rimaner sempre la stesa de do secoli fa.

6) Ogi un ingegner no pol far el mestier se no ga la laurea, perché un artigiano no ga bisogno de un titolo de studio adeguado obligatorio? (e cusì altre categorie) Speso un se improvisa un mestier senza gaver alba dela materia. No xe giusto e poi xe la comunità che paga. Se fazi dele scole de bon livel anche per queste categorie, se ghe daghi un titolo de studio adeguato e ambito, sarà le stese categorie a trar giovamento (oltre a tuti noi). Le tradizioni familiari ormai no le esisti quasi più, anzi, se podesi sfrutar quei pochi "veri esperti" che ancora resta come insegnanti, saria l'unico modo per no perder del tuto certe conoscenze.

In sostanza, i unici risultati che xe stadi finora ragiunti cola situazion atuale me par:

1) università sovrafolade
2) laurea priva de valor, a meno che no sia 30 e lode
3) muli che vien mantignudi dale famiglie speso fino a trent'anni
4) valor insignificante dei titoli de studio inferiori ala laurea
5) dificoltà de trovar lavoro in raporto al titolo de studio
6) inalzamento de l'età lavorativa, meno contributi pensionistici pagadi, dificoltà de meter su famiglia (o vien mesa su sai tardi), meno fioi (ma questo no xe un mal, vista la sovrapopolazion) perché no tuti ga voia de meterli al mondo in età avanzada (e ghe xe poi tropa diferenza de età tra genitori e fioi)

Insoma, quel dela scola italiana me par bastanza un raporto falimentare, mentre se podesi far molto ma molto de più.

[AdlerTS]

1) università sovrafolade
2) laurea priva de valor, a meno che no sia 30 e lode
3) muli che vien mantignudi dale famiglie speso fino a trent'anni
4) valor insignificante dei titoli de studio inferiori ala laurea
5) dificoltà de trovar lavoro in raporto al titolo de studio
6) inalzamento de l'età lavorativa, meno contributi pensionistici pagadi, dificoltà de meter su famiglia (o vien mesa su sai tardi), meno fioi (ma questo no xe un mal, vista la sovrapopolazion) perché no tuti ga voia de meterli al mondo in età avanzada (e ghe xe poi tropa diferenza de età tra genitori e fioi).

Bel quadretto

Per l'inglese, avendo una fia alle elementari, posso dirte che el xe obligatorio fin dalla prima ed anche in asilo i ghe ga insegnado i numeri ed i colori in inglese.

[Nona Picia]

Mi go tre nipoti ale elementari:una ga imparà rudimenti (assai pochi) de inglese e spagnolo in asilo e inglese ale elementari le altre due le fa inglese e tedesco ale elementari. E me pareva che le fazessi anche un poco de musica, ma de questo no son sicura, perchè mi no vedo tuti i compiti che le ga de far e co se parla de scola xe sempre le solite materie che vien in discorso.

[babatriestina]

te me ciami in causa, ma dele elementari so assai poco. poco più dele medie, de più sule secondarie. ma xe discorsi longhi, che ghe doverò rifletter su anca mi.
Mi diria, gavevimo un sistema scolastico fato in un certo modo, el xe in parte restado formalmente inalterado, ma modificado internamente per cui el se comporta in modo ben diferente. Gavemo zercado de copiar prima zerti sistemi scolastici europei, in particolar certe versioni del modello francese e inglese ( quel tedesco meno, diria) e adesso de quel american.
gavemo tentado de far le riforme a costo zero e ovviamente no so se se possi otegnir ssai in ste condizioni.
Coi programmi de insegnamento, i ghe ga messo dentro de tuto, cussì i ga aumentado le ore de lezion , po se i muli ariva a imparar tuto xe un altro per de manighe: se te leggi zerti programmi, fati a fondo no ocoreria più l'università... almeno, penso a quei de matematica. Cussì i libri ga dovudo deventar sempre più pieni e più pesanti, per gaver tuto dentro... per i insegnanti, i concorsi xe sparidi de ani anorum, tuti precari e ogni tanto un per de regolarizzazioni ope legis, e nel frattempo laurea, master.. insoma sti prof ga el titolo de studio per insegnar a 30 anni, e dopo tanti anni de studio i se trova precari e pagai non in proprorzion ai anni de studio. ma soprattutto le mule continua a far sti corsi e a zercar un posto, o ghe piasi el lavor o ghe va ben cussì, sperando nel posto fisso, l'orario flessibile e perchè no, la mancanza de competitività, la creatività e l'umanità del lavor.
Campus.. magari! doposcola? tuta sta roba volessi altre strutture fisiche dele scole, palestre, campi de zogo, biblioteche averte e gestide, mense,... come li femo? con quai? li apaltemo tuti a privati sperando che i sponsorizzi e i paghi lori?
eco, go butado zo un per de idee, ancora poco ordinade e un fiadin su tuto, po se pol discuter i singoli particolari e in relazion ale scole triestine in general. Una roba che me ga colpido xe la crescita de tante scole comprensive, cioè se go ben capido elementari e medie unificade. In efetti, xe tute do scole del obbligo..

[babatriestina]

dimenticavo, per le lingue, gavè presente i questionari sula conoscenza dela lingua?
1 ottimo, fluente
2 buono
3 scolastico .

Questo mostra la comune opinion dela conossenza dele lingue imparade a scola. Mi go avudo la fortuna de gaver avudo un'insegnante de francese, ani anorum fa, la stessa nei do anni dele medie ( sì ai mii tempi in prima media el latin magnava el posto ala lingua straniera) e nei do anni de ginnasio, de madrelingua, brava, che me ga fatto appassionar e po go continuado a leger francese, parlarlo co me capitava, e cussì ormai lo legio come l'italian e lo parlo senza problemi, ma .. no go un toco de carta che provi la mia conoscenza, che de origine xe... scolastica!
e pensar però che a quei tempi gaveva diritto a far supplenza de lingua straniera .. i laureai in legge! che gaveva fato solo che el classico e quindi i 4 anni de lingua come mi, e se no i gaveva avudo un bravo insegnante.. finiva come una supplente che go avudo che no saveva gnanche la pronuncia giusta...
de questo el proliferar de scole private per la conossenza dele lingue...
xe che ala scola po se ghe domanda tuto: de insegnar le materie, le lingue, el patentin per el ciclomotor, l'educazion sessual, l'informatica... e po chi insegna? i insegnanti, che prima i li imbunissi cussì de conoscenze solo dela loro materia, e po i li ricicla su altre materie, imparade magari ala bona in brevi corsi de aggiornamento, sempre più spesso e volentieri messi al dopopranzo in aggiunta al normale lavor. I corsi validi, che i ga anche fatto anni fa, prevedeva la sospension de l'insegnamento e el corso mattina e sera per un per de settimane. ma volessi dir o cior un suplente o tegnir i fioi solo sotto sorveglianza de altri insegnanti, no i loro ore inutili per tutti, i le ciama tempo-scuola ..


parlando no dei massimi sistemi, ma de robette pice, una roba che mi me ga sempre lassada perplessa a scola xe questa: ametemo de esser in una scola secondaria, le ultime do classi. in quinta la maggioranza xe maggiorenni e in quarta ghe ne xe de solito parecchi: compito in classe le ultime do ore. Un alunno finissi e consegna un quarto d'ora prima dela campanella. A mi me paressi logico che el se ciapi su e el vadi fora, soprattutto se el xe maggiorenne, cussì nol intriga in classe, magari suggerindo. Ai esami xe propio cussì:
ben, qualche professor ga avudo la bona idea de domandar al Dirigente el permesso de lassarlo uscir... mah, no so, la responsabilità, el tempo-scuola, la sorveglianza.. ma se el xe maggiorenne?? la disparità de trattamento coi minorenni... e se el ga un incidente tornando a casa prima de l'ora prevista?
insomma, i ga dovudo restar fermi in banco a no far gnente per rispettar el tempo scuola!!! questa xe la burocrazia dela scola italiana, e in general dele norme fatte soprattutto per scarigar dela responsabilità.

[ffdt]

de come che la vedo mi, xe idee che le pol funzionar su la carta ma dopo, c'o te ga de farghele andar ben a i fioi xe robe divese

prima de tuto xe de tignir de conto 'l fato che un el comincia a eser autonomo apena a le superiori e anca la` xe de considerar che xe l'eta` de 'l xvilupo e che sta evoluzion de 'l corpo la incidi su la capacita` de concentrazion

[...]1) lingua straniera: la vien xa insegnada ale elementari?[...]

si, pero` tien prexente che za per imparar la lingua madre un el fa fadiga con tuto che 'l la parla sempre ... la straniera ga la stesa dificolta`, solo che i la parla sai poco (pur se i inegnanti i se sforza de far ben) ... pero` o te insegni lingue o te insegni altro, perche` el tempo a dispoxizion el xe cuel e i fioi, a le elementari, i se stanca sai facilemnte perche` i xe pici

[...]crear dei college[...]

sta idea la me piaxi, pero` i costasi e te devi garantir che no vien fora porcherie tipo caxerma ... no xe facile gaver muleria cariga de ormoni in evoluzion e tignirli trancuili ... mi no mandasi una fia in t'un logo compagno gnanca se fusi solo che feminil

[...]3) nele scole "normali" aumentar el "tempo pieno"[...]

i fa za cusi`, pero` le ore de dopopranzo le ga un valor sai piu` baso perche` xe tuti za stanchi de la matina e i ga 'l stomigo incugna' de la digestion ... go paura che va a finir che el rendimento de cuele ore no 'l val la fadiga de zontarle

[...]4) Credo che i conservatori italiani sia uno dei pochi esempi italiani de scole che funziona[...]

no ghe son mai stado, pero` me ricordo de gaver sempre intexo dir che cuei che i fazeva 'l conservatorio i vigniva fora asolutamente ignoranti su tuto 'l resto ... no so se fusi utile de copiar cuel sistema

e de 'l resto o te se specializi o no, pero` mi vedesi ben de lasarghe la specializazion a l'universita` ... la` si far scole specialistiche che no le gabi elementi in contato le une co' le altre, ma fin a le superiori mi diria che se ga de insegnar el metodo de studio e dar una cultura cuanto piu` ampia posibile e no specialistica ... se no te incastri el fio int'una strada senza sielte ... e se dopo 'l se inacorzi che no la ghe piaxi?

[...]5) Xe asurdo che uno, tra laurea, dotorato, masters etc etc rivi a trenta anni prima de poder lavorar[...]

speta un poco e te vedera` che l'eta` la se alzera` ;-D ;-D ;-D ;-D ;-D

[...] Xe cambiadi i tempi, xe cambiado el mondo, la scienza e la tecnologia, la scola no pol rimaner sempre la stesa de do secoli fa.[...]

pero` le persone le xe fixicamente sempre compagne e no se pol pretender che un fiol el reagisi a 'l insegnamento come un adulto solo perche` la tecnologia la xe andada avanti ... xe piu` san farli studiar de piu` a seconda de cuanto specialisti che i vol diventar e pero` dopo no prepenxionarli a 55 ani per via che i costa tropi soldi ma lasar che se un vol el ghe torni a la societa` cuel che 'l sa far ... ma xe discorsi che no i guanta e difati vedemo che le robe le va in t'un altro modo

[...]6) Ogi un ingegner no pol far el mestier se no ga la laurea[...]

a dir el vero fusi meio se no 'l podesi farlo gnanca dopo

[...] perché un artigiano no ga bisogno de un titolo de studio adeguado obligatorio?[...]

altroche` se 'l ghe ocori ... no sta vardar cuei che i xe oramai veci ma varda i novi ... prova ti a far 'l artigian ... te ocori le superiori, do ani de pratica e far un exame

e inveze xe vero che in pratica le scole profesionali no le xe piu` cuele de una volta ... ma no le xe mai stade scole che gabi avesto una bona fama

[...]2) laurea priva de valor, a meno che no sia 30 e lode[...]

dixi pur "a meno che no sia un master"

[...]3) muli che vien mantignudi dale famiglie speso fino a trent'anni[...]

si, se i xe bravi ... ;-D ... se un vol un master e apena pena el va un pel fora corso te ghe pasi anca oltra a i 30

[...]4) valor insignificante dei titoli de studio inferiori ala laurea[...]

sta cua xe una decixion comune in europa ... fra poco el diploma de le superiori el bastera` si e no per andar a lavar scale (e te ocorera` far anca un corso de specializazion)

[...]5) dificoltà de trovar lavoro in raporto al titolo de studio[...]

cuesto xe piu` che ovio ... semo 7 miliardi e cuel che fa i cinexi basta per tuti ... no xe piu` lavor per tuti e se restemo in tanti ghe ne sara` sempre de meno ... o se se inventa cualcosa de novo o se no tochera` decider che se pol viver anca senza lavorar ...

[...]6) inalzamento de l'età lavorativa, meno contributi pensionistici pagadi[...]

cuel no lo vedo un problema ... se a i fondi penxionistici no i ghe ciuciasi via i bori ghe ne fusi per far viver ben tuti cuanti ... xe pero` che, a punto, i gestisi tropi bori e i ghe fa gola a tuti ;-D


per mi fusi meio meterse a pensar a come far per ridistribuir el redito tra tuti e meter la posibilita` de lavorar come un premio per chi che xe per bon bravo de farlo ... cusi` gavesimo che cuei che i lavora i fusi consideradi per cuel che i val ma no fiusi obligatorio asumer incompetenti ... che una volta che te ghe da robe de far i te combina certi dani che ghe vol orori de tempo per refarli

pero` la societa` umana no la xe ancora pronta per cuesto ... anca perche` cuei che no i lavora i dovesi trovarse calcosa de far, che se no va a finir che i diventa delincuenti ... se podesi stimolar i studi scientifici e le arti, ma no ghe semo ancora ... e no credo gnanca che mi rivero` a veder un mondo compagno

ciau

Franco

[rofizal]

Solo qulche replica...

[...]1) lingua straniera: la vien xa insegnada ale elementari?[...]

si, pero` tien prexente che za per imparar la lingua madre un el fa fadiga con tuto che 'l la parla sempre ...

Mi conoso do mulete de cinque anni che le parla za italian, sloveno, triestin e francese... e no le xe fenomeni. Xe noto che de picio te impari molto prima. Certo, te devi aver insegnanti veri e no "macachi" mesi là solo come parvenza (chedo scusa ai macachi! )

[...]crear dei college[...]

sta idea la me piaxi, pero` i costasi e te devi garantir che no vien fora porcherie tipo caxerma ... no xe facile gaver muleria cariga de ormoni in evoluzion e tignirli trancuili ... mi no mandasi una fia in t'un logo compagno gnanca se fusi solo che feminil

Ogi i fioi, in linea general, matura prima. E comunque xe stado anticipado el dirito de voto, l'età per eser magiorenni, etc. Mapoi gavemo paura de lasarli soli? (ga za dito qualcosa a proposito Babatriestina). Tanta ipocrisia (no parlo de ti Franco) o perlomeno tanta incongruenza. O i xe maturi o non lo xe. Certi no riva a eser maturi nianche a 30 anni, sopratuto se i resta sempre soto le ali protetrici de mamma e papà.

Per quel che riguarda i costi, qualche soluzion la gavevo indicada. E poi xe scelte politiche. Ogi se preferisi incentivar famiglie numerose, poco poi importa se sti fioi i cresi senza educazion, senza lavoro, etc etc E ala fine i costa molto de più.

[...]3) nele scole "normali" aumentar el "tempo pieno"[...]

i fa za cusi`, pero` le ore de dopopranzo le ga un valor sai piu` baso perche` xe tuti za stanchi...

Xe modo e modo de far le robe. La scola italiana (e credo no solo ela) la xe in partenza speso una roba de spararse un colpo piutosto che frequentarla. No so adeso, ma mi ricordo le mie superiori, con "insegnanti" che pasava tute le ore de lezion a detar quel che stava scrito sui libri (ma no su quei adotadi). Te finivi che te gavevi do.... (scusè el linguagio, sia pur autocensurado). Quel de disegno (podesi anche far i nomi, ma ormai penso che nemeno i sia più a sto mondo, pace ala loro anima) se sentava in catedra, diseva "disegnate" e se meteva a leger el giornal o a far i cavoli sui... e noi zogaimo a carte. Un altro, poi diventado no so come pure preside del nautico, se ategiava a John Wayne, entrava sigareta in boca de traverso con falcada da sfida all'OK Corral, sparava voti super bassi, ma dele sue lezioni no se capiva niente. Un de eletronica, ex imigrado italo-sudamerican (gaveva visudo l'infanzia chisà dove), iera un bon diavolo, ma insegnar no saveva cosa fusi: se dixeva "ferro vergine" el diventava tuto rosso (con gran divertimento de noi fioi), el primo compito in classe dove tuti copiava el ga dado otto a tuti, poi, sicome i ghe ga domandado se el iera un poco m..., el compito dopo el ga dado indistintamente due a tutti! Roba de Basaglia.

El vero insegnamento devi apasionar, talvolta devi eser come un zogo, almeno per certe materie e per certe età. Ma un zogo istrutivo. Ai miei tempi (roba antica ormai , purtropo) all'asilo xe usava ancora impinir pagine de "asta e fileto", overo come far scampar dala scola za i fioi pici. Poi una dele clasiche punizioni iera "scrivi 500 volte....". Ripeto che Basaglia gavesi avudo cosa studiar su certi insegnanti e programmi de insegnamento.

[...]4) Credo che i conservatori italiani sia uno dei pochi esempi italiani de scole che funziona[...]

no ghe son mai stado, pero` me ricordo de gaver sempre intexo dir che cuei che i fazeva 'l conservatorio i vigniva fora asolutamente ignoranti su tuto 'l resto...

Te me dovesi spiegar cosa me servi saver a memoria... i re de Roma!! Forsi i servi per un quiz televisivo, ma no per altro. Sa quante ore poi se gaveva usado per studiar el latino? E te lo dixi uno che el letino ghe piaxeva, ma no me ga mai servido a niente. Se za quela volta fosi stado l'inglese saria stado sai meio. Te me dixi poi che i usa insegnanti de legge. Questa xe colpa solo che dei nostri politici. Cosa servi una valanga de laureati in legge? Perché no i se laurea in lingue? E poi che i posti ghe li daghi a quei che ga la laurea giusta. No xe za el numero chiuso nele università? E se nol xe che i lo fasi, e i lo fasi nel modo giusto.
Mi ghe daria una piada in tel sedere ala magioranza de quei che sta in parlamento, e pagadi anche fior de quatrini.

mi vedesi ben de lasarghe la specializazion a l'universita`...
fin a le superiori mi diria che se ga de insegnar el metodo de studio e dar una cultura cuanto piu` ampia posibile e no specialistica ... se no te incastri el fio int'una strada senza sielte ... e se dopo 'l se inacorzi che no la ghe piaxi?

Qua semo de idee proprio oposte (beh qualche volta pol suceder).
A cosa servi 13 anni de studio generalistici???
Dài, semo seri. Se pol iutar i fioi a sceglier la loro strada con l'aiuto de psicologi (go dito psicologi, no psichiatri ). E poi le scelte dovesi eser seletive: se un xe negado per una materia no dovesi poder andar avanti nei studi in quela direzion. Ve poso dir per esperienza personale. Mi iero negado per disegno e altre materie pratiche, no me piaseva la tecnica. Mia pasion iera inveze la scienza, la matematica, la fisica, la chimica. E cosa i me ga fato far? Mio papà voleva el titolo de studio subito, e dopo atroci e lunghe discusioni me ga indoto a far l'istituto tecnico. Xe sta una continua soferenza, tra le ridade de tuta la clase becavo esami in disegno e oficina, go anche perso un anno perché no me andava nisuna dele specializazioni. Go poi scelto la meno pezo (che comunque no me piazeva), i ultimi tre anni go studiado come un deficente materie de cui no me interesava niente, i disegni me li fazevo far dai compagni de classe (500 lire per disegno), go anche finido ben, ma gavevo incubi de note ancora per alcuni anni. E poi doveva eser finalmente l'università, e inveze papà disse NO.
Quindi no steme parlar de scelte!!
(go un poco el dente avelenado su sto argomento)
Se i ne gavesi fato far test e esami de instradamento, tuto questo no saria podudo suceder.

Basta per ogi...

[ffdt]

son d'acordo con ti che xe meio far cualcosa che se xe portadi per farlo, pero` mi oservo do fenomeni che i me fa dir che no volesi che le sielte le sia fate tropo presto ne' che le te vieti de cambiar idea piu` tardi e i xe cuesti:

1) tuti maturemo piu` o meno in te i primi 20 ani de vita, ma no ghe ne xe do che i maturi in te la stesa maniera e cuindi no xe facile de trovar un sistema che vadi ben per tuti ... piu` rigido che xe el metodo e meno ben el va

2) se te se afidi a la valutazion de un "esperto" sto tizio el ga de eser ecuilibrado e capace perche` se ga de doverse fidar de la sua sielta e mi son sicuro che no existi gnanca una persona a 'l mondo che la xe bona de gaver la fiducia de tuti cuei che i ghe sta intorno ... se ghe femo sielier a un che no se fidemo de lu gavemo xbaliado in partenza

i genitori i dovesi iutar i fioi a capir cuele che xe le sue potenzialita` e a coltivarle, posibilmente coltivarle tute perche` no se sa mai de cos' che te podera` gaver necesita` in futuro ... el momento che i genitori no i riva a farlo (e ghe ne conoso anca mi) no xe facile de trovar un altro che se sostituisi a lori ... certo, una posibilita` xe cuela de cavaraghe a tuti i genitori la sielta de come iutar i propri fioi e mandarli tuti de 'l psicologo che decidi lu, ma sto cua me par un sistema un tantin "dirigistico" ;-D e a mi no 'l me trova d'acordo

in fin de i conti el metodo che gavemo adeso el costa de piu` ma 'l ghe da a tuti la posibilita` de gaver le stese baxi e de far le sue sielte ... el fato che dopo no ghe sia lavor el xe vero, ma no credo che sia colpa de la scola cuanto, piutosto, de come che xe organizada la produzion ... xe cuel el model de cambiar ... e dovesimo anca acetar l'idea che 'l consumixmo no ne fa ben ne' a noi ne' a 'l pianeta: cambiando sto modo de veder le robe eco che anca 'l resto trovasi una soluzion adata

peo` me rendo conto che l'umanita` la xe stada contadina/caciatrice/nomade per mileni e cuesto ga influido su la cultura e su 'l ategiamento verso "le risorse" ... credo che no se posi pretender che in 50 ani cambi completamente el model cultural de riferimento ... ghe volera` un poco de piu`

ciau

Franco

[rofizal]

De sbriss... volevo solo angiunger ancora un do considerazioni.

Se un xe negado per una materia, credo sia inutile che la studi.

Per esempio se un xe negado per el disegno, per la musica, per la matematica, etc. inutile che perdi anni de tempo per studiar robe che no poderà mai utilizar seriamente. Una volta conosude le basi, più per cultura general che per altro, basta. Me meto in prima persona, esendo negado, come za dito, per esempio per el disegno, go perso anni dela mia vita su una materia che mai me sognasi de aplicar, saria impossibile.
Cusì credo anche che le capacità de una persona dovesi eser più prese in considerazion. Sempre come esempio, no vedo perché el disegno devi eser obligatorio in quasi tute le scole superiori, qualsiasi sia el loro indirizamento.

Parlo del disegno solo perché me xe più facile far dei esempi, ma el discorso podesi eser esteso, se podesi divider in modo migliore le specializazioni:

1) materie artistiche che richiedi una predisposizion manuale e de creatività

2) materie pratiche che richiedi manualità ma no necesariamente creatività

3) materie scientifiche che richiedi logica e capicità de ragionamento

4) materie leterarie che richiedi creatività e capacità linguistica

5) materie che richiedi capacità de memoria e meno de ragionamento

Le divisioni podesi eser anche fate in modo un poco diverso, ma credo sia fondamentale che veni presa in cosniderazion la atitudine de l'allievo, questo portasi ad aver poi una vita molto più rica de sodisfazioni ed anche una società migliore, meio funzionante e meio organizada. Lasar la scelta ai genitori no me par molto giusto, perché tanti sogna de veder el fio/fia dotor o avocato, a prescinder da quel che realmente el mula/mula xe capace de far. Risultato? Probabilmente la persona sarà una falida nela vita e infelice. Credo che queste situazioni sucedi sai più speso de quel che se pensa.

Agiungo ancora che quasi tuto quel che go studiado ale superiori no me ga servido a niente! Praticamente go studiado solo per gaver el toco de carta (me par sai avilente) e gran parte dele materie le go dimenticade ben presto con gran piacere (certe proprio le odiavo). Quanti ga visudo la mia situazion?

[babatriestina]

te ga la mia completa solidarietà per el disegno!!!
anche se , curiosamente, mi disegnar me piaseva, iera come che el disegno vegniva fato a scola che no me piaseva e no gavevo risultati soddisfacenti . Per cui credo che con programi e insegnanti diferenti gavessi podudo trovarme ben anca in disegno. Ma go fato el liceo classico anche per no far più disegno.
Per el discorso dele materie in general, mi diria che de zerte una infarinatura bisogna gaverla, però apunto se un no xe portado o no ghe piasi inutile farghe far una scola che le aprofondissi.
Me domando però se podessi esister e quanto che fussi valida una scola dove che le materie fossi lassade a discrezion de l'alunno, sopratutto picio, che podessi scegliersele, un poco come un piano de studi universitario. Anche perchè qualche materia no se la pol conosser prima de gaverla studiada almeno un pochetin..
mi sul discorso " no son portado" ghe andassi pian, perchè una volta no se diseva anche che " le donne no xe portade per guidar la macchina"? epur le ciol la patente, portade o no portade, perchè xe un'abilità che servi. Un podessi dir No son portado per leger.. lassemo el diritto al analfabetismo o no?
e in genere, esisti el diritto al ignoranza?

me xe vegnudo in mente, perchè tanti ani fa go trovado un muleto de 1 media, alquanto disadattato, che me confidava: Mi no go voia de andar a scola, no voio studiar, mi voio far el camerier come papà che co lo aiuto me piasi e i clienti me dà anche la mancia, no voio più andar a scola e voio far el camerier ( a 11 ani). Ve par una decision matura? e po parlemo dei poveri minorenni sfruttai nel terzo mondo..

devo dir che inveze de quel che go fato ala scola secondaria in genere go apprezzado quasi tutto, salvo dove che gavevo rari insegnanti incapaci de far valer la sua materia. Nel mio caso, la chimica. dovessi dir son negada per la chimica, ma po parlando con un amico chimico, go scoperto che tuto quel che no arivavo a capir iera perchè no i gaveva savudo spiegarmelo ben.

[rofizal]

Atenzion che mi no parlo tanto de materie come... come ciamarle? discipline? specializazioni? ma de sezioni de studio ligade ale carateristiche individuali, come creatività, abilità manuale, logica, memoria (podesimo agiunger senso del ritmo, capacità de oservazion...). Senza una de queste carateristiche, certi sudi no pol eser proficui. Mi poso dir de gaver logica e un poco de creatività, mentre son negado per capacità manuali e memoria. Ma de ste robe no se se rendi conto de pici, o almeno xe dificile. Speso nianche i genitori sa giudicar, come za dito, ghe vol proprio dei psicologi e più facilmente apositi test. E dopo ghe vol scole che tegni conto dei risultati otignudi, altrimenti xe tuto inutile.

[ffdt]

[...]carateristiche individuali, come creatività, abilità manuale, logica, memoria (podesimo agiunger senso del ritmo, capacità de oservazion...)[...]

resto de l'idea che le persone le matura durante tuta la vita e che i fioi i matura anche piu` in furia ... una carateristica individual che ogi pol parer che no la ghe sia doman la pol saltar fora bela pronta solo perche` xe rivado el momento giusto percio` che 'l zervel el se sia xvilupado come che ocoreva

e no solo, ma anca esperienze fate fora de la scola pol far cambiar idea su materie che magari prima no se ghe vedeva 'l senso perche` no le iera spiegade ben ... se proprio fusi de dover far una riforma mi diria che fusi meio zercar i meio insegnanti su tuto 'l teritorio linguisticamente coerente (scuxeme ma dir "teritorio nazional" me ingropa la lingua ;-D) e farghe rgistrar le lezioni su videocasete o dvd

mi go seguido lezioni co' la teledidatica e devo dir che poder interomper el profesor in cualsiasi momento e farse contar la stesa roba fin che no se la ga capida xe utile, e la caseta no la se stufa e no la te rispondi mal gnanca dopo 10 volte che te ghe fa ripeter la stesa fraxe

pero`, de novo, anca cua xe una cuestion de maturita` e no so cuanti muleti no digo de elementari o de medie ma gnanca de superiori che i gavesi la maturita` necesaria per studiar e farse ripeter le robe fin che no i le ga capide ...

[Golfoblu]

.............................Speso nianche i genitori sa giudicar, come za dito, ghe vol proprio dei psicologi e più facilmente apositi test. E dopo ghe vol scole che tegni conto dei risultati otignudi, altrimenti xe tuto inutile.

Su sto ultimo toco de sta analisi son pienamente d'acordo; no solo per convinzion personal, ma principalmente per averlo verificado "in loco" con mio fio. La scola fata dal maternal fin el corispondente italian del medie superiori in scola privata de lingua tedesca con didatica e disciplina che li distingui. Finido sto ciclo, 3 test psicologici teorici e pratici dove se ga avudo la certezza de oltre el 95% che la strada scelta ( medicina ) dal mulo iera giusta.

[nanaia]

me piaseria saver qualcossa de più sul sistema scolastico del Brasile. Xe possibile?

[ffdt]

[...]Su sto ultimo toco de sta analisi son pienamente d'acordo[...]superiori [...] Finido sto ciclo, 3 test psicologici[...]

a mi me pareva che rofizal 'l intendesi che i test i fusi de fargheli prima per specializar anca le medie e le superiori e a mi xe cuel che me pareva tropo prematuro ... el fato de poder far dei test una volta finide le superiori me par una roba utile, sempre a pato che un el posi sielier isteso

meti che i test i te dixi che una materia per ti la fusi un fiatin piu` adata de un'altra ma che pero` la seconda la te piaxi de piu` de la prima ... a mi personalmente me piaxesi poder decider de far isteso la strada che me piaxi de piu` anca se son un fiatin meno portado piutosto che no finir a far cualcosa de altro che no me piaxi gnanca un poco ... e parlo per esperienza, visto che stago fazendo un lavor indove che in tanti i me dixi che i xe contenti de 'l rixultato ma che a mi no me dixi un gran che ... saro` anca portado, ma no me piaxi e no go sodisfazion

bon, almeno per mi xe stada pegola e no me ga obligado i genitori c'o iero muleto

[rofizal]

Nela solita catalogazion dei miei libri che stago fazendo, ghe iera un vecio libreto sula Danimarca. Prima de butarlo (ormai le notizie xe vecie e poco utili) ghe go dado un'ociada. Iera interesante dove che i parlava del sistema scolastico de quel paese. Go cusì zercado in rete e go subito trovado questo:
http://www.graffinrete.it/tracciati/sto ... nimarc.htm

Ve consiglio de legerlo, perché parla proprio de l'argomento che staimo discutendo. Tra l'altro i dixi:

"il sistema scolastico danese è il migliore in Europa [...] lo studente non é obbligato a frequentare un'istituzione scolastica. E' infatti l'istruzione ad essere obbligatoria, non il fatto di andare o meno a scuola [...] La scuola dell'obbligo è nota con il nome di Folkeskole [...] Gli scopi della Folkeskole sono espressi chiaramente, facendo in particolare riferimento alla crescita individuale di ogni allievo, allo sviluppo di una personalità indipendente e matura [...] permette agli allievi di rimanere insieme allo stesso gruppo per tutta la durata del corso di studi [...] poter essere seguiti da uno stesso insegnante (generalmente l'insegnante della lingua materna) per tutta la durata dei 9 anni [...] tutte le decisioni concernenti i contenuti educativi vengono prese a livello locale [...] Ogni istituto ha un comitato scolastico formato da un gruppo di genitori (normalmente da 5 a 7), due insegnanti, due studenti e il preside [...] le scuole possono fissare esse stesse i loro programmi di studio: comunque, la maggior parte delle scuole si adegua alle decisioni ministeriali in materia [...]
Le materie obbligatorie per tutti gli allievi sono le seguenti:
- lingua materna, matematica, religione ed educazione fisica a tutti i livelli;
- arte dal 1 al 5 livello;
- musica e scienze dal 1 al 6 livello;
- storia dal 3 all'8 livello;
- inglese dal 4 al 9 livello;
- economia domestica ed altre attività pratiche per almeno un livello dal 4 al 7;
- geografia e biologia al 7 e all'8 livello;
- fisica e chimica dal 7 al 9 livello;
- tedesco (o francese) dal 7 al 9 livello;
- studi sociali al 9 livello.

devono essere inclusi anche i seguenti argomenti:
- educazione stradale;
- educazione alla salute e sessuale;
- orientamento all'istruzione di livello superiore e al mercato del lavoro

Dall'8 al 10 livello viene anche offerta una serie di materie opzionali, che vanno dalle lingue straniere all'informatica, la fotografia, il teatro e così via. Gli allievi devono scegliere almeno una materia opzionale da un gruppo di 20. Al 10 livello gli studenti che lo desiderano possono studiare anche latino.
[...]
gli esami non sono obbligatori
[...]
due tipi di scuola secondaria superiore non professionale: il gymnasium, che dura 3 anni e che prepara gli studenti per gli studi a livello universitario o equivalente; e i corsi HF (Höjere Forberedelseseksamen), che preparano gli studenti ad affrontare gli esami a livello superiore in una o più discipline.
[...]
Il gymnasium è diviso in due indirizzi: quello matematico e quello linguistico. Essi hanno alcune materie obbligatorie in comune ed altre che sono caratteristiche di ciascun indirizzo. Alcune materie opzionali possono essere seguite a due livelli, intermedio ed avanzato. Almeno due delle materie scelte da uno studente devono essere a livello avanzato.
[...]
Lo Höjere Forberedelseseksamen (HF) è stato introdotto alla fine degli anni '60 ed è soprattutto diretto a quelle persone, sia giovani che adulti, che hanno lasciato la scuola e che vogliono continuare.
[...]
Gli studenti in particolare hanno voce in capitolo per quanto riguarda sia l'insegnamento che i programmi di esame.
[...]
vi sono alcuni insegnanti con una formazione particolare che dedicano fino ad un terzo del loro orario alla funzione di consulenti degli studenti, sia per quanto riguarda l'orientamento che le situazioni personali.
[...]
L'istruzione professionale è suddivisa in due indirizzi (tecnico e commerciale)"

Ghe xe anche altre robe interesanti che podè leger sula pagina linkada.

Me sembra un altro mondo rispeto al casin che ghe xe in Italia. Ma i nostri politici i varda mai cosa i fa nei altri paesi?

[babatriestina]

Legio, e te digo che la carta se lassa scriver, perchè molte de quele dichiarazioni se le trova nele scole italiane, mai letti i cosiddetti POF? o i capei dei programmi scolastici?
inveze, xe de sottolinear la division temporal dele scole, far quela italiana che conserva la dizion tradizional e le nove, stile american:
De noi iera
5 elementari, la scola de tutti- la base per tutti. Po za se diferenziava, e come che nele scole ottocentesche, austriache qua de noi, ma imagino per tuta Europa , iera 8 anni de Ginnasio, scola secondaria che preparava al università, e de l'altra parte le scole tecniche e professionali, 6 anni spesso, cussì in Italia iera 3 medie e 5 de liceo, a parte le tecnico professionali ( magistrali incluse) più brevi, per meter al lavor prima.
Cole scole medie uniche, praticamente adesso se ga un'istruzion elementare de 5+3 anni e una secondaria de 5 anni, ma se sta orientando in una forma de istruzion obbligatoria ( elementare?) de 5+3+2 anni ( 10 anni: elementari, medie e biennio) e 3 anni secondari
Lori i fa istesso:
solo che i nostri 10 anni i li fa in 9, e xe quel che noi femo fra elementari, medie e biennio, e po una scola secondaria de 3 anni, che a mio parer xe assai pochi per qualificar una secondaria: difatti, loro finissi un anno prima la secondaria e i studenti va a far el "college" che passa per universitario, ma che come materie mi a volte go l'impression che sia quele che una volta se fazeva nei nostri licei.
Le materie che te me citi, a volte le xe studiade in pochi anni: 3 anni de seconda lingua dà apena un'infarinatura, geografia e biologia solo 2 anni??
I studenti che ga vose in capitolo, me piaseria veder a che livello decisional e a che età: te me li vedi i fioi dele elementari che decidi l'insegnamento e i programmi? se xe ciacole, xe fumo nei oci, e se xe vero, me par una assurdità.

L'anno scorso go letto inveze un'impostazion dele scole francesi, molto molto ben fata. Una chiarezza che diria cartesiana

[rofizal]

I studenti che ga vose in capitolo, me piaseria veder a che livello decisional e a che età: te me li vedi i fioi dele elementari che decidi l'insegnamento e i programmi? se xe ciacole, xe fumo nei oci, e se xe vero, me par una assurdità.

Sì, ma se te se limiti a leger i brevi estrati che go riportado come te pol giudicar? Te dovevi leger a pagina de cui gavevo meso el link. Là per esempio te trovavi :
"In ogni scuola secondaria superiore esiste una commissione di "governatori" i cui membri sono eletti fra gli studenti, gli insegnanti e (nel caso del gymnasium) i genitori, oltre a rappresentanti delle autorità locali."
e cusì per i altri argomenti.

In fondo ala pagina te trovavi anche un link ( http://eng.uvm.dk/) che portava al Ministero de l'Educazion danese che ga pagine anche in inglese dove probabilmente spiega tuto quel che te servi.

Mi conoso la Danimarca (e i danesi) per eser stado là un do volte e per gaver una mia parente indireta sposada ad un de lori. No go molta simpatia per quel popolo (fate le dovude ecezioni), perché i ne varda un poco come terzo mondo, no fazendo nemeno distinzion se xe un italian del centro, del nord o del sud, italian e basta. Ma devo dir che credo no i gabi tuti i torti, anche se l'ategiamento xe un poco superbo e dà fastidio. Ma xe un poco come la magioranza de noi varda altri popoli, e alora chi è senza colpe scagli la prima pietra.
Questo comunque un comento de un studente italian andado a studiar in Danimarca (http://www.intercultura.it/P03.001/stud ... =danimarca):
"Avevo paura di affrontare i “freddi” danesi e non smetterò mai di dire che non è stato facile, ma i danesi sono persone estremamente cordiali, hanno bisogno di tempo per lasciarti entrare in loro ma un amico/a danese è una persona che non ti lascerà mai e sarà sempre disposta ad aiutarti."

Resta el fato che la situazion politca/economica/culturale ecc. italiana attuale la xe veramente da terzo mondo, anche se no se lo vol ameter.

Per ulteriori e più aprofondide informazioni sul sistema danese:
http://europa.eu.int/ploteus/portal/ren ... &SecMode=1 (in italian e altre 10 lingue)

Descrizion tecnica del sistema danese:
http://www.etwinning.net/shared/data/et ... tem_en.doc (in inglese)

Intercultura
Informazioni sula partecipazion de studenti stranieri ala scola danese:
http://www.intercultura.it/P03.001/stud ... imarca.php
dove tra l'altro i dixi "l’inglese è conosciuto da una larga fascia di popolazione"

http://www.dirittiglobali.it/articolo.php?id_news=1452
Su questo sito inveze se parla del benessere dei fioi nei paesi ricchi (rapporto UNICEF). Ai primi posti i paesi nordici. Ai primi posti Paesi Bassi, Svezia, Danimarca e Finlandia. Seguono Spagna, Svizzera e Norvegia. L’Italia è in ottava posizione, mentre gli Stati Uniti sono penultimi e la Gran Bretagna è ultima. L'Italia xe prima per qualità di relazioni con la famiglia ma penultima per sistema scolastico!! (seguida solo dal Portogallo, mentre primo xe il Belgio, seguido da Canada e Polonia)
"Per quanto riguarda il rendimento scolastico, la Finlandia, il Canada, l’Australia e il Giappone sono in testa alla classifica. Quattro paesi dell’Europa meridionale (Grecia, Italia, Spagna e Portogallo) occupano gli ultimi quattro posti della graduatoria. Dall’indagine emerge che la Norvegia e la Danimarca, che in genere nelle classifiche relative agli indicatori sociali ottengono ottimi risultati, qui si trovano al 18 esimo e 19 esimo posto.
Per l’aspetto della formazione, l’Italia e la Francia si trovano in fondo alla classifica.
Primo posto per l’Italia per la struttura della famiglia, i rapporti con genitori, fratelli e sorelle e con i coetanei. I paesi dell’Europa meridionale dominano la classifica. Decimo posto per l’Italia per quanto riguarda i comportamenti benefici per la salute e per quelli a rischio e per le esperienze di violenza."
Risulta quindi che al mondo ghe xe altri paesi organizadi scolasticamente meio dela Danimarca, ma xe evidente che l'Italia xe tra i pezo!

Un panorama sule scole europee con links esplicativi per ogni paese:
http://www.scuolaer.it/page.asp?IDCateg ... 1&ID=75387

Altri links utili sule scole.

PLOTEUS (Portale sulle Opportunità di Apprendimento nello Spazio Europeo):
http://europa.eu.int/ploteus/portal/home.jsp

Beh, ve go dado un poco de aiuto se veramente ve interesa aprofondir l'argomento scola. Ghe xe oviamente tanto altro in rete, ma credo l'importante sia cominciar a verzer i oci. Anzi, a verzerli dovesi eser prima i nostri politici...

[babatriestina]

Beh, ve go dado un poco de aiuto se veramente ve interesa aprofondir l'argomento scola. Ghe xe oviamente tanto altro in rete, ma credo l'importante sia cominciar a verzer i oci. Anzi, a verzerli dovesi eser prima i nostri politici...

Veramente, mi sul argomento scola ormai no vado a profondir tanto.. visto che ghe son stada dentro ( e no digo come alunna) per un quarto de secolo abondante, nel qual me go letto programmi, sistemi scolastici, corsi de aggiornamento, manuali de didattica, riviste specializzade... italiani e stranieri a iosa.
Per qiesto me go fato le mie idee e resto de l'idea che val soprattutto come che i progettii va applicai, chi li applica... e che risultati vien fora.
I nostri politici, e parlo soprattutto dei ministri del istruzion, ciacola, ciacola... za mi una roba che me par impossibile xe che nel epoca del informatica, che tutti i dati scolastici vien ingrumai e trasmessi al ministero, per saver roba sule scole i devi usar sondaggi a campion quando che i dovessi gaver i dati statistici completi.
se volè un link sula scola italiana: http://www.edscuola.it/ trovè de tutto: dale ultime norme ai dati statistici, ai suggerimenti didattici..

[ffdt]

[...] In ogni scuola secondaria superiore esiste una commissione di "governatori" i cui membri sono eletti fra gli studenti, gli insegnanti e (nel caso del gymnasium) i genitori, oltre a rappresentanti delle autorità locali. [...]

c'o iero mi a le superiori iera i "decreti delegati" e gavevimo anca noi la stesa identica roba ... ben ... fora che per prexentar liste de gioventu` co' la tesera de 'l partito no serviva

cuei che iera eleti andava la` a taxer o a dir sempiezi e isteso c'o se zercava de far cualcosa de utile no iera verso ... e per zonta la direzion scolastica fazeva cuel che voleva senza considerar cuel che dixeva 'l consiglio de istituto (che se ciamava cusi` la "comision de governadori" che gavevimo)

belisima idea de democrazia, in teoria, ma in pratica un ordegno inutile per via de l'incapacita` e 'l menefreghixmo de i studenti e per via de 'l fato che chi che dirigeva la scola no ghe ne podeva interesar de meno de far creser la coscienza civica

no xe le regole che cambia la societa`: xe la societa` che decidi che regole darse!