HEAT WAVE

[Coce]

Ogi parlemo del nostro clima qua a Melbourne, Australia.
semo de fronte a un'odata de caldo che no gavemo visto de qualche ano.
Le previsioni del tempo xe la seguenti:
La temperatura massima ogi iera 25 C.
Domani martedi' prevista 40 C.
mercoledi' " 41C.
giovedi' " 40 C.
venerdi' " 40 C.
sabato " 32 C.
Cosa ve par? Ciao Coce

[serlilian]

Odìo.
Ma xe seco, almeno? Perchè se xe umido, xe de morir.
E come xe? Un sbalzo de 15 gradi de ogi a doman?

Go provado temperature simili quando go visitado la Valle dei Re, in Egito. Fortuna che un mulo europeo me gaveva vendudo una de quele straze che se meti in testa i arabi e el me gaveva spiegado come meterla. Un coton belissimo, che tigniva veramente fresco. Go visto che l'importante xe coverzer el copin, non per niente nela legion straniera i ga el kepì con un toco de stofa bianca de drio.

[Coce]

Si Serlilian, co la temperatura xe ingiro i 40 C. xe sempre seco, la zona subtropical,e tropical la incomincia de Sydney e la continua su tuto el nord
sempre agiacente al mar in sti posti la temperatura se agira sui32-34 C.
e xe assai scomodo perche xe "Mugy" Afoso. Sydney xe sul limite, e qualche volta la pol aver temperature de 40 C. sempre se i venti provien dal interno cioe' dal'Ovest. la parte piu' calda del continente xe el Nord-West del West Austrlia dove incerti posti la temperatura se agira sui 43-44 gradi quasi ogni giorno d'estate. Ciao Coce

[Coce]

Voio agiunger qualche cosa de attuale qua in Australia. Ieri la temperatura ga sorpassa' le previsioni e a Melbouurne la xe rivada a 43.4
gradi, a Adelaide la iera oltre i 44 C. Ogi sara' uguale e forsi pezo.
gavemo avu' come de consueto col caldo el primo "Bush Fire" sula Mornington Penisola dove semo noi. Le sine dei treni metropolitani se ga storto per el calor, i treni se ga ferma', ve pode' imaginar i pendolari ciapai in quela caldana. Domani xe previsto "Idem con Patate"Ciao Coce

[Coce]

Notizie sui Trenihttp://www.theage.com.au/national/tracks-buckl ... -7s0h.html

[Coce]

La saga ga continua' anche ogi la temperatura xe stada 45.1 C. e gavemo diversi Bush Fires, per fortuna xe sta' un leger cambimento domani se prevedi 37 C. Ciao Coce

[serlilian]

Devi esser teribile. No basta el caldo, anche i incendi!

Adesso i diseva per radio che xe stadi parechi morti, in Australia, per l'ondata de caldo "eccezionale"... "pur essendo l'Australia il Paese dove si registrano le estati più calde e secche al mondo".

Estati? Ma no semo in inverno? Va ben che de voi xe el periodo più caldo, ma sempre inverno resta.
In ogni caso mi credevo che in qualche parte dell'Africa podessi far più caldo, forsi nel deserto del Sahara.

[Zigolo]

Estati? Ma no semo in inverno? Va ben che de voi xe el periodo più caldo, ma sempre inverno resta.

NOI semo in inverno, per lori xe estate, estate australe. Giusto, Coce?

[Elisa]

Estati? Ma no semo in inverno? Va ben che de voi xe el periodo più caldo, ma sempre inverno resta.

NOI semo in inverno, per lori xe estate, estate australe. Giusto, Coce?

......'visto e considerato......' l`assenza de risposta, alora rispondo mi.
Giusto Zigolo! VOI se en inverno nel emisfero nord, apunto, e per noi l'è estate australe.
Noi sen quasi sul stes paralelo de Coce (senza masa precision tra el 33o. e el 38o.) ma per fortuna no sen ancora arivadi a quele temperature estreme. L`altro dì ha fat el massimo de quest`istà de 39,6 gradi,....che poden dir che l`è anca abastanza!

[serlilian]

So che soto l'equator xe el periodo caldo, ma credevo che i ghe ciamassi inverno, come qua de noi.

[Bilbo]

cavoli.... 40°....

xe la temperatura dela mia cpu quando la lavora al 100%

[Coce]

Serlilian anche noi gavemo 4 stagioni Estate,Autunno,Inverno,Primavera
solo che che le xe all'oposto de voi.
Bilbo ieri iera 45.1 Gradi xe un primato che no se ga riscontra'per quasi 100ani e ne ga porta' grandi problemi. El sistema trasporti tranviario,ferroviario se ga bloca', gavemo avu' black-out del'enegia elettrica che ga causa' dei decessi per qualche paziente che xe dipendente de suporti mecanici, e naturalmente Bush Fires che ga distrutto diverse case. Ciao a tuti Coce Thank God ogi xe meo.

[AdlerTS]

Ogi anche el nostro tg ga parlado del caldo australian, citando la centrale elettrica vicin Melbourne in avaria forse per l'assorbimento dei climatizzatori

[Nona Picia]

Speremo che sta prossima estate qua de noi no la ghe somigli a quela australiana!

[Ursus Canadiensis]

Pervia del suriscaldamento dei inverni, in ste ultime decadi, qua in British Columbia, Canada, gavemo oramai perso più dela metà del pin. Se trata del Dendotctronus Ponderosae," un scarafagio un tantin più grande de un gran de risi ma de un potenziale de danno inimaginabile.

Imagineve un area de oltre due milioni de etari dei pini più bei e maestosi che podè imaginarve, alberi de cento metri, tanti centinaia de ani de età, distruti completamente.

Ma la perdita de tuto sto legname xe solo l'inizio del problema. Imagineve dopo che tutti sti mammut dei alberi , morti nel giro de un pochi de ani, el numero de lori cusì grande da causar l'imposibilità de taiarli e utilizarli, perchè se trata de due volte el consumo de legname de tuto el mondo, e vanzaria ancora bastanza legno per farme un secondo garage, che adeso i xe la, nele foreste a marzir, e a causar più metano nel'atmosfera che tuto el trafico anuale dei automezi del Nord America.

Le temperature, nele foreste del'interno dela BC, xe sempre scese ai 37º, 40º e anche più grad – ogni inverno per secoli e secoli. El fredo iera sempre el nostro aleato nel controlo del scarafagio. Ma oramai, ze za squasi venti ani che le nostre temperature abituali no se avera più e le larve le sopravivi soto la scorza del pin, stacandola dal tronco e sugandolo.

Unaltro controlo naturale jera el fogo. De estate, gavemo sempre gavudo i stormi eletrici e temporali, che coi fulmini provocava incendi de foreste, che però iera incendi salubri, perchè brusava tute le foie, erbe e cespuglii morti e fertilizava la tera. Con quele, el fogo controlava anche el bacolo, la cui funzion (quela dei sopravisudi, intendo dir) dunque, iera quela utilisima, de atacar i alberi più veci e deboli e de coparli, stabilizando cusì la crescita armoniosa dela foresta..

Con l'arivo dei soliti furbi che i se credi saver de più de madre natura, una sesanina de ani fa i ga comincià a studar tuti i foghi alacremente, ogni volta che sucedeva un. Adeso nele foreste, el sotofondo xe metri e metri de aghi de pini in varie forme de marzume ––– insoma un pozo de milioni de etari, pien de aghi de pini, che xe in pratica la forma seca dela torpentina. Co' riva un fogo adeso, xe scquasi imposibile de controlarlo, amenochè no se lo abi becado in tempo. E becarlo in tempo ghe vol, perche se no la distruzion diventa globale, quindi la seconda maniera naturale de controlar ste pesti, el fogo, xe anche ela ala mercè dela cadenela del ceso.

Eco dunque la propagazion e la distruzion dela silvicultura che la ga fato parte dela BC dal'ultima era glaciale, 14,000 ani fa.

E dopo xe quei che ancora no i credi che el suriscaldamento globale ga dele ramificazioni che causa dani incalcolabili. Anzi La magior parte de lori gnanche no i concepisi l'idea del'esistenza del problema de suriscaldamento globale, lasemo andar le sue ramificazioni.

Purtropo, quando che i gavarà capido sarà tropo tardi.

Arnie

Per quei che i spikka per inglish :
http://en.wikipedia.org/wiki/Mountain_pine_beetle

Arnie

[pacifico]

Voio ringraziar Coce per la descrizion che el ga presentado riguardo le temperature torride che gavemo pasado. Specialmente per chi xe anzian come mi sofferenti de asma. Posso dir che xe sta' una roba tremenda. E forsi gavaremo ancora delle giornade simili. Infatti la stampa ga riportado 30 decessi , ma poi i ga aggiunto che probabilmente xe stadi forsi de piu'. Quel che xe preoccupante xe che le riserve de acqua le xe assai basse.Poco tempo fa i registrava una capacita' de solo 32 %, e con i foghi che gavemo avudo, e se prevedi altri, xe una roba preoccupante.
Gavevo pianta' un piccolo ortisel con un per de verdure. In un giorno se ga tutto secca'. Pazienza go dito. Ma quei che vivi coltivando per i mercati.
Significa perder el toco de pan per famiglie intiere.
Credo che sara' un anno assai duro per tutti.

[serlilian]

Eh, l'aqua devi esser un grosso problema in Australia. Ma nele cità vizin al mar i usa desalinizar l'acqua de mar? In Egito i lo fa e credo anche in tuti i Paesi arabiNo la xe bona per bever, ma la va ben per lavar e per usi industriali. Anni fa gavevo leto che i israeliani stava cambiando el clima de una zona perchè i ga comincià a impiantar alberi e i alberi tratien l'umidità, consolida el teren, insoma i recupera tere che iera diventade desertiche. Ma provabilmente i gaveva abondanza de aqua.

[babatriestina]

Anni fa gavevo leto che i israeliani stava cambiando el clima de una zona perchè i ga comincià a impiantar alberi e i alberi tratien l'umidità, consolida el teren, insoma i recupera tere che iera diventade desertiche. Ma provabilmente i gaveva abondanza de aqua.

lori xe stadi i pionieri de l'irrigazion goccia a goccia, per versar acqua solo ale radise dele piante e sparagnar l'acqua al massimo

[serlilian]

Xe vero. Adesso me ricordo che gavevo leto qualcossa anni fa.

[Coce]

Eh, l'aqua devi esser un grosso problema in Australia. Ma nele cità vizin al mar i usa desalinizar l'acqua de mar? In Egito i lo fa e credo anche in tuti i Paesi arabiNo la xe bona per bever, ma la va ben per lavar e per usi industriali. Anni fa gavevo leto che i israeliani stava cambiando el clima de una zona perchè i ga comincià a impiantar alberi e i alberi tratien l'umidità, consolida el teren, insoma i recupera tere che iera diventade desertiche. Ma provabilmente i gaveva abondanza de aqua.

Ben , la setimana passada xe stada orribile, come Pacifico ga za dito e gaveremo ripercussioni in futuro , tuta l'uva xe stada brusada, la stessa roba per la verdura, el mio giardin fa pieta', prossimo sabato se spetemo un'altra giornada de 43* e speremo che sia l'ultima per la stagion. Si l'aqcua xe un problema specialmente nel Victoria, stemo fabricando un desalinizator ma xe ssai opposizion al progetto perche nissun lo vol vizin de casa sua. El nostro paese xe grande e a parte che gavemo 4 diferenti orari gavemo anche i estremi climatici ssai caldo e siccita' nel Sud e ssai, ssai umidita' e piova lungo tuta la costa del Nord, al momento tuto el Queensland xe alaga' e la gente xe sfollada dale case, i parla de centinaia de milioni de dollari de dani . Spero che la prossima volta gabio qulcosa de piu' alegro de contarve .Ciao Cesare