Leggende de famiglia
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- AdlerTS
- cavalier del forum
- Messaggi: 9561
- Iscritto il: mar 27 dic 2005, 21:35
- Località: mail: adlerts[at]email.it
Vedo che tuti ga in famiglia qualche storia strana, del nonno o trisnonno, che sembra inverosimile, ma vien venduda per vera: gavè voia de contarme una ?
Premetto che non giuro che sia vera, cusì i me la ga contada.
Doveva esser poco prima della guerra 1914-'18.
La casa dove stava i miei bisnoni gaveva una finestra che dava su un cortil comun con un osteria. Un giorno mia bisnona la iera in cusina che la preparava de magnar, la senti un remitur in 'sta osteria, tuti che ziga ! La varda zo de la finestra, che iera poco più alta de l’alteza de un omo, e la vedi un dragon de l’esercito, imbriago, che sta spacando tuto con el spadon. Tuti xe scampadi via, meno che suo marì che iera senza un pie e no podeva filar via come i altri. 'Sta Nona ga visto che el dragon vien, spacando tuto, verso de lui, che el iera sentà soto la finestra de casa: la ga spetà che el rivi vicin alla finestra, la se ga tirà su le cotole, che quela volta iera longhe fin per tera, la xe montada sul sburto e la ghe xe saltada sule spale al dragon! La ghe ga cavà la spada (imbriago comunque el iera) e la lo ga fato filar via !
Un caratterin doveva aver mia bisnona !
Premetto che non giuro che sia vera, cusì i me la ga contada.
Doveva esser poco prima della guerra 1914-'18.
La casa dove stava i miei bisnoni gaveva una finestra che dava su un cortil comun con un osteria. Un giorno mia bisnona la iera in cusina che la preparava de magnar, la senti un remitur in 'sta osteria, tuti che ziga ! La varda zo de la finestra, che iera poco più alta de l’alteza de un omo, e la vedi un dragon de l’esercito, imbriago, che sta spacando tuto con el spadon. Tuti xe scampadi via, meno che suo marì che iera senza un pie e no podeva filar via come i altri. 'Sta Nona ga visto che el dragon vien, spacando tuto, verso de lui, che el iera sentà soto la finestra de casa: la ga spetà che el rivi vicin alla finestra, la se ga tirà su le cotole, che quela volta iera longhe fin per tera, la xe montada sul sburto e la ghe xe saltada sule spale al dragon! La ghe ga cavà la spada (imbriago comunque el iera) e la lo ga fato filar via !
Un caratterin doveva aver mia bisnona !
Ultima modifica di AdlerTS il mer 1 feb 2006, 12:36, modificato 1 volta in totale.
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
tempi andai
mia mama, in tempo de guera, la se alternava cunavicina per andar a cio late in Carso. Un giorno, cussì la ne contava, la xe rivada là de l'Obelisco (più o meno) e de lontan la ga visto le SS che ciapava done come ela. Ela ga tentà de filarsela, ma i la ga fermada e i la ga portada dove che iera le altre. Là la ga visto che i gaveva za impicà 2 done.Alora la ga comincià, da bona austriaca, a parlar in tedesco e lori ghe ga dito "Sind Sie Deutcherin?" e mia mama: "Ia,Ia". Alora i ghe ga dito :"Gehen Sie schnell nach Hause!".
Logicamente mia mama ga ciapà la bala al balzo ela xe filada via più presto che la podeva. Mi no so se la xe tuta vera. iero ssai picia a quei tempi e credevo a tutto quel che i me contava.Cossa disè voi?
nonapicia
Logicamente mia mama ga ciapà la bala al balzo ela xe filada via più presto che la podeva. Mi no so se la xe tuta vera. iero ssai picia a quei tempi e credevo a tutto quel che i me contava.Cossa disè voi?
nonapicia
un tedesco de bon cuor...
Durante un alarme aereo..
mia mama con mi in brazo e mio fradel per man...corendo zo per le scale che portava da san giacomo in galeria sandrinelli..quela che porta in piaza goldoni..(la iera alora atrezada a rifugio antiaereo)..vista la dificoltà, un soldà tedesco me ga ciolto in brazo aiutando mia mama ad arivar ala fine dele scale....grazie ghe ga dito mia mama e lo ga saludà.
Bruno
mia mama con mi in brazo e mio fradel per man...corendo zo per le scale che portava da san giacomo in galeria sandrinelli..quela che porta in piaza goldoni..(la iera alora atrezada a rifugio antiaereo)..vista la dificoltà, un soldà tedesco me ga ciolto in brazo aiutando mia mama ad arivar ala fine dele scale....grazie ghe ga dito mia mama e lo ga saludà.
Bruno
- babatriestina
- senator
- Messaggi: 41810
- Iscritto il: dom 25 dic 2005, 19:29
- Località: Trieste, Borgo Teresiano
El geh ga domandado La xe tedesca? e ela ghe ga risposto Sì, si e alora el ghe ge dito La vadi svelta a casa!granzo ha scritto:Beh, saria meio che te ne fazi la traduzion de quele frasi, perche` no tuti sa el tedesco. Me par de gaver intuido che i ghe ga dito de andar svelta a casa, ma prima cossa i ghe ga domanda'?
Mi de pseudo tedesco, me contava mama che la dona che ghe vegniva a far le pulizia e un giorno se ga trovado un cordon de polizioti tedeschi soto casa (sempre durante la II guera) e ela no saveva tedesco, ma ga dito E mi ghe go dito Orbàit (Arbeit= lavoro) e i la ga lassada passar.
Cuesta no la xe de la mia familia ... la go leta in t'un libro ... iera militari taliani in africa ciapadi de i tedeschi dopo de 'l 8 setembre ... a un certo punto i taca a fucilarli e i uficiai piu` alti in grado i decidi de dar 'l exempio e de andar per primi ...Larry ha scritto: E noi pensavimo che eravate alleati!
Un tenente triestin el ghe fa a 'l comandante che se no ghe disturba lu el preferiria de no eser fucilado, el lo saluda e 'l va de i tedeschi ... el li saluda e 'l ghe fa "ich bin von Triest" (mi son de Trieste) e i mati i lo ga ficado insieme co' un mucio de altri triestini e sudtirolexi ... imbragadi tuti e portadi fin a caxa.
La iera scrita per vera, ma no me ricordo piu` ne' 'l autor ne' 'l libro ... sa ... aleai o no c'o xe in zogo la pele me sa che se diventa tuti poligloti
Ciau
Franco
- babatriestina
- senator
- Messaggi: 41810
- Iscritto il: dom 25 dic 2005, 19:29
- Località: Trieste, Borgo Teresiano
La mia no xe legenda, xe vera, ma co ghe penso rido ancora :
No so come mama o nona gaveva trovado una baba, imagino grossista de ovi, che ne li portava a casa, calcolo sui 20 -24 ala volta, ma el curioso xe la la siora se ciamava Gallina.
Cussì un dopopranzo che iero con un'amica e spetavimo che vegnissi un'altra per meterse d'accordo per una festa, sona la campanela e mama ne fa No xe per voi, xe la Galina che ne vien a portar i ovi!
Dovevi veder la faccia dela mia amica!
No so come mama o nona gaveva trovado una baba, imagino grossista de ovi, che ne li portava a casa, calcolo sui 20 -24 ala volta, ma el curioso xe la la siora se ciamava Gallina.
Cussì un dopopranzo che iero con un'amica e spetavimo che vegnissi un'altra per meterse d'accordo per una festa, sona la campanela e mama ne fa No xe per voi, xe la Galina che ne vien a portar i ovi!
Dovevi veder la faccia dela mia amica!
- sum culex
- no montar in scagno
- Messaggi: 5946
- Iscritto il: ven 20 gen 2006, 15:45
- Località: Trieste - Rozzol
questa xè vera, no de antenati, na vera
Tantissimi ani fa, co andavimo in campegio a Cortina xè sucessa sta sceneta.
Mi iero fora con moglie e fioi, altre due babe che iera là le iera sole coi fioi perchè i relativi consorti iera a lavorar. Un giorno semo andai in paese, mi guidavo. Quela volta gavevimo una Opel famigliare. Gavemo ciolto con noi anche le due babe sole con relativa prole. Davanti con mi iera la mia gentile signora babazza, de drio le due babe, tuti i fioi, nostri e de lore iera in bagagliaio (con quel'auto se podeva). Co' vedevimo un vigile ghe disevimo ai fioi: cuceve che no'l ve vedi. Ben, bon, co' semo rivai in postegio, la dela stazion, go verto el portelon de drio e tuta la muleria ga comincià a smontar.
Vizin de noi iera una machina de furlani che ghe fa a mia moglie, che nel fratempo la iera smontada: Quanti bei fioi, no sarà miga tuti sui? No, no - ghe rispondi mia moglie - xè de tre mame, ma xè un solo papà!!!
A sto punto i furlani xè montai in auto, i ga messo in moto e ixè filadi via!
Perchè?
Ciao
sum culex
Mi iero fora con moglie e fioi, altre due babe che iera là le iera sole coi fioi perchè i relativi consorti iera a lavorar. Un giorno semo andai in paese, mi guidavo. Quela volta gavevimo una Opel famigliare. Gavemo ciolto con noi anche le due babe sole con relativa prole. Davanti con mi iera la mia gentile signora babazza, de drio le due babe, tuti i fioi, nostri e de lore iera in bagagliaio (con quel'auto se podeva). Co' vedevimo un vigile ghe disevimo ai fioi: cuceve che no'l ve vedi. Ben, bon, co' semo rivai in postegio, la dela stazion, go verto el portelon de drio e tuta la muleria ga comincià a smontar.
Vizin de noi iera una machina de furlani che ghe fa a mia moglie, che nel fratempo la iera smontada: Quanti bei fioi, no sarà miga tuti sui? No, no - ghe rispondi mia moglie - xè de tre mame, ma xè un solo papà!!!
A sto punto i furlani xè montai in auto, i ga messo in moto e ixè filadi via!
Perchè?
Ciao
sum culex
- torziolona
- vilegiante
- Messaggi: 31
- Iscritto il: gio 2 feb 2006, 22:50
So che sull'isola de Cherso, quando iera i nazisti sull'isola, questi andava a pesca con le bombe a man, tirando su tuti i pessi più grossi che vigniva a galla.
I muleti alora spetava che i vadi via e se tuffava con delle redine a tirar su i pessi pici che i tedeschi non se gaveva degnado de pescar e con quei magnava tuta la famiglia. Tuto questo non troppo sotto costa, naturalmente, quindi iera una bela fadiga, ma meritava.
I muleti alora spetava che i vadi via e se tuffava con delle redine a tirar su i pessi pici che i tedeschi non se gaveva degnado de pescar e con quei magnava tuta la famiglia. Tuto questo non troppo sotto costa, naturalmente, quindi iera una bela fadiga, ma meritava.
- babatriestina
- senator
- Messaggi: 41810
- Iscritto il: dom 25 dic 2005, 19:29
- Località: Trieste, Borgo Teresiano
stesso racconto go sentido de un amico, qua a Trieste, che el iera muletto al epoca e i tedeschi pescava con bombe in zona Santa Croce. el disi che el xe arivado a becar branzini.. del punto de vista ecologico, me par che i iera alquanto barbari anche in quel.torziolona ha scritto:So che sull'isola de Cherso, quando iera i nazisti sull'isola, questi andava a pesca con le bombe a man, tirando su tuti i pessi più grossi che vigniva a galla.
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
La storia de mia mama che andando a cior late a Opicina la xe incappada nei tedeschi la go zà contada l'altro anno de un'altra parte no so dove. Se un giorno Adler ga piazer de spostarla....... lo ringrazierò!
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
- Nona Picia
- cavalier del forum
- Messaggi: 10983
- Iscritto il: ven 20 gen 2006, 15:08
- Località: Trieste - Rozzol
Però posso contarve questa storiella. Co ierimo fioi, mio papà ne portava in gita con la 25 fin a Catinara e dopo su per la scala dele vache andavimo lungo el ciglion fin de mia zia che la abitava nela scola de Opicina perchè suo marì iera bidel là. Mia mama preparava panini ovi duri pomi e acqua pe magnar per strada e veniva con noi anche altri muleti. Una volta mia zia ne ga dà i soldi per el gelato de cior in stazion del tram Sicome che el barista iera un ninin stitico, un soldà, credo american, el ghe fa un gesto come dir: "de più, de più" el barista lo ga guardà e el ga aumentà la dose e l'american ga pagà con nostra somma gioia. Noi, de fioi de bona educazion che ierimo , lo gavemo ringrazià, ma no gavemo capì gnanche meza parola de quel che el ne ga dito. In americani iera boni muli, anche quando finivimo l'orario de scola a Roian, i ne spetava sule finestre dela caserma e i ne butava soldi ciocolata e gome americane (iera la roba che ai fioi ghe piaseva de più!).
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Questa no me la contava mio nono, ma papà. Iera nel '44, credo, perchè papà me diseva che lui gaveva 16 ani Un giorno i Tedeschi metti un anuncio dove che se invita tuta la popolazion maschile da sedici ani fino ai zinquanta a presentarse presso la Organizzazione Todt (che tuti la ciamava Tot) per andar a far lavori in Carso, e che iera meio che i se presentassi spontaneamente prima che i li vadi a cior lori casa per casa. Papà, tra i pianti de nona, quindi se presenta e i lo manda in Carso a lavorar. Lui fazeva buchi, un altro metteva gelignite, e poi via coi bunker. Per magnar ghe dava do volte al giorno una sorta de aqua calda che i la ciamava "zupa" dove i doveva aver bolito cavoli, ma quei no iera più da tempo Ovvio che papà moriva de fame, come tutti i altri, del resto. Un giorno i "lavoratori" iera in fila avanti al calderon dove iera la famosa zupa, servida da dò coghi: papà nol se ricordava se i fussi italiani, sloveni, croati o altro. Mentre che apunto i dava la zupa, ariva una camioneta de tedeschi. Scendi l'ufizial, tira fora un folio de carta e comincia a leger in tedesco che nissun capissi niente. Come el finissi de leger, fa un segno ai soldaten, che metti da un canto i dò coghi, tira fora i mitra...e i li copa, cussì, davanti a tuti. Poi, calmi calmi, continua a versar la zupa. solo dopo i ga savudo che i due iera stati acusati de rubar sul cibo dei prigionieri, e per questo i li gaveva procesà in contumacia e condanati. Papà me diseva che per giorno, chisacome, ghe iera passà l'apetito. No che sia d'acordo con quei sistemi, ma ve imaginè che fragori se anche adeso i fuzilassi tuti quei che no metti le verdure dove che i devi?
- babatriestina
- senator
- Messaggi: 41810
- Iscritto il: dom 25 dic 2005, 19:29
- Località: Trieste, Borgo Teresiano
Go leto de la fine del forum Triestemia. Che pecà rovinar tuto per la politica. Solo che, come se diseva ani fa, tuto xe politica. O se pol mandarlo in politica. E qualchedun se pol ofenderse per qualsiasi cosa. I tedeschi no se poteva ofendere per quel che go scrito dele esperienze de mio papà? O anche dir che lu el iera colaborazionista perchè no se scampà in montagna, inveze de presentarse? E vegno al punto: chiedo ai moderatori se sia el caso che scrivo dele aventure de mio papà, de zio, de altri che go conossudo durante la Seconda Guera e poco dopo. Ovio che xe storiele, ma in alcuni casi anche dolorose e sempre, sempre, sempre, travisabili da chi xe interesado a travisar. Però interesant, perchè, come che el diseva un grande medievista, Le Goff, xe storia anca la lista de la spesa, che la pol , a volte, spiegar melio ela i fatti che un documento ufizial. Feme saver. Grazie.