Manifestazioni a Trieste 1946

[rofizal]

Sul vecio forum Macondo gaveva messo questa foto della manifetazion titina del 1° maggio 1946. La riporto anche perché go el raconto de un episodio de cui me parlava mio nonno.

Forsi la stessa manifestazion iera quela che pasava soto le nostre finestre. Iera gente pacifica che se limitava a manifestar per qualcosa in cui credeva. Niente de minaccioso nianche per chi no la pensava come lori.

Però co i xe pasadi per via Carducci, se ricordo ben i fatti, da una teraza i ghe ga butado una bomba (a man credo). No digo da quale casa per la solita privacy e no voio gaver problemi se la roba no xe stada mai riportada (non lo so). Sempre se ricordo ben, per fortuna la bomba xe sciopada sui fili dela luce o qualcosa de simile, senza far vitime. Chisà se iera stado riportado dai giornai.

[babatriestina]

Forsi la stessa manifestazion iera quela che pasava soto le nostre finestre. Iera gente pacifica che se limitava a manifestar per qualcosa in cui credeva. Niente de minaccioso nianche per chi no la pensava come lori.
.

el 1 maggio del 46 iera anche el primo anniversario del 1 maggio del 45, ancora celebrado e a cui xe dedicade alcune scole sul Altipian.
niente de minaccioso in quel periodo? che iera cortei e controcortei ogni giorno? e che Trieste iera in piena occupazion militar? e che no se saveva ben cossa che saria nato de ela?
la foto xe in bianconero, per cui me piaseria saver se el tricolor cola stella rossa in prima fila iera biancorossoverde o biancorossoblu.
La bandiera del socialismo xe la bandiera rossa...

de un corteo del 1 maggio con incidenti me parlava anche mia nona, ma no savessi se nel primo o nel secondo dopoguerra.
Per i giornai, basta andar a consultar alla Civica, iera regime de occupazion, ma no savessi se la censura angloamericana iera come quela austriaca

[rofizal]

niente de minaccioso in quel periodo?

Mi no so se xe la stesa manifestazion e se la iera in quela data. Ma l'episodio cui me riferivo, mio nono che iera dala parte italiana, no certo filotitino, anzi... me racontava che iera povera gente quela del corteo, no in senso dispregiativo, ma come a dir gente bona a tranquila (no so i organizatori, stago parlando de quela che partecipava al corteo) e che de conseguenza un atentato del genere ghe pareva oltremodo criminale, senza alcuna giustificazion (credo comunque che nol gavesi mai giustificado nisun atentato de nisuna parte, questo a scanso de equivoci).

No go alcuna intenzion de acender polemiche o rivangar robe pasade de un bruto periodo. Volevo solo racontar l'episodio per saver anche se qualchedun altro ghe ne saveva qualcosa.

[1382-1918]

la foto xe in bianconero, per cui me piaseria saver se el tricolor cola stella rossa in prima fila iera biancorossoverde o biancorossoblu.

Se i colori xe in verticale, cioè paralleli all'asta, xe de sicuro verde-bianco-rosso.