Villeggiatura

[babatriestina]

Comincio mi, per romper el iazzo: la villeggiatura come che me contava nona.
De solito la sua famiglia andava un per de settimane a Cormons dei cugini: iera un viaggio longo, cola carozza a cavai, durava quasi un giorno.
Altre mete, dopo sposada: Spilimbergo, Tricesimo, Cividal... dele foto paressi che la se meteva d'accordo cole sorelle sposade per andar nei stessi posti e far villegiatura insieme. Altra villeggiatura: Feldkichen, in Carinzia: go ritrovado le foto del 1905: ecco nono:
[



e xe chi che imparava a nudar nei laghi carinziani, ma no paressi un parente:

Viaggi? Ogni tanto a Vienna, col treno, o a Venezia col vapor dela Tripcovich!

[Nona Picia]

Mia mama e mio papà con mia sorela, mi e mio fradel no ierimo ancora nati, i andava in ferie a Erpelle, co troverò qualche foto la posterò. In seguito, co ierimo un poco più grandi e lori voleva farse un picio viageto de nozze, no sucedeva spesso perchè no iera soldi, i andava a Laggio di Cadore opur a Graz e quando che i iera zà veceti i andava a Dobbiaco.

[AdlerTS]

Me ga sempre fato rider che una mia bisnona ga fato el viagio de noze a Muja

[ffdt]

fusi un viagio original ... chi sa che no ghe copio l'idea ;-D ... e se no a muia magari a basoviza ;-D ;-D ;-D ;-D

[Nona Picia]

Me ga sempre fato rider che una mia bisnona ga fato el viagio de noze a Muja

Ti te sembrerà strano, ma a mi co iero poco pià che muleta, me xe sembrà un avenimento far una gita in moto con mio cognà fin a Grignan!

[babatriestina]

Ancora nei anni Cinquanta-Sessanta i mii co iera caldo fazeva villeggiatura a Basovizza, mi go fato una volta una breve villeggiatura al Kras-Carso de sior Milic a Monrupino.

[Nona Picia]

I mii zii, nonchè genitori de nanaia, andava inveze in ferie de Furlan. Ovviamentte, se nanaia vol, la ve conterà qualcossa de più.

[nanaia]

Sì, xe vero mio papà e mia mamma andava dai anni 60 fin metà anni 70 a far un mese de villeggiatura a Monrupino: i gaveva una casa caldissima in via Vignola, per cui Monrupino ghe iera come Cortina e mia mamma che in montagna no podeva andar per problemi de salute la iera contentona. Mio papà anche. MI NO!!! I anni che me gà tocà agregarme, xe stai un suplizio: sola muleta in un mar de veci (o forsi i me pareva veci perchè iero muleta, chi sa.....)
Inveze me par coccolo farve veder mia mama e le sue tre sorelle in villeggiatura a Erpelle nel 1932 (le gaveva 28, 25, 22 e 12 anni rispettivamente). Mia mamma gaveva un ricordo dolcissimo de quei anni e, curioso in ela che no contava mai niente, la me contava che mio nono ogni sera fazeva "la ronda" nelle camere per controllar che le fussi in letto e anche sotto i letti el ghe dava un cuc Sarà perchè iera proprio lui un poco...vivacetto? Chissà....
Mamma xe la seconda da sinistra

[babatriestina]

mese de villeggiatura a Monrupino: I anni che me gà tocà agregarme, xe stai un suplizio: sola muleta in un mar de veci
mia mama e le sue tre sorelle in villeggiatura a Erpelle nel 1932

mi a Monrupino gavevo fato amicizia coi muli de paese: Majda, Sonia, Zvezda e Boris!
epur sta foto no me par nova..

[nanaia]

Mi con Majda son tuttora in amicizia: la iera l'unica coetanea con cui zogar quando no la doveva aiutar in casa. Quando i ga cominciado la gestion i sui genitori i gà dovù romperse la schena per rimetter in sesto el local...
Noi portavimo a spasso in passegin sua sorella Alenka, assai picia

[ffdt]

[...] Zvezda [...]

de cuel che so mi sto nome vol dir "stella"

[babatriestina]

[...] Zvezda [...]

de cuel che so mi sto nome vol dir "stella"

Sì, i me gaveva spiegado subito quela volta ( se sa, de solito, per via de una squadra de balon). Penso che per cortesia a mi, no i se parlava sloven fra de lori co zogavimo insieme ma parlavimo tuti in triestin.