Trieste "in Spagna"

[AdlerTS]

Par che le strade con la Spagna se gavessi già intrecciado nel 1500: morto Massimiliano I d'Asburgo i triestini ga mandado ambasciatori a Carlo V in Barcellona, al quale se sottolineava l'importanza de Trieste ed el desiderio de appartener alla Corona di Spagna: doveva passar alla Spagna Gradisca, Gorizia, Trieste, la Carsia, la Piuka, la Liburnia, l ' Istria Contea e la Marca Vindica !
Carlo V da principio sembrava dar buone speranze ai messaggeri e vien convocata una Dieta in Gorizia per le provincie dell'Adriatico da unir in uno Stato spagnolo. Solo ai reclami dei Carniolini, fedeli a Ferdinando I, Carlo V da Bruxelles ga restituido Trieste alla Corona Austriaca.

[babatriestina]

Par che le strade con la Spagna se gavessi già intrecciado nel 1500: .

verissimo, solo che questo andassi nel post del periodo precedente, anche perchè coi Carlisti, che iera Borboni,e che iera nel Ottocento, no ghe n'entra ; e inveze xe appunto uno dei momenti del appartenenza al grande impero de Carlo V su cui no tramontava el sol. Me piaseria veder le date, per confrontar se ghe xe un legame col breve periodo de passaggio dei Veneziani nel 1508-9. Tamaro nela sua Storia de Trieste puntualizzava su questo momento, disendo che se Trieste fossi passada nela parte "spagnola" del impero, cioè i domini conservai de Carlo V e po passai a Filippo II e no alla parte austriaca de Ferdinando I, forsi la storia de Trieste saria stada diferente, nel senso che Trieste gavessi condiviso le sorti del Milanese.. ma dal punto de vista giuridico, saria stado propio regno de Spagna? o semplicemente la parte occidental del impero?

come che te la conti, par quasi che i triestini desiderassi apartegnir al blocco occidental e i soliti Sloveni ( i Carniolini) vol inveze aver Trieste tacada con lori .

PS : quala xe la Marca Vindica? Carinzia o dintorni?

[AdlerTS]

Te ga ragion che semo lontani 3 secoli dai Carlisti, ma non avendo a disposizion material sufficiente per far un discorso approfondido, lo go messo qua ligandome al tema "Spagna".
La Marca Vindica corrispondeva circa alla Bassa Carniola (in sloven Dolenjska).
El testo disi "morto Massimiliano", quindi semo dopo el 1519.

[babatriestina]

La città immediata de Trieste xe stada assegnada ai domini asburgici spagnoi dal 1518 al 1522 ( fonte, Archeografo triestino, ultimo numero dicembre 2008).

(MOD:
Sposto questo toco alla sezion corretta, perchè no ga gnente a che far coi Carlisti, che inveze iera Borboni e che vissudi a Trieste nel Ottocento)

[AdlerTS]

Povero Massimiliano, no i ga gnanche spetado che el mori

[babatriestina]

Povero Massimiliano, no i ga gnanche spetado che el mori

se vedi che ghe iera più simpatico Carlo V

[AdlerTS]

La città immediata de Trieste xe stada assegnada ai domini asburgici spagnoi dal 1518 al 1522 ( fonte, Archeografo triestino, ultimo numero dicembre 2008).

Comunque Immediata solo dopo el 1 Ottobre 1849

[babatriestina]

Ok la città de Trieste e basta