Cava Faccanoni

[vorwaerts]

Salve,

volessi farme un bel giro sora la Cava Faccanoni per far un paio de fotografie. Savè se la xe accessibile e quale xe la strada più comoda/veloce per rivarghe dall'alto?

[sum culex]

Penso che possi esser la 'Passeggiata Derin'. La comincia a Monte Spacà insieme col sentier N. 1 per finir a Conconel e qua la se congiungi de novo col sentier N. 1 che porta fin al Obelisco.
Spero de no aver sbaglià gnente.
Altri, più esperti de mi, poderà dar conferma.
Se pol lassar la machina nel postegio che xè a Monte Spacà, seguir la passegiata Derin fin a Conconel e tornar indrio per el sentier N. 1; cussì se fa un anel e no se torna indrio proprio per la stessa strada.
ciao
sum culex

[vorwaerts]

ciao sum culex,

grazie della dritta ! Rileggendo el mio post me son acorto che me son espresso mal Mi volessi rivar sora la cava nel modo più veloce e rapido possibile (rivandoghe da sotto o da sora), per poder far dele foto da là. Da monte Spacà a là xe una bela passegiata ma tropo longa

[babatriestina]

allora confermo anche mi la passeggiata Derin, la sola che passi sora la cava e che a suo tempo xe stada deviada più in alto perchè la parte bassa xe stada magnada della cava: un quarto d'ora circa dal valico del Monte Spaccado e te son sora la cava. La traccia del vecio sentiero se la vedi a un bivio che la va a sinistra in zo, e la xe ovviamente serada perchè la va senza protezioni sul orlo della cava, no osassi mai andarghe, altro che le falesie del Rilke! per fotografar del sentiero però no so, perchè ghe xe alberi che ripara el bordo, che ripeto a mio parer xe irraggiungibile perchè pericoloso, tutto altro de quele del Bosco Bazzoni e vicina che se pol andar al bordo senza difficoltà.

[vorwaerts]

Credo de gaver capì ! ghe son anche passado molte volte, anni fa, andando a correr, da Conconel, ciapando quel sentier subito soto i ripetitori, giusto?
Ma se no me ricordo mal, xe addirittura una rede sul sentier, percui zo no se riva andar neanche volendo. Se poi me disè che xe cussì ripido...mejo ripiegar sul bosco Bazzoni

[babatriestina]

per mi la me par più curta del Monte Spaccado. La cava del Bosco Bazzoni xe tuto altro perchè la xe a scalini e in parte za bonificai

[vorwaerts]

si la xe più curta sicuramente. Iera solo esser sicuro de gaver capido; ma se no xe ghe pol andar vizin, neanche la fatiga co' sto caldo

[babatriestina]

zerco de ricordarme.. me par che te la vedi de sbiego prima de arivarghe de sora. Magari no in sta stagion, che po quel sentier de solito se lo fa in inverno, co no xe foie sui alberi L'ultima volta tentavo de fotografar Villa De Rin

[vorwaerts]

bella foto !!! me sa che desso xe troppa vegetazion

[Nona Picia]

Qualchedun de voi ga leto la notizia sul Piccolo che disi cossa che i vol far dela cava?
Mi me ga ricordado el fatto el forum de Elsitodesandro

[babatriestina]

go letto... in teoria saria assai bel, la cava xe orenda ( la gavè vista de Grado?) e saria bellissimo impignirla e farla verde.. me lassa el dubbio i materiali inerti.. in teoria giusto , ma no volessi che in pratica po finissi la solita discarica de material pericoloso e che come sempre i se inacorzi anni dopo. E che no sia solo che un aiuto a un amico de un amico che no sa dove scarigar le propie scovazze. Col tempo, stago deventando diffidente.

[1382-1918]

go letto... in teoria saria assai bel, la cava xe orenda ( la gavè vista de Grado?) e saria bellissimo impignirla e farla verde.. me lassa el dubbio i materiali inerti.. in teoria giusto , ma no volessi che in pratica po finissi la solita discarica de material pericoloso e che come sempre i se inacorzi anni dopo. E che no sia solo che un aiuto a un amico de un amico che no sa dove scarigar le propie scovazze. Col tempo, stago deventando diffidente.

Esatto, son d'accordo con ti, solo che mi diffidente lo son za da sai tempo, e purtropo le robe, a lungo termine, me ga sempre dà ragion.

[babatriestina]

MOD go unificado due topic sula medesima cava Faccanoni /MOD